સીબીઆઈએ પી ચિદમ્બરમના પુત્ર કાર્તિ પર શિકંજો કસ્યોઃ નજીકના સહયોગીની ધરપકડ
વિઝા ભ્રષ્ટાચાર કેસ : સીબીઆઈએ મોડી રાતની પૂછપરછ બાદ વિઝા ભ્રષ્ટાચાર કેસમાં કોંગ્રેસના નેતા કાર્તિ પી ચિદમ્બરમના નજીકના સહયોગી એસ ભાસ્કર રમનની ધરપકડ કરી હતી
નવી દિલ્હી, તા.૧૮: સીબીઆઈએ મોડી રાતની પૂછપરછ બાદ વિઝા ભ્રષ્ટાચાર કેસમાં કોંગ્રેસના નેતા કાર્તિ પી ચિદમ્બરમના નજીકના સહયોગી એસ ભાસ્કર રમનની ધરપકડ કરી હતી.
અગાઉ, સીબીઆઈએ કાર્તિ ચિદમ્બરમ સહિત પાંચ લોકો સામે ચીની કંપનીને મર્યાદા કરતાં વધુ વિઝા આપવા માટે લાંચ લેવા બદલ કેસ નોંધ્યો હતો. આ સંબંધમાં દરોડા અને સર્ચ ચાલુ છે. મંગળવારે દસ સ્થળોએ સર્ચ કરવામાં આવ્યું હતું. CBIએ મંગળવારે પૂર્વ નાણામંત્રી પી. ચિદમ્બરમના પુત્ર કોંગ્રેસના સાંસદ કાર્તિ ચિદમ્બરમ સહિત પાંચ આરોપીઓના અનેક સ્થળો પર દરોડા પાડ્યા હતા. ચિદમ્બરમના નિવાસસ્થાને પણ સર્ચ કરવામાં આવ્યું હતું.
સીબીઆઈએ ચેન્નાઈ, મુંબઈ સ્થિત ખાનગી વ્યક્તિઓ, મુંબઈ, માનસા (પંજાબ) વગેરે સ્થિત ખાનગી કંપનીઓ અને અજાણ્યા સરકારી કર્મચારીઓ અને ખાનગી વ્યક્તિઓ સહિત પાંચ આરોપીઓ સામે કેસ નોંધ્યો છે. તેમના પર એક પ્રોજેક્ટ માટે ચીની કર્મચારીઓને વિઝા અપાવવા માટે ૫૦ લાખ રૂપિયાની લાંચ લેવાનો આરોપ છે. આ મામલે તપાસ ચાલી રહી છે. મંગળવારે ચેન્નાઈ, મુંબઈ, કોપ્પલ (કર્ણાટક), ઝારસુગુડા (ઓડિશા), માનસા (પંજાબ) અને દિલ્હી વગેરે સહિત લગભગ ૧૦ સ્થળોએ સર્ચ કરવામાં આવી રહ્યું છે.
આ કેસમાં, સીબીઆઈએ આરોપ મૂકયો છે કે કાર્તિ ચિદમ્બરમને યુપીએ સરકારના કાર્યકાળ દરમિયાન ૧૯૮૦ મેગાવોટના તલવંડી સાબો પાવર પ્રોજેક્ટ માટે જુલાઈ-ઓગસ્ટ ૨૦૧૧માં ૨૬૩ ચીની કર્મચારીઓને વિઝા અપાવવા માટે ૫૦ લાખ રૂપિયાની લાંચ આપવામાં આવી હતી, એમ અધિકારીઓએ જણાવ્યું હતું. મળી આવ્યો હતો તે સમયે પી.ચિદમ્બરમ દેશના નાણામંત્રી હતા. ઉપરાંત, અધિકારીઓએ જણાવ્યું હતું કે પંજાબના માનસામાં પાવર પ્રોજેક્ટ સ્થાપવા માટે ચીનની એક કંપની સાથે કરાર કરવામાં આવ્યો હતો, પરંતુ તેનું કામ સમય કરતાં પાછળ ચાલી રહ્યું હતું. પ્રોજેક્ટ માટે કામદારોની જરૂર હતી, પરંતુ માત્ર મર્યાદિત સંખ્યામાં વિદેશી નાગરિકોને જ વર્ક પરમિટ આપી શકાતી હતી. એવો આરોપ છે કે કંપનીએ કાર્તિનો સંપર્ક કર્યો, જેણે અધિકળત નંબરનું ઉલ્લંઘન કરીને વિઝા મેળવવા માટે પોતાના પ્રભાવનો લાભ લીધો.