Gujarati News

વોશીંગ્‍ટનઃ યુ.એસ.માં વસતા ૩.૨ મિલીયન જેટલા ઇન્‍ડિયન અમેરિકન નાગરિકોના પ્રશ્નોને વાચા આપતી ‘‘યુ.એસ.ઇન્‍ડિયા પોલિટીકલ એકશન કમિટી (USINPAC)'' દ્વારા ટ્રમ્‍પ વહીવટી તંત્ર દ્વારા H-1B વીઝાની મુદતમાં વધારો નહીં કરવા તથા હાયર અમેરિકન, બાય અમેરિકન'' સૂત્ર અમલમાં મુકવાનો નિર્ણય લેવાયો હતો.

આ નિર્ણયના વિરોધમાં USINPACના સુશ્રી તુલસી ગબ્‍બાર્ડ, તથા શ્રી કેવિન યોડર (કોંગ્રેશ્‍નલ કોકસઓન ઇન્‍ડિયા)એ પ્રેસિડન્‍ટ ડોનાલ્‍ડ ટ્રમ્‍પને પત્ર લખી આ નિર્ણયમાં ફેરફાર કરવા જણાવ્‍યું હતું. તથા H-1B વીઝા ધારકોનો અમેરિકાના ગ્રોથમાં ખૂબ જ ફાળો હોવાની રજુઆત કરી હતી.

તેમના આ પત્રના જવાબમાં હોમલેન્‍ડ સ્‍કિયુરીટીએ જણાવ્‍યું હતું કે H-1B વીઝાની મુદત લંબાવવાના નિર્ણયમાં ફેરફાર કરાયો નથી. તેથી આ મુદત લંબાવવા માટે નોકરીમાં માટે રાખનાર માલિકો તેમના કર્મચારીઓ રજુઆત કરી શકશે. તથા ૬ વર્ષની મુદત પુરી થયા પછી પણ વીઝાની મુદત લંબાવી શકાશે. તેથી H-1B વીઝા ધારકોએ અમેરિકા છોડવાની નોબત નહી આવે USINPACના શ્રી સંજય પુરીએ પણ આ માટે H-1B વીઝા ધારકોના અમેરિકાના વિકાસમાં યોગદાનની નોંધ લેવા રજુઆત કરી હતી.

ઉપરોક્‍ત બાબતે વિશેષ માહિતિ માટે www.usinpac.com દ્વારા સંપક૪ સાધવા જણાવાયું છે.ﾠ