Gujarati News

Gujarati News

News of Wednesday, 18th November 2020

' 2020 ની સાલની ચૂંટણી બિલકુલ સુરક્ષિત છે ' તેવું કહેનાર અધીકારીને ટ્રમ્પએ પાણીચું પકડાવી દીધું : મત ગણતરીમાં ઘાલમેલ થઇ છે : મૃતકોના નામે પણ મત અપાયા છે : ટ્રમ્પના આક્ષેપો

વોશિંગટન : અમેરિકામાં 3 નવેમ્બરના રોજ યોજાઈ ગયેલી પ્રેસિડન્ટ પદની ચૂંટણીમાં પરાજિત જાહેર થયેલા વર્તમાન પ્રેસિડન્ટ ડોનાલ્ડ ટ્રમ્પ હાર સ્વીકારવા તૈયાર નથી.તેમજ વ્હાઇટ હાઉસનો કબ્જો પણ છોડવા તૈયાર નથી.

તેમણે મત ગણતરીમાં ઘાલમેલ થઇ હોવાના આરોપો લગાવ્યા છે.જે મુજબ હજારો  મતો ગણવાના બાકી રહી ગયા હતા.અથવા તો ખોટા ગણાય હતા.એટલું જ નહીં મૃતકોના નામે પણ મતો અપાય હોવાનો તેમણે આક્ષેપ કર્યો છે. ઉપરાંત પોતાને મળેલા મતો બિડનના ખાતે જમા થઇ ગયા હતા. તેવો પણ આક્ષેપ કર્યો છે. જોકે  આ આક્ષેપો તેઓ પુરવાર કરી શક્યા  નથી.

દરમિયાન ' 2020 ની સાલની ચૂંટણી બિલકુલ સુરક્ષિત છે ' તેવું કહેનાર સાઇબર સિકયુટી એન્ડ ઇન્ફાસ્ટ્રકચર સિક્યુરિટી એજન્સીના નિર્દેશક ક્રિસ્ટોફર ક્રેબ્સને તેમણે પાણીચું પકડાવી દીધું છે.તેવું સમાચાર સૂત્રો દ્વારા જાણવા મળે છે.

(12:16 pm IST)
  • દિલ્હીમાં 6746 ને કોરોના લાગ્યો: 121 ના મોત: દિલ્હીમાં છેલ્લા 24 કલાકમાં 6,746 લોકોને કોરોના વાયરસનો ચેપ લાગ્યો છે અને 121 કોરોના દર્દીઓનાં મોત નીપજ્યાં છે. access_time 11:37 pm IST

  • ઈરાકમાં આતંકી હુમલો: આઠના મોત:બગદાદ: ઈરાકના સલાહાદિન પ્રાંતમાં આઈએસઆઈએસ આતંકીઓએ હુમલો કરતા 6 સૈનિકો સહિત 8 લોકો માર્યા ગયાના અહેવાલો મળે છે. (પ્રતીકાત્મક તસ્વીર) access_time 12:46 am IST

  • હવે કોરોનાથી ફેફસાને નહિ થાય નુકશાન : ભારતીય મૂળના ડોકટરે શોધ્યો કોરોના વાયરસનો ઈલાજ : ભારતમાં જન્મી અને ટેનેસીની સેન્ટ જ્યુડ ચિલ્ડ્રન રિસર્ચ હોસ્પિટલમાં કાર્યરત ડો, તિરુમલા દેવી કનનેગતિએ આ સબંધિત એક અભ્યાસ જર્નલ સેલ ઓનલાઇન સંસ્કરણમાં પ્રકાશિત કર્યો : તેણીએ ઉંદર પર સંશોધનમાં જાણ્યું કે કોરોના થવા પર કોશિકાઓમાં સોજાને કારણે અંગોને બેકાર થવાનો સબંધ હાઇપરઇન્ફ્લેમેટરી પ્રતિરોધ છે જેનાથી મોત થાય છે access_time 11:50 pm IST