News of Tuesday, 6th March 2018

દુબઇમાં રીઅલ એસ્‍ટેટ ક્ષેત્રે રોકાણમાં ભારતીયો અવ્‍વલ નંબરેઃ છેલ્લા પાંચ જ વર્ષમાં અધધ... ૨૨.૬ બિલીયન ડોલરની પ્રોપર્ટી ખરીદીઃ એપ્રિલ માસમાં દુબઇ લેન્‍ડ ડીપાર્ટમેન્‍ટ આયોજીત ફેસ્‍ટીવલમાં મોટા રોકાણકાર તરીકે ઊભરી આવવાની શકયતા

દુબઇઃ દુબઇમાં વસતા ભારતીયોએ છેલ્લા પાંચ જ વર્ષમાં રીઅલ માર્કેટ ક્ષેત્રમાં ૨૨.૬ બિલીયન ડોલર ઉપરાંતની પ્રોપર્ટીની ખરીદી કરી તેમાં જબ્‍બર રોકાણ નોંધાવ્‍યુ છે.

દુબઇ લેન્‍ડ ડીપાર્ટમેન્‍ટના ઉપક્રમે આગામી એપ્રિલ માસમાં યોજાનારા ફેસ્‍ટીવલ અનુસંધાને આ માહિતી આપવામાં આવી હતી. જે મુજબ દુબઇમાં વસતા ભારતીયો છે ૨૦૧૭ની સાલમાં ૧૫.૬ બિલીયન આરબ દિરહામ ૨૦૧૬માં ૧૨ બિલીયન દિરહામ તથા ૨૦૧૫ની સાલમાં ૨૦ બિલીયન દિરહામનું રોકાણ કર્યુ હતું.

દુબઇ લેન્‍ડ ડીપાર્ટમેન્‍ટના ડીરેકટર જનરલના જણાવ્‍યા મુજબ એપ્રિલ માસમાં યોજાનારા ફેસ્‍ટીવલમાં સ્‍થાનિક ભારતીયો મોટા રોકાણકાર તરીકે ઊભરી આવશે. તેવું સમાચાર સૂત્રો દ્વારા જાણવા મળે છે.

(9:54 pm IST)
  • સસ્પેન્ડેડ IAS અધિકારી પ્રદિપ શર્માની અટકાયતઃ સાબરમતી જેલની બહાર આવતાની સાથે જ અટકાયત : હાઈકોર્ટે હજુ ગઈકાલે જ જામીન આપ્યા હતા : વિદેશમાં હવાલા દ્વારા નાણા મોકલવામાં આવ્યાનો કેસ ચાલી રહ્યો છે access_time 3:49 pm IST

  • જગવિખ્યાત સુફી ગાયક બેલડી વડાલી બ્રધર્સમાં નાના ભાઈ ઉસ્તાદ પ્યારેલાલ વડાલીનું 75 વર્ષની ઉમંરે હાર્ટ એટેકમાં મૃત્યુ થયુ છે. પ્યારેલાલ છેલ્લા કેટલાક સમયથી બીમાર હતા અને ગઈ કાલે તેમને હાર્ટ એટેક આવ્યો હતો. ગઈ કાલે તેમને અમૃતસરની ફોર્ટિસ હોસ્પિટલમાં દાખલ કરવામાં આવ્યા હતાં. ત્યાં આજે સવારે તેમણે અંતિમ શ્વાસ લીધા હતા. પ્યારેલાલ વડાલીના નિધન વિશે તેમના ભત્રીજા લખવિંદર વડાલીએ જાણ કરી હતી. access_time 1:04 pm IST

  • ઉત્તર પ્રદેશ સમાજવાદી પક્ષના ઉમેદવાર જયા બચ્ચને શુક્રવારે રાજ્યસભા માટે નામાંકન ભર્યું છે. તેમણે વિધાનસભાના સેન્ટ્રલ હોલમાં નોમિનેશન દાખલ કર્યું હતું. આ દરમિયાન સ.પા.ના પ્રમુખ અખિલેશ યાદવના પત્ની સાંસદ શ્રીમતી ડિમ્પલ યાદવ, સ.પા.ના ઉપપ્રમુખ કિરણ મય નંદા, સ.પા.ના રાષ્ટ્રીય સચિવ રાજેન્દ્ર ચૌધરી અને સહારા ગ્રૂપના ચેરમેન સુબ્રતા રોય સહારા પણ હાજર રહ્યા હતા. access_time 8:42 pm IST