News of Tuesday, 7th November 2017

વડતાલ સ્વામીનારાયણ મંદિરે 'કાર્તિકી સમૈયો' અવસરે ગુંજ્યા મેઘાણી ગીતો

રાજકોટ : શ્રી સ્વામિનારાયણ મંદિર વડતાલધામને આંગણે 'કાર્તિકી સમૈયો'નાં અવસરે મેઘાણી-ગીતો ગુંજયાં. રાષ્ટ્રીય શાયર ઝવેરચંદ મેઘાણી રચિત અમર ગીતો 'કસુંબીનો રંગ', 'મોર બની થનગાટ કરે', 'શિવાજીનું હાલરડું'ની ખ્યાતનામ લોકગાયક અભેસિંહ રાઠોડ દ્વારા ઝમકદાર રજૂઆતથી ઉપસ્થિત સહુ સંતો અને હરિભકતો ડોલી ઊઠયાં હતાં. સ્વામીનારાયણ સંપ્રદાયનાં પ્રચલિત પદ 'આજ સખી આનંદની હેલી', 'ગઢપુર જોતાં શ્રીજી મને સાંભરે', 'વડતાલની ફૂલવાડીએ હિંડોળો આંબાની ડાળ' રજૂ થયાં. હાસ્યકલાકાર ધનસુખભાઈ ટાંક (રાજકોટ)એ કલા રજૂ કરી હતી. વૃત્ત્।ાલય ગાદીના સાહિત્ય-સંસ્કૃતિ-પ્રેમી પીઠાધિપતિ પ.પૂ.ધ.ધૂ. ૧૦૦૮ આચાર્ય શ્રી રાકેશપ્રસાદજી મહારાજ, શાસ્ત્રી સ્વામી શ્રી ઘનશ્યામપ્રકાશદાસજી (મુખ્ય કોઠારી), સ્વામી શ્રી દેવપ્રકાશદાસજી (ચેરમેન), સ્વામી શ્રી વિશ્વપ્રકાશદાસજી (કોઠારી – કલાકુંજ, સુરત), શ્રીમદ્ સત્સંગીજીવન કથાના વિદ્વાન વકતા શાસ્ત્રી સ્વામી નિલકંઠચરણદાસજી, શાસ્ત્રી સ્વામી ડો. સંતવલ્લભદાસજી (આસી. કોઠારી), સ્વામી શ્રી શ્યામવલ્લભદાસજી (ભંડારી) સહિત મોટી સંખ્યામાં સંતોની પ્રેરક ઉપસ્થિતિ હતી. ઝવેરચંદ મેઘાણીના પૌત્ર પિનાકી નાનકભાઈ મેઘાણી, યજમાન ગાબાણી પરિવાર અને સાહિત્ય-સંસ્કૃતિ-પ્રેમી શૈલેશભાઈ સાવલિયાની વિશેષ ઉપસ્થિતિ રહી. દેશ-વિદેશમાંથી આવેલા હરિભકતો મોટી સંખ્યામાં ઉપસ્થિત રહ્યાં હતાં.

સંકલન : પિનાકી નાનકભાઈ મેઘાણી

ઝવેરચંદ મેઘાણી સ્મૃતિ સંસ્થાન

www.jhaverchandmeghani.com

મોબાઈલ : ૯૮૨૫૦ ૨૧૨૭૯

ઈ-મેઈલઃpinakimeghani@gmail.com

(11:13 am IST)
  • ગોવા સરકારના પ્રધાન વિજય સરસદેસાઈએ ઉત્તર ભારતીય પર્યટકોને લઈને વિવાદીત નિવેદન આપ્યું છે અને તેમને ધરતી પર ગંદગી ગણાવ્યા છે. વિજય સરદેસાઈએ કહ્યુ છે કે આ પર્યટકો ગોવાને હરિયાણા બનાવવા ચાહે છે. પોતાના સંબોધનમાં વિજય સરદેસાઈએ ઉત્તર ભારતીય પર્યટકોને મોટા પૂર સમાન ગણાવ્યા અને તેમણે ગોવાને બીજું ગુરુગ્રામ નહીં બનવા દેવાની વાત પણ કરી હતી. access_time 7:25 pm IST

  • મહિસાગરમાં ડમ્પીંગ યાર્ડ સામે ગ્રામજનોનો વિરોધઃ પોલીસ સાથે ઘર્ષણ થતા ટીયરગેસ છોડાયોઃ બાલાસિનોર નજીક ડમ્પીંગ યાર્ડનું કામ શરૂ થતા ગ્રામજનોના ટોળા દ્વારા જોરદાર વિરોધ પ્રદર્શન : ડીવાયએસપી પી.આઈ. સહિતનો પોલીસ કાફલો ઘટના સ્થળે દોડી ગયો હતો : ગ્રામજનો અને પોલીસ વચ્ચે ઘર્ષણ થયુ : ટોળાને કાબુમાં લેવા ટીયરગેસના ૩ સેલ છોડવામાં આવ્યા access_time 5:48 pm IST

  • અમિત શાહની મુલાકાત દરમિયાન સુરક્ષા માટે હરિયાણા સરકારે કેન્દ્ર પાસે ૧૫૦ CRPFની કંપનીઓ માંગી : જાટ સમુદાયના વિરોધનો ડર? access_time 12:31 pm IST