Gujarati News

Gujarati News

News of Friday, 22nd January 2021

યુ.એસ.માં AAPI તથા IMPACT ફંડ દ્વારા સુશ્રી કમલા હેરિસના વિજયનો વર્ચ્યુઅલ જશ્ન મનાવાયો : અમેરિકાના વાઇસ પ્રેસિડન્ટ તરીકે ચૂંટાઈ આવેલા સુશ્રી કમલા હેરિસે એશિયન પ્રજાજનો માટે અમેરિકાના રાજકારણમાં ઉજ્જવળ તકો હોવાનું પુરવાર કર્યું

વોશિંગટન : તાજેતરમાં અમેરિકાના વાઇસ પ્રેસિડન્ટ તરીકે ચૂંટાઈ આવેલા ઇન્ડિયન અમેરિકન મહિલા સુશ્રી કમલા હેરિસનો શપથ વિધિ 20 જાન્યુઆરી 2021 ના રોજ સંપન્ન થયો.

અમેરિકામાં બીજા નંબરના સર્વોચ્ચ પદ ઉપર સૌપ્રથમવાર અશ્વેત અને મહિલા તરીકે ચૂંટાઈ આવવાનો વિક્રમ સરજાતા એશિયન અમેરિકન પ્રજાજનોના સંગઠન AAPI તથા IMPACT ફંડ દ્વારા ઉજવણીનો વર્ચ્યુઅલ જશ્ન મનાવાયો હતો.

એશિયન અમેરિકન પેસિફિક આઇલેંડર ( AAPI ) ના ઉપક્રમે કરાયેલી વર્ચ્યુઅલ ઉજવણીમાં સહુએ સુશ્રી કમલા હેરિસ માટે ગૌરવ વ્યક્ત કર્યું હતું.તથા જણાવ્યું હતું કે એશિયન પ્રજાજનો માટે અમેરિકાના રાજકારણમાં ઉજ્જવળ તકો હોવાનું પુરવાર કર્યું છે.

આ તકે IMPACT કો ફાઉન્ડર  શ્રી રાજ ગોયલ ,શ્રી દિપક રાજ ,ઇન્ડિયન અમેરિકન એક્ટર કાલ પેન ,સહિતનાઓએ પ્રાસંગિક ઉદ્દબોધનો કર્યા હતા.હિપ હોપ આર્ટિસ્ટ રાજા કુમારી ,તથા બાંગલાદેશી અમેરિકન સિંગર આરી અફ્સારે સાંસ્કૃતિક કાર્યક્રમો રજુ કર્યા હતા.

(7:19 pm IST)
  • રામ મંદિર નિર્માણ માટે વિજયભાઈએ ૫ લાખ અને રામભાઈ મોકરિયાએ ૧૧ લાખ જાહેર કર્યા: મુખ્યમંત્રી વિજયભાઈ રૂપાણીએ આજે રાજકોટ ખાતે શ્રેષ્ઠઈઓની બેઠકમાં અયોધ્યામાં રામ મંદિર નિર્માણ માટે પાંચ લાખ રૂપિયાના દાનની જાહેરાત કરી છે, જ્યારે મારુતિ કુરિયર પ્રાઇવેટ લિમિટેડના શ્રી રામભાઈ મોકરિયાએ રામ મંદિર નિર્માણ માટે ૧૧ લાખ રૂપિયાની જાહેરાત કરી હતી. access_time 12:19 am IST

  • દેશમાં કોરોના થાક્યો:નવા કેસ કરતા સ્વસ્થ થનારની સંખ્યામાં વધારો : એક્ટિવ કેસના આંકમાં સતત ઘટાડો : રાત્રે 11-30 વાગ્યા સુધીમાં કોરોનાના નવા 14,246 કેસ નોંધાયા :કુલ કેસની સંખ્યા 1,06,40,669 થઇ :એક્ટિવ કેસ 1,82,891 થયા: વધુ 17,034 દર્દીઓ સ્વસ્થ થતા કુલ 1,02,99,931 થયા :વધુ 151 લોકોના મોત સાથે કુલ મૃત્યુઆંક 1,53,218 થયા access_time 1:07 am IST

  • રાજસ્થાનના દોઢ ડઝન જિલ્લામાં બર્ડ ફ્લુનો પગપેસારો: રાજસ્થાનના ૧૭ જિલ્લામાં બર્ડ ફ્લુનો પગપેસારો: સત્તાવાર જાહેરાત: રાજસ્થાનમાં અત્યાર સુધીમાં ૧૮૧ પક્ષીઓ મૃત્યુ પામેલ મળી આવ્યા છે. access_time 12:16 am IST