Gujarati News

Gujarati News

News of Wednesday, 7th March 2018

‘પ્રાઇડ ઓફ બર્મિંગહામ એવોર્ડ': યુ.કે. સ્‍થિત ભારતીય મૂળના શ્રી હેરી અઠવાલને એવોર્ડ આપી સન્‍માનિત કરાશેઃ ટેરર એટેક વખતે ૭ વર્ષના બાળકને બચાવવા જાનનું જોખમ ઉઠાવ્‍યું હતું

લંડનઃ બ્રિટનમાં વસતા ભારતીય મૂળના ૪પ વર્ષીય શીખ શ્રી હેરી અઠવાલને તેણે જાનના જોખમે બતાવેલી બહાદુરી બદલ ‘પ્રાઇડ ઓફ બર્મિંગહામ' એવોર્ડથી સન્‍માનિત કરાશે.

શ્રી હેરીએ ઓગષ્‍ટ ૨૦૧૩માં બાર્સેલોનામાં થયેલા ટેરર એટેક સમયે પોતે ત્‍યાં હાજર હોવાથી એક ૭ વર્ષના બાળકને બચાવવા દોટ મૂકી હતી તથા પોલીસ કુમક આવી ત્‍યાં સુધી આ બાળકના પરિવાર પાસે હાજર રહી મદદરૂપ થવાની કોશિષ કરી હતી. જો કે, આ ટેરર એટેકથી ગંભીર રીતે ઘવાયેલો આ બાળક બચી શક્‍યો નહોતો. એટેકના કારણે કુલ ૧૩ વ્‍યક્‍તિઓના મોત થયા હતાં તથા સેંકડો ઘવાયા હતાં.

હાલમાં પણ બાળકના પરિવાર સાથે સંપર્ક ધરાવતા શ્રી હેરીનું ઉપરોક્‍ત એવોર્ડથી ૮ માર્ચ ૨૦૧૮ના રોજ યુનિવર્સિટી ઓફ બર્મિંગહામ ખાતે સન્‍માન કરાશે. જે પ્રસંગે કુલ ૧૧ એવોર્ડ વિજેતાઓને સન્‍માનિત કરાશે.

(9:46 pm IST)
  • રાજકોટમાં સિલ્વર પાર્ક -4 માં રહેતા પ્રોફેસર રક્ષીત રૈયાણીની બળાત્કારના કેસમાં મહિલા પોલીસ દ્વારા ધરપકડ કરવામાં આવી છે. આરોપી રક્ષીતના ઘરમાં સર્વિસ કોન્ટ્રાક્ટર પર રહેતી છોકરીએ રક્ષીત રૈયાણી પર બળાત્કાર અને મારપીટ કર્યાની ફરિયાદ પોલીસમાં કરી હતી, આ ઉપરાંત રક્ષીતના માતા - પિતાની પણ મદદગારી કરવા બદલ ધરપકડ કરવામાં આવી હતી. આ એજ રક્ષીત રૈયાણી છે જેણે તાજેતરમાજ પોતાની ત્રીજી પત્નીને ઘરમાંથી બહાર તગેડી મૂકી હતી અને એ પત્ની એના ઘરની જ બહાર ધરણા પર બેઠી હતી. access_time 12:55 am IST

  • સુરેન્દ્રનગરના રળોલ ગામે સેન્ટ્રીંગનું કામ કરતા 7 મજૂરોને વીજશોક :એકનું મોત access_time 12:09 am IST

  • દેશભરમાં ચકચારી બનેલ આરુષી હત્યા કેસમાં અલાહાબાદ હાઈકોર્ટ દ્વારા તલવાર દંપતીને છોડી મુકવાના આદેશ સામે CBIએ સુપ્રીમ કોર્ટમાં કરી અરજી access_time 9:25 am IST