Gujarati News

Gujarati News

News of Tuesday, 6th February 2018

BAPS શ્રી સ્વામિનારાયણ સંસ્થાનના પ.પૂ. મહંત સ્વામી ઓસ્ટ્રેલિયામાં સત્સંગ વિચરણ કરશેઃ ૨૭ ફેબ્રુ.થી ૬ માર્ચ ૨૦૧૮ દરમિયાન ગ્રાન્ડ પેવેલીઅન ખાતે વિવિધ કાર્યક્રમોઃ ૨૪ માર્ચથી ૨૮ માર્ચ ૨૦૧૮ દરમિયાન ઓલ્ડ ઓર્ચાડ ખાતે પધરામણી

ઓસ્ટ્રેલિયાઃ શ્રી સ્વામિનારાયણ ભગવાનના આદ્યાત્મિક વારસદાર પ.પૂ.મહંત સ્વામી ૨૭ ફેબ્રુ.૨૦૧૮થી ઓસ્ટ્રેલિયાના પ્રવાસે જઇ રહ્યા છે. જયાં ૨૭ ફેબ્રુ.ના રોજ ૫.૪૫ થી ૭.૪૫ દરમિયાન એરપોર્ટ ઉપર તેમનું ભાવભર્યુ સ્વાગત કરાશે. તથા આ દિવસ ગ્રાન્ડ પેવેલીઅન ખાતે ''બાલ કિશોર દિન'' તરીકે ઉજવાશે.

૨૮ ફેબ્રુ.ના રોજ ઉપરોકત સ્થળે સાંજે ૫-૪૫ થી ૭-૪૫ દરમિયાન સાંસ્કૃતિક કાર્યક્રમો યોજાશે. આ દિવસ સમર્પણ દિન તરીકે ઉજવાશે. તથા ૧ માર્ચ બુધવારના રોજ આ સ્થળે જ સાંજે ૫-૪૫ થી ૭-૪૫ દરમિયાન યોજાનારા સાંસ્કૃતિક કાર્યક્રમનો દિવસ ''ભગત મહારાજ જયંતિ'' તરીકે ઉજવાશે.

ર માર્ચ ૨૦૧૮ શુક્રવારના રોજ કેટલ પેડોક ખાતે સાંજે ૪ થી ૮ વાગ્યા દરમિયાન ધુળેટી તહેવાર ઉજવાશે. જે માટે ફુલડોલનું આયોજન કરાયું છે.

૩ માર્ચ શનિવારનો દિવસ ''મહિલા દિન'' તરીકે ઉજવાશે જે અંતર્ગત ગ્રાન્ડ પેવેલીઅન ખાતે બપોરે ૧ થી ૩.૩૦ વાગ્યા દરમિયાન મહિલાઓ માટેના કાર્યક્રમ યોજાયા છે.

તથા સાંજે ૪-૩૦ થી ૭-૪૫ દરમિયાન દિક્ષા મહોત્સવનું આયોજન કરાયું છે.

૪ માર્ચ રવિવારે ''મહાપૂજા''યોજાશે. જેનો સમય બપોરે ૪ વાગ્યાથી સાંજે ૭-૪૫ વાગ્યા સુધીનો રહેશે.

૫ માર્ચ સોમવારે ગ્રાન્ડ પેવેલીઅન ખાતે સાંજે ૫-૪૫ થી ૭-૪૫ દરમિયાન સાંસ્કૃતિક કાર્યક્રમો યોજાશે. આ દિવસ 'યુવા દિન' તરીકે ઉજવાશે.

૬ માર્ચ મંગળવારે ગ્રાન્ડ પેવેલીઅન ખાતે સાંજે ૫-૪૫ થી ૭-૪૫ દરમિયાન ''ગુરૂ હરિ સ્મૃતિ દિન'' ઉજવાશે.

દરરોજ કાર્યક્રમ પૂર્ણ થયા બાદ મહાપ્રસાદની વ્યવસ્થા કરાઇ છે.

બાદમાં ૨૪ માર્ચથી ૨૮ માર્ચ દરમિયાન ઓલ્ડ ઓર્ચાડ ખાતે પ.પૂ.મહંત સ્વામીની પધારમણી થશે. જયાં ૨૩ માર્ચ ૨૦૧૮ શુક્રવારે તેમના આગમન સમયે સાંજે ૫-૪૫ થી ૭-૪૫ દરમિયાન સ્વાગત સમારોહ યોજાશે.

આ દિવસે સત્સંગ સભા થશે

૨૪ માર્ચ શનિવારે સાંજે ૪ થી ૭-૩૦ વાગ્યા દરમિયાન ICC સિડની મુકામે સાંસ્કૃતિક કાર્યક્રમોનું આયોજન કરાયું છે. આ દિવસ ''આંતર ખોજ'' દિવસ તરીકે ઉજવાશે.

૨૫ માર્ચ રવિવારે ઓલ્ડ ઓર્ચાડ ખાતે સાંજે ૭-૩૦ થી રાત્રિના ૧૦ વાગ્યા દરમિયાન 'રામ નવમી' પર્વ ઉજવાશે. આ દિવસે શ્રી હરિ જયંતિ ઉજવાશે.

૨૬ માર્ચ સોમવારે ઓલ્ડ ઓર્ચાડ મુકામે સાંજે ૫-૪૫ થી ૭-૪૫ દરમિયાન 'કિર્તન આરાધના'નું આયોજન કરાયું છે.

૨૭ માર્ચ મંગળવારના રોજ ઓલ્ડ ઓર્ચાડ ખાતે સાંજે ૫-૪૫ થી ૭.૪૫ દરમિયાન ''કૃતરીતા દિન'' ઉજવાશે.

દરરોજ કાર્યક્રમ પૂર્ણ થયા બાદ મહાપ્રસાદની વ્યવસ્થા કરવામાં આવી છે. તેવું શ્રી મિતુલ સાંગાણીની યાદીમાં જણાવાયું છે.

(2:41 pm IST)
  • ગોવા સરકારના પ્રધાન વિજય સરસદેસાઈએ ઉત્તર ભારતીય પર્યટકોને લઈને વિવાદીત નિવેદન આપ્યું છે અને તેમને ધરતી પર ગંદગી ગણાવ્યા છે. વિજય સરદેસાઈએ કહ્યુ છે કે આ પર્યટકો ગોવાને હરિયાણા બનાવવા ચાહે છે. પોતાના સંબોધનમાં વિજય સરદેસાઈએ ઉત્તર ભારતીય પર્યટકોને મોટા પૂર સમાન ગણાવ્યા અને તેમણે ગોવાને બીજું ગુરુગ્રામ નહીં બનવા દેવાની વાત પણ કરી હતી. access_time 7:25 pm IST

  • ફેહકુલ્વાયોની સિક્સર સાથે સાઉથ આફ્રિકાએ ચોથો વનડે 5 વિકેટે ભારત સામે જીતી લીધો : મેચમાં શીખર ધવનની નોંધાઈ જબરદસ્ત સદી : ભારતે આપેલ ૨૮ ઓવરમાં ૨૦૨ રનનો ટાર્ગેટ સાઉથ આફ્રિકાએ સરળતાથી પાર પાડ્યો : ભારત હજુ પણ સીરીઝમાં ૩-1થી આગળ access_time 1:56 am IST

  • ફિલ્મ મણીકર્ણિકાના નિર્માતાઓને મળી મોટી રાહત : બ્રાહ્મણ સમાજે ફિલ્મનો વિરોધ પાછો ખેંચ્યો : 5 ફેબ્રુઆરીના રોજ બ્રાહ્મણ સમાજએ કંગના રનૌતની આગામી ફિલ્મ 'મણીકર્ણિકા' સામે ઈતિહાસમાં ચેડાં કરવાનો દાવો કરીને વિરોધ કર્યો હતો : ફિલ્મ નિર્માતાઓનું આશ્વાશન મળ્યા બાદ બ્રાહ્મણ સમાજે પોતાનો વિરોધ પાછો લીધો હોવાનું જાણવા મળી રહ્યું છે access_time 12:46 am IST