Gujarati News

Gujarati News

News of Friday, 12th January 2018

‘‘ધર્મજ ડે'': વિદેશોમાં સ્‍થાયી થયેલા ગુજરાતના ધર્મજ ગામના વતનીઓ તથા સ્‍થાનિક લોકો દ્વારા દર વર્ષે ૧૨ જાન્‍યુ. ના રોજ ઉજવાતો દિવસ : યુ.કે, આફ્રિકા, ઓસ્‍ટ્રેલિયા, અમેરિકા સહિતના દેશોમાં સ્‍થાયી થયેલા એક હજાર જેટલા NRI વતનીઓ ઉમટી પડવાની ધારણાં

આણંદ : ગુજરાતના આણંદ જીલ્લામાં આવેલા ધર્મજ ગામમાંથી અનેક લોકો યુ.કે, યુ.એસ.એ, ન્‍યુઝીલેન્‍ડ, કેનેડા, ઓસ્‍ટ્રેલિયા, આફ્રિકા સહિતના દેશોમાં સ્‍થાયી થયોનો રેકોર્ડ છે. આથી આ ગામના લોકો ૨૦૦૭ ની સાલથી ૧૨ જાન્‍યુ. નો દિવસ ‘‘ધર્મજ ડે'' તરીકે ઉજવે છે. એટલું જ નહિં આ દિવસે વિદેશોમાં એક હજાર જેટલા વતનીઓ હાજર રહે છે. તેમજ ૧૨ જાન્‍યુ. ના રોજ ‘‘ધર્મજ ડે'' ની ઉજવણી બાદ ૧૪ જાન્‍યુ. રોજ ઉતરાયણ તહેવારનો આનંદ માણી પાછા જાય છે.

આ વર્ષે આજે સતત ૧૨મો વાર્ષિક ધર્મજ ડે ઉજવાઇ રહયો છે. જેમાં નાઇરોબી ખાતે હાઇકોર્ટના જજ તરીકે સેવાઓ આપનાર સ્‍વ.વિનોદભાઇ પટેલને ‘ધર્મજ રત્‍ન' એવોર્ડ અપાશે જે સ્‍વીકારવા તેમના પુત્ર કેન્‍યા સ્‍થિત શ્રી કેતન પટેલ સહપરિવાર હાજર રહેશે. તથા યુ.એસ.ના શ્રી નરેશ પટેલ મુખ્‍ય મહેમાન તરીકે હાજરી આપશે. આઇ.એ.એસ. અધિકારી શ્રી ભાગ્‍યેશ ઝા ‘‘ચલો જીવન રિચાર્જ કરે'' વિષય ઉપર ઉદબોધન કરશે.

આ ઉજવણીમાં દર વર્ષે સ્‍થાનિક લોકો તથા NRI સહિત  ૩ હજાર જેટલા લોકો જોડાય છે તેવું સમાચાર સૂત્રો દ્વારા જાણવા મળે છે.

(11:14 pm IST)
  • વડોદરામાં શાળા બંધ સમયે વાલીઓ સ્કુલ સંચાલકો વચ્ચે ઉગ્રતાઃ વાલીઓએ શાનેન સ્કુલ બંધ કરાવ્યાના હેવાલઃ પરીક્ષા ચાલતી હતી access_time 11:32 am IST

  • ભાગેડુ અપરાધી અને ઉદ્યોગપતિ વિજય માલ્યાના પ્રત્યર્પણના કેસમાં લંડનની અદાલતમાં ગુરુવારે યોજાયેલી સુનાવણીનું કોઇ નક્કર પરિણામ આવ્યું નથી. વિજય માલ્યાનું પ્રત્યર્પણ ફરીથી પાછું ઠેલાયું છે. પુરાવાનો સ્વીકાર કરવો કે નહીં તે બાબતે વિજય માલ્યાના વકીલે દલીલ અને રજૂઆત કર્યા બાદ માલ્યાના જામીન બે એપ્રિલ સુધી લંબાવવામાં આવેલ છે. access_time 3:54 pm IST

  • સુપ્રીમ કોર્ટના જજોના વિવાદ પર કૉંગ્રેસે SIT દ્વારા તપાસ કરાવવાની કરી માંગ : પત્રકાર પરિષદમાં ન્યાયમૂર્તિઓના મુદ્દે કોંગેસ અધ્યક્ષ રાહુલ ગાંધીએ કહ્યું કે આ ઘટના અભૂતપૂર્વ છે, પ્રથમ વખત આવી ઘટના બની છે - ન્યાયમૂર્તિઓએ જસ્ટીસ લોયાની વાત કરી છે, તેની ઉચ્ચ સ્તરે તપાસ કરાવો - ન્યાયમૂર્તિઓનો પ્રશ્ન અત્યંત મહત્વપૂર્ણ છે તેનો ત્વરિત ઉકેલ લાવવો જોઈએ - સમગ્ર દેશને અદાલતી પ્રણાલી પર સંપૂર્ણ વિશ્વાસ છે : શ્રી સુર્જેવાલાએ વધુમાં કહ્યું કે સુપ્રીમ કોર્ટને ન્યાયમૂર્તિઓ દ્વારા ઉઠાવવામાં આવેલા મુદ્દાઓ પર વિચાર કરવો જોઇએ : જજો દ્વારા થયેલ પત્રકાર પરિષદ લોકશાહી પર દૂરગામી અસર કરશે access_time 8:11 pm IST