દેશભરની વોટર બોડીઝના રક્ષણ માટે નોડલ એજન્સીઓ રચવામાં આવશે

પ્રદુષણ નિવારણના નિરીક્ષણ માટે રચાયેલી સેન્ટ્રલ મોનિટરિંગ કમિટીને એક વર્ષમાં ઓછામાં ઓછી ત્રણ બેઠક યોજવા રાજ્યોને તાકીદ

નવી દિલ્હી : નેશનલ ગ્રીન ટ્રિબ્યુનલે તમામ રાજ્યો, કેન્દ્રશાસિત પ્રદેશોને જળ સંસ્થાઓના સંરક્ષણ માટે નોડલ એજન્સી ડિઝાઇન કરવા નિર્દેશ આપ્યો છે.

એનજીટીએ નિર્દેશ આપ્યો કે રાજ્યો / કેન્દ્રશાસિત પ્રદેશના મુખ્ય સચિવોની દેખરેખ હેઠળ, નિયુક્ત નોડલ એજન્સી, 31 જાન્યુઆરી, 2021 ના સમય સુધીમાં તેની બેઠક યોજી લ્યે, જેથી પરિસ્થિતિનો સ્ટોક લેવા અને આગળના પગલા માટે જિલ્લા અધિકારીઓને સૂચનો સહિતના પગલાઓની યોજના કરી શકાય.
ટ્રિબ્યુનલે 351 પ્રદૂષિત નદીઓના હિસ્સાઓના  પ્રદુષણ નિવારણના નિરીક્ષણ માટે રચાયેલી સેન્ટ્રલ મોનિટરિંગ કમિટીને એક વર્ષમાં ઓછામાં ઓછી ત્રણ બેઠક યોજવા રાજ્યોને તાકીદ કરી સમયાંતરે જળાશયોના પુનર્સ્થાપન માટેના પગલાં પર નજર રાખવા જણાવ્યું હતું.