આરોપીના કોઈપણ સંબંધીનું બેંક એકાઉન્ટ જપ્ત કરી શકાય છે : પોલીસ તપાસ દરમિયાન ગુના સંબંધિત ખાતાઓ જપ્ત કરવાની તેને સત્તા છે : જમ્મુ-કાશ્મીર એન્ડ લદ્દાખ હાઈકોર્ટ

જમ્મુ : જમ્મુ,કાશ્મીર એન્ડ લદ્દાખ હાઈકોર્ટે સ્પષ્ટતા કરી છે કે આરોપીના કોઈપણ સંબંધી (જેના ગુનાની તપાસ ચાલી રહી છે) નું બેંક એકાઉન્ટ સીઆરપીસીની કલમ 102 હેઠળ મિલકતની વ્યાખ્યા હેઠળ આવે છે. જસ્ટિસ સંજય ધરની ડિવિઝન બેન્ચે વધુ અવલોકન કર્યું હતું કે તપાસ દરમિયાન પોલીસ અધિકારી આરોપીના સંબંધીઓના ઉક્ત એકાઉન્ટને જપ્ત અથવા ફ્રીઝ કરી શકે છે, જો આવી મિલકત પોલીસ તપાસ કરી રહી હોય તેવા ગુના સાથે સીધી રીતે સંબંધિત હોય.

ક્રાઈમ બ્રાન્ચ, કાશ્મીરને 2015ના સરકારી આદેશ જારી કર્યા પછી JKPCC દ્વારા કરવામાં આવેલા અથવા કરાર કરાયેલા તમામ કામોની તપાસ કરવા માટે કહેવામાં આવ્યું હતું જેથી નિર્ધારિત SOP/પ્રક્રિયાઓનું ઉલ્લંઘન કરીને કોન્ટ્રાક્ટ આપવામાં અનિયમિતતાઓ ઓળખી શકાય અને જરૂરી કાયદાકીય પગલાં લઈ શકાય.

અરજીકર્તાઓ (કૈસર અહેમદ શેખ અને બશીર અહમદ વાર) જમ્મુ અને કાશ્મીર પ્રોજેક્ટ્સ કન્સ્ટ્રક્શન કોર્પોરેશન (JKPCC) ના કર્મચારીઓ હતા અને પૂછપરછ દરમિયાન તેમના ખોટા કૃત્યો સામે આવ્યા હતા, જેણે પ્રથમ દ્રષ્ટીએ નોંધનીય ગુનાઓ જાહેર કર્યા હતા. જે બાદ કલમ 420, 468, 120-B RPC અને 5(2)(d) PC એક્ટ હેઠળ કેસ નોંધવામાં આવ્યો હતો.

તપાસ દરમિયાન, આરોપી બશીર અહમદ વાર, તેની પત્ની નીલોફર બશીર (કેસમાં અરજદાર), કૈસર અહેમદ શેખ અને તેની પત્ની ઇશરત આરા (અરજીકર્તા)ના બેંક ખાતાઓ શંકાસ્પદ ક્રેડિટ જોયા બાદ તેમને ફ્રીઝ કરવામાં આવ્યા હતા. હવે ચારેય અરજદારોએ સ્પેશિયલ જજ, ભ્રષ્ટાચાર, કાશ્મીર, શ્રીનગર, તેમના બેંક ખાતાઓ ડિફ્રીઝ કરવા માટે સંપર્ક કર્યો હતો, પરંતુ તેમની અરજી ફગાવી દેવામાં આવી હતી. જે બાદ તેઓ હાઈકોર્ટમાં ગયા હતા.

આ કેસમાં મુખ્યત્વે એવી દલીલ કરવામાં આવી હતી કે અરજદાર નિલોફર જાન અને ઈશરત આરા જેકેપીસીસીના કર્મચારી નથી પરંતુ સરકારી શિક્ષક તરીકે કામ કરે છે, તેમ છતાં તેમના ખાતા કોઈપણ કારણ વગર ફ્રીઝ કરવામાં આવ્યા હતા. કોર્ટના અવલોકનો શરૂઆતમાં, અદાલતે એવું માન્યું હતું કે પોલીસ અધિકારીને કેસની તપાસ દરમિયાન કોઈ પણ મિલકત જપ્ત કરવાની સત્તા છે, જે ચોરીની શંકાસ્પદ હોય અથવા જે ગુનાની આશંકા ઊભી કરે છે.તેવું એલ.એલ.એચ.દ્વારા જાણવા મળે છે.