Gujarati News

Gujarati News

News of Tuesday, 29th November 2016

સાથી હાથ બઢાના

અજય મકવાણાને કિડની ટ્રાન્સપ્લાન્ટના ઓપરેશન માટે રૂ.૨.૫૦ લાખની જરૂર

 

રાજકોટ તા. ૨૯ : ભરતભાઇ મકવાણાના ૨૨ વર્ષીય પુત્ર અજયને એક કિડની જન્મજાત ડેમેજ હતી અને છેલ્લા બે વર્ષથી બીજી કીડની પણ ડેમેજ થતા હાલ ડાયાલીસીસ પર છે. કોલેજના બીજા વર્ષમાં અભ્યાસ કરતા આ લાડકવાયાની જીંદગી બચાવી લેવા પિતા ભરતભાઇ પોતાની કીડની આપવા તૈયાર થયા છે. ક્રોસ મેકીંગ સહીતના રીપોર્ટ થઇ ચુકયા છે. અમદાવાદ ખાતે કિડની ટ્રાન્સપ્લાન્ટ માટે તૈયારીઓ કરવામાં આવી છે. આ માટે રૂ.૭ લાખ સુધીનો ખર્ચ થાય તેમ છે. સગા સંબંધીઓની મદદ મેળવી રૂ. ૫ લાખ સુધીના ખર્ચની તો વ્યવસ્થા તેઓએ કરી લીધી છે. પરંતુ હજુ વધારાના રૂ.૨.૫૦ લાખનો ખર્ચ કયાંથી કાઢવો તેની મુંજવણ અનુભવી રહ્યા છે. સુખી સંપન્ન લોકો અને દાતાઓએ આગળ આવવા અપીલ કરાઇ છે. અજય મકવાણા બેંક ઓફ ઇન્ડીયા ફુલછાબ ચોક, રાજકોટ બ્રાન્ચમાં બચત ખાતુ ધરાવે છે. જેના ખાતા નં.૩૧૦૩૧૦૧૧૦૦૦૬૦૩૩ છે. વધુ માહીતી અજયના પિતાશ્રી ભરતભાઇ મકવાણા (મો.૯૮૨૪૫ ૯૯૭૩૬) નો તેમના નિવાસ સ્થાન 'ભગવતી કૃપા', ર-તીલક પ્લોટ, મોચી બજાર, રાજકોટ ખાતે સંપર્ક કરવા જણાવાયુ છે. (૧૬.૨)

 

(11:57 am IST)
  • ઉત્તર પ્રદેશ સમાજવાદી પક્ષના ઉમેદવાર જયા બચ્ચને શુક્રવારે રાજ્યસભા માટે નામાંકન ભર્યું છે. તેમણે વિધાનસભાના સેન્ટ્રલ હોલમાં નોમિનેશન દાખલ કર્યું હતું. આ દરમિયાન સ.પા.ના પ્રમુખ અખિલેશ યાદવના પત્ની સાંસદ શ્રીમતી ડિમ્પલ યાદવ, સ.પા.ના ઉપપ્રમુખ કિરણ મય નંદા, સ.પા.ના રાષ્ટ્રીય સચિવ રાજેન્દ્ર ચૌધરી અને સહારા ગ્રૂપના ચેરમેન સુબ્રતા રોય સહારા પણ હાજર રહ્યા હતા. access_time 8:42 pm IST

  • સરકાર કુટુંબ નિયોજનને પ્રોત્સાહન આપે અને એવા પગલાં લ્યે જેથી દેશના લોકોને 2 બાળકોની પોલિસીને અનુસરવા માટે ઉત્સાહ મળે આવી માંગણી કરતી જાહેરહિતની અરજી સુપ્રીમમાં દાખલ access_time 12:07 am IST

  • સુરતના કાપડના વેપારી તુલસીસિંહ રાજપૂતના પુત્ર અમિતનો મૃતદેહ મળ્યોઃ હત્યા થઈ હોવાનું પરીવારજનોનો આક્ષેપ : મૃતદેહ સ્વીકાર ઈનકાર access_time 5:54 pm IST