એક અઠવાડિયામાં પેટ્રોલમાં ૬૪ પૈસા અને ડીઝલમાં રૂ.૧.૨૮નો ભાવ વધારો

(વિજય વસાણી દ્વારા) આટકોટ, તા.૨૬: પેટ્રોલ ડીઝલના ભાવમાં આજે પણ વધારો થયો છે. પેટ્રોલમાં ૧૧ પૈસા અને ડીઝલનાં ભાવમાં પ્રતિ લિટરે ૨૩ પૈસાનો વધારો થયો છે.

એક અઠવાડિયામાં ઓઇલ કંપનીઓ દ્વારા પેટ્રોલમાં ૬૪ પૈસા અને ડીઝલમાં ભાવમાં પ્રતિ લિટરે ૧.૨૮ નો ભાવ વધારો ધીમે ધીમે ઝીંકી દીધો છે.

આંતરરાષ્ટ્રીય બજારમાં ક્રૂડ તેલના ભાવમાં વધારો થયો હોય ઓઇલ કંપની દ્વારા ભાવ વધારવામાં આવ્યા છે.

આંતરરાષ્ટ્રીય બજારમાં ક્રૂડ તેલના ભાવ વધતા કેન્દ્ર સરકાર કે રાજય સરકાર ટેકસ નહી ઘટાડે તો હજુ પણ પેટ્રોલ ડીઝલના ભાવમાં વધારો થશે તેવુ જાણકારો કહી રહ્યા છે.