News of Friday, 9th February 2018
હવે કાર્ટૂન ચેનલો પર જંક ફૂડની જાહેરાત નહીં આવે!
નવી દિલ્હી, તા.૯ : બાળકોના સ્વાસ્થ્યને ધ્યાનમાં રાખી મહત્વપૂર્ણ નિર્ણય લેવામાં આવ્યો છે. હવે કાર્ટૂન ચેનલો પર જંક ફૂડની જાહેરખબર બતાવવામાં નહીં આવે : સૂચના અને પ્રસારણ રાજ્ય મંત્રી રાજ્યવર્ધનસિંહ રાઠોડે લોકસભામાં જણાવ્યું કે, ફૂડ એન્ડ બેવરેજ અલાયન્સ ઓફ ઈન્ડીયા (એફબીઆઈએ)એ બાળકોને ધ્યાનમાં રાખી કેટલાક ફૂડ અને ડ્રિંકસની જાહેરખબરોને નહીં બતાવવાનો સ્વેચ્છાએ નિર્ણય કર્યો છે.
૯ જાણીતી ફૂડ કંપનીઓએ બાળકોની ચેનલોમાં આવી જોહરખબર ન આપવાની ખાતરી આપી છે. જો કે સરકારે જણાવ્યું કે, ટીવી પર આ જોહરખબરોના પ્રતિબંધનો પ્રસ્તાવ નથી. (૨૪.૫)
(4:44 pm IST)