મહારાષ્ટ્રનાં મુખ્યપ્રધાનોનો ચોંકાવનારો ઇતીહાસ ! : આજ દિવસ સુધી માત્ર ૨ જ નેતાઓએ પોતાનુ મુખ્યમંત્રીનું પાંચ વર્ષનું કાર્યકાળ પુર્ણ કર્યુ
૨૦૧૪માં સત્તામાં આવેલ અને હાલમાં નાયબ મુખ્યમંત્રી તરીકે ફરજ બજાવતા દેવેન્દ્ર ફડણવીસ તેમજ ૧૯૬૩માં સત્તામાં આવેલ વસંતરાવ નાઈકે પોતાની સત્તામા ૫ વર્ષનો કાર્યકાળ પુર્ણ કરેલ
મુંબઈ તા.૩૦ : મહારાષ્ટ્રમાં ફરી એકવખત સત્તાપલટા છે. ઉદ્ધવ ઠાકરેનાં રાજીનામા બાદ મહારાષ્ટ્રને ફરી એક વખત નવા મુખ્યમંત્રી મળ્યા છે. પરંતુ મહારાષ્ટ્રમાં મુખ્યમંત્રીનો કાર્યકાળ પુર્ણ કર્યા વગર રાજીનામુ આપી દેવુ કોઈ નવી વાત નથી. ૧૯૬૦થી અત્યારસુધીમાં મહારાષ્ટ્રનાં માત્ર ૨ જ નેતાઓ એવા છે જેણે પોતાનો કાર્યકાળ આખો ભોગવ્યો છે. જેમાં ભાજપનાં દેવેન્દ્ર ફડણવીસ અને કોંગ્રેસનાં વસંતરાવનાં નામ સામેલ છે.
દેવેન્દ્ર ફડણવીસે હાલના મુખ્યમંત્રી તરીકે શપથ લીધા છે . આ પહેલા પણ દેવેન્દ્ર ફડણવીસ સીએમ પદ સંભાળી ચુક્યા છે અને તેઓ એકમાત્ર એવા નેતા છે જેમણે કોઈપણ સમસ્યા વિના પોતાનો પાંચ વર્ષનો કાર્યકાળ પૂરો કર્યો છે. પરંતુ, 5 વર્ષનો કાર્યકાળ પૂરો કરનાર દેવેન્દ્ર ફડણવીસને પણ એકવાર માત્ર 5 દિવસમાં પોતાનું પદ છોડવું પડ્યું હતું. 2019 ની ચૂંટણીઓ પછી, દેવેન્દ્ર ફડણવીસે રાજકીય ઉથલપાથલ વચ્ચે 23 નવેમ્બર 2019 ના રોજ સીએમ તરીકે શપથ લીધા હતા, અને લગભગ 5 દિવસ પછી 28 નવેમ્બર 2019 ના રોજ તેમને પદ પરથી રાજીનામું આપવું પડ્યું હતું. પરંતુ, જ્યારે તેઓ વર્ષ 2014માં સત્તામાં આવ્યા ત્યારે તેમણે તેમનો પાંચ વર્ષનો કાર્યકાળ પૂર્ણ કર્યો.
દેવેન્દ્ર ફડણવીસ પહેલા 1963માં એક વ્યક્તિએ સીએમ પદનો હવાલો સંભાળ્યો હતો, જેઓ માત્ર 5 વર્ષ જ નહીં પરંતુ 11 વર્ષથી વધુ સમય સુધી મહારાષ્ટ્ર રાજ્યના મુખ્ય પ્રધાન રહ્યા હતા. આ પૂર્વ મુખ્ય પ્રધાનનું નામ છે વસંતરાવ નાઈક. જેમણે 5 ડિસેમ્બર 1963ના રોજ પોતાનું પદ સંભાળ્યું અને 21 ફેબ્રુઆરી 1975 સુધી મહારાષ્ટ્ર રાજ્યના મુખ્ય પ્રધાન રહ્યા. આ દરમિયાન તેમણે ત્રણ કાર્યકાળ પૂર્ણ કર્યા, જેમાં તેઓ 1963 થી 1967, 1967 થી 1972 અને 1972 થી 1975 સુધી મહારાષ્ટ્રના મુખ્યપ્રધાન હતા. 10 દિવસ સુધી મુખ્ય પ્રધાન રહેલા પીકે સાવંત બાદ તેમને સીએમ બનાવવામાં આવ્યા હતા. આ પછી શંકરરાવ રાજ્યના મુખ્યપ્રધાન બન્યા અને તેઓ 2 વર્ષ અને 85 દિવસ સુધી મુખ્ય પ્રધાન પણ રહ્યા.
ફડણવીસ અને વસંતરાવ નાઈક ઉપરાંત, વિલાસરાવ દેશમુખ સૌથી લાંબો સમય 4 વર્ષ 37 દિવસ સુધી સીએમ તરીકે રહ્યાં હતા. તેઓ કોંગ્રેસના નેતા હતા અને 1995 સુધી રાજ્યમાં માત્ર કોંગ્રેસનું જ શાસન હતું. આવી સ્થિતિમાં, એવું કહેવાય છે કે મહારાષ્ટ્રના રાજકારણમાં એવા ઘણા ઓછા પ્રસંગો બન્યા છે, જ્યારે મુખ્ય પ્રધાને તેમનો કાર્યકાળ પૂર્ણ કર્યો હોય. હવે દેવેન્દ્ર ફડણવીસ પણ ફરી એકવાર મુખ્યપ્રધાન બનશે.