Gujarati News

Gujarati News

News of Saturday, 3rd February 2018

‘‘બમ બમ ભોલે'': અમેરિકાના મેરીલેન્‍ડમાં આવેલા મંગલ મંદિરમાં ૧૩ ફેબ્રુ.ના રોજ ‘‘મહા શિવરાત્રી'' ઉજવાશે : સમુહ પૂજન, અભિષેક, ધૂન, ભજન તથા આરતીમાં સામેલ થવા ભાવિકોને પાઠવાયેલું આમંત્રણ

(દિપ્તીબેન જાની દ્વારા) ન્‍યુજર્સી :  યુ.એસ.માં મંગલ મંદિર મેરીલેન્‍ડ મુકામે આગામી ૧૩ ફેબ્રુ. ર૦૧૮ મંગળવારના રોજ ‘‘મહા શિવરાત્રી'' પર્વની ઉજવણી કરાશે.

ઉજવણી અંતર્ગત સમુહ શિવલીંગ પૂજાનું આયોજન કરાયું છે. અભિષેક તથા આરતીનો સમય સવારે ૯-૩૦ થી ૧ર-૩૦ દરમિયાન તથા ધૂન, ભજન, અને આરતીનો સમય સાંજે પ થી ૭ વાગ્‍યા દરમિયાન રાખવામાં આવ્‍યો છે.

સમુહ શિવલીંગ પૂજા રાત્રે ૮ વાગ્‍યાથી ૯-૩૦ વાગ્‍યા દરમિયાન કરાશે જેમાં ભાગ લેનાર દરેકને પૂજા માટે શિવલીંગ અપાશે.

પરંપરાગત અભિષેક રાત્રે બીજા, ત્રીજા તથા ચોથા પ્રહરે કરી આખી રાત પૂજા પ્રાર્થના કરાશે.

પૂજા વિધિ માટે ૧૦૧ ડોલર ડોનેશન રાખવામાં આવેલ છે. તથા તે માટે અગાઉથી રજીસ્‍ટ્રેશન કરાવી લેવા જણાવાયું છે.

વિશેષ માહિતી માટે શ્રી ચંદ્રકાંત ચોવ (૩૦૧-૪ર૧-૦૯૮પ) અથવા શ્રી વિનોદ પટેલ (૩૦૧-પર૬-૩૦૯૬)નો સંપર્ક સાધવા જણાવાયું છે.

 વિશેષમાં જણાવાયા મુજબ મંદિરની સ્‍થાપનના રપ વર્ષની રજત જયંતિ જુન -ર૦૧૮માં ઉજવાશે જેની વિગત હવે પછી પ્રસારિત કરાશે.

 

(9:48 pm IST)
  • એર ઇન્ડિયાના નવા માલિક અંગે જૂનના અંત સુધીમાં સ્પષ્ટતા થઇ જશે. સરકારનું લક્ષ્ય છે કે ડિસેમ્બર સુધીમાં તેની સાથે જોડાયેલી કાયદાકીય કાર્યવાહી પૂર્ણ કરી લેવાશે. તેના બાદ હરાજીમાં સંપત્તીને ટ્રાન્સફર કરવામાં આવશે તેમ ઉડ્ડ્યન મંત્રી જયંત સિન્હાએ જણાવ્યું હતું. access_time 3:11 pm IST

  • ગયા વર્ષે યોજાયેલી ગોવામાં વિધાનસભા ચૂંટણીઓ દરમિયાન દિલ્હી મુખ્યમંત્રી અરવિંદ કેજરીવાલની લાંચ સંબંધીત ટિપ્પણીના આક્ષેપો અંગેના કેસમાં તેમના વિરુદ્ધ નોંધાયેલ મામલામાં નોટિસ ફટકારાઇ છે. 8 ફેબ્રુઆરીના રોજ આ બાબત પરની આગામી સુનાવણી થશે. કેજરીવાલે જાહેરમાં મતદારોને ગોવા ચૂંટણીઓ દરમિયાન વિપક્ષી દળો દ્વારા મતદાનના બદલામાં આપવામાં આવતી કથીત લાંચ લઈ લેવાની અપીલ કરી હતી. access_time 12:59 am IST

  • અમદાવાદના ચાણકય બ્રીજ પાસે મારૂતિ વાન ભળભળ સળગી : કોઈ જાનહાની નથી access_time 5:54 pm IST