Gujarati News

Gujarati News

News of Tuesday, 6th March 2018

‘રંગ રંગીલા ગુજ્જુભાઇ': મસ્‍કતના આંગણે ગુજરાતી સમાજના ઉપક્રમે યોજાયેલા મનોરંજન પ્રોગ્રામથી પ્રેક્ષકો ખુશખુશાલ

મસ્‍કતઃ મસ્‍કત ગુજરાતી સમાજ ઇન્‍ડિયન સોશ્‍યલ ક્‍લબ મસ્‍કત દ્વારા ખૂબ જ પ્રખ્‍યાતી પામેલું નાટક ‘રંગ રંગીલા ગુજ્જુભાઇ' અલફલાજ હોટલના ગ્રાન્‍ડ લી હોલમાં તા.૧૬-૨-૧૮ના આયોજન કરવામાં આવેલું. ૧૯૭૦થી ગુજરાતી નાટકો અને રંગભૂમિ સાથે જોડાયેલા શ્રી સિદ્ધાર્થ રાંદેરીયા આ નાટકના લેખક, દિગ્‍દર્શક અને મુખ્‍ય ભૂમિકામાં રહ્યા હતા. આ નાટકના ૧૦૦થી વધારે પણ વધુ શો અત્‍યાર સુધીમાં ભજવાઇ ગયેલ છે.

હકડેઠઠ ભરાયેલા હોલમાં દર્શકોને ખડખડાટ હસાવતા નાટકે બધાને જકડી રાખ્‍યા હતા. અને પેટમાં આંટી વળી જાય એવા હટ્ટહાસ્‍યો સાથે આખો હોલ સમગ્ર કાર્યક્રમ દરમ્‍યાન હસતો રહ્‍યહ્યો હતો. માર્ગી કુલકર્ણી અને તેજલ વ્‍યાસે શ્રી સિદ્ધાર્થ રાંદેરીયાનો ખૂબ જ સુંદર રીતે સાથ નિભાવ્‍યો હતો. આવા સુંદર અને સરસ કાર્યક્રમો આપવા બદલ મસ્‍કત ગુજરાતી સમાજ માટે તમામે તમામ દર્શકોએ પ્રસંશા કરી હતી.

તમામ કલાકારોનું સન્‍માન શ્રી અનિલ ખીમજી, શ્રી કિરણ આશર, શ્રી રાજેન્‍દ્ર વેદ, શ્રી અનિલ વાદેર અને ગુજરાતી સમાજના પ્રમુખ શ્રી અરવિંદ ટોપરાણીના વરદ્‌ હસ્‍તે કરવામાં આવેલ હતું. કાર્યક્રમની શરૂઆતમાં સ્‍નેહલ જાનીએ અતિથિઓ, કલાકારો અને દર્શકોને આવકાર્યા હતા. સમાજના મહામંત્રી અને સ્‍થાપક શ્રી ચંદ્રકાંત વલ્લભદાસ ચોથાણીએ સર્વે કમિટી મેમ્‍બર્સ, આયોજકો અને વોલન્‍ટિયર્સ ભાઇ-બહેનોનો ખરા હૃદયપૂર્વકથી આભાર માન્‍યો હતો અને જણાવ્‍યું હતું કે બધાના સંપ, સહકાર અને સમર્પણથી જ આવા કાર્યક્રમો શક્‍ય અને સફળ બને છે. સમગ્ર સ્‍પોન્‍સર્સનો શ્રી ચંદ્રકાંત વલ્લભદાસ ચોથાણીએ આભાર માન્‍યો હતો.

કાર્યક્રમના સ્‍પોન્‍સર્સ ખીમજી રામદાસ, મસ્‍કત ફાર્મસી, યુનિક કોન્‍ટ્રેકટિંગ, ઇન્‍તિસાર કોર્પોરેશન, અલ રવાહી ઇન્‍ટરનેશનલ, અલ અન્‍સારી, લખુસ, રમણીકલાલ બી. કોઠારી, મલબાર ગોલ્‍ડ એન્‍ડ ડાયમંડ, ન્‍યુ ઇન્‍ડિયા અશ્‍યોરન્‍સ, અલ મુધીસ, પીઝા હટ, ફલેમિંગો ટ્રાવેલ્‍સ અને શાહ નાગરદાસ મનજી રહ્યા હતા તેવું શ્રી ચંદ્રકાંત વલ્લભદાસ ચોથાણીની યાદી જણાવે છે.

(10:16 pm IST)
  • રાજકોટમાં સિલ્વર પાર્ક -4 માં રહેતા પ્રોફેસર રક્ષીત રૈયાણીની બળાત્કારના કેસમાં મહિલા પોલીસ દ્વારા ધરપકડ કરવામાં આવી છે. આરોપી રક્ષીતના ઘરમાં સર્વિસ કોન્ટ્રાક્ટર પર રહેતી છોકરીએ રક્ષીત રૈયાણી પર બળાત્કાર અને મારપીટ કર્યાની ફરિયાદ પોલીસમાં કરી હતી, આ ઉપરાંત રક્ષીતના માતા - પિતાની પણ મદદગારી કરવા બદલ ધરપકડ કરવામાં આવી હતી. આ એજ રક્ષીત રૈયાણી છે જેણે તાજેતરમાજ પોતાની ત્રીજી પત્નીને ઘરમાંથી બહાર તગેડી મૂકી હતી અને એ પત્ની એના ઘરની જ બહાર ધરણા પર બેઠી હતી. access_time 12:55 am IST

  • જગવિખ્યાત સુફી ગાયક બેલડી વડાલી બ્રધર્સમાં નાના ભાઈ ઉસ્તાદ પ્યારેલાલ વડાલીનું 75 વર્ષની ઉમંરે હાર્ટ એટેકમાં મૃત્યુ થયુ છે. પ્યારેલાલ છેલ્લા કેટલાક સમયથી બીમાર હતા અને ગઈ કાલે તેમને હાર્ટ એટેક આવ્યો હતો. ગઈ કાલે તેમને અમૃતસરની ફોર્ટિસ હોસ્પિટલમાં દાખલ કરવામાં આવ્યા હતાં. ત્યાં આજે સવારે તેમણે અંતિમ શ્વાસ લીધા હતા. પ્યારેલાલ વડાલીના નિધન વિશે તેમના ભત્રીજા લખવિંદર વડાલીએ જાણ કરી હતી. access_time 1:04 pm IST

  • એસટી બસનું છેલ્લા બે વર્ષમાં સરકારી કાર્યક્રમોમાં ભારે ઉપયોગ, તેમ છતાં ભાડાની પૂરી રકમ હજુ સુધી ચૂકવાઈ નથી : બે વર્ષમાં ૪૭૦૪૧ બસો દોડાવાઈ : પરંતુ ભાડાપેટાની ૨૨.૭૮ કરોડ જેવી રકમ ચૂકવાઈ નથી access_time 5:53 pm IST