શું આપણે ક્રિશ્ચિયન મિશેલને તે વિદેશી નાગરિક હોવાના નાતે અનિશ્ચિત સમય માટે જેલમાં રાખી શકીએ ? : 2013ના અગસ્ટા વેસ્ટલેન્ડ કૌભાંડ સંબંધમાં જામીન અરજી પર સુનાવણી દરમિયાન સર્વોચ્ચ અદાલતનો કેન્દ્ર સરકારને વેધક સવાલ

ન્યુદિલ્હી :સુપ્રીમ કોર્ટે મંગળવારે કેન્દ્ર સરકારની એજન્સીઓને પૂછ્યું કે શું અગસ્તા વેસ્ટલેન્ડ કૌભાંડના આરોપી બ્રિટિશ નાગરિક ક્રિશ્ચિયન મિશેલને જામીન વિના અનિશ્ચિત સમય માટે જેલમાં રાખી શકાય કારણ કે તે વિદેશી નાગરિક છે [ક્રિશ્ચિયન મિશેલ વિરુદ્ધ સેન્ટ્રલ બ્યુરો ઑફ ઇન્વેસ્ટિગેશન].

કોર્ટ બ્રિટિશ નાગરિક ક્રિશ્ચિયન મિશેલ દ્વારા 2013ના અગસ્ટા વેસ્ટલેન્ડ કૌભાંડના સંબંધમાં નોંધાયેલા કેસોમાં જામીન અરજી પર સુનાવણી કરી રહી હતી.

ભારતના મુખ્ય ન્યાયાધીશ ડીવાય ચંદ્રચુડ અને ન્યાયમૂર્તિ પીએસ નરસિમ્હાની ખંડપીઠે સુનાવણી લાંબી હોવાની શક્યતા પણ નોંધી હતી.

"એક બાબત અમને આ ટ્રાયલની જટિલતા અંગે ચિંતાજનક લાગે છે કે,  200 જેટલા સાક્ષીઓ છે. અમે ક્યાં સુધી તેને જેલમાં રાખીશું? માત્ર એટલા માટે કે તે વિદેશી નાગરિક છે. સામાન્ય રીતે જો તે ભારતીય નાગરિક હોત, તો કોર્ટ જામીન આપવા માટે વલણ ધરાવે છે," CJI ચંદ્રચુડે મૌખિક રીતે ટિપ્પણી કરી

કોર્ટ 2013ના હેલિકોપ્ટર લાંચ કૌભાંડના સંબંધમાં સેન્ટ્રલ બ્યુરો ઓફ ઇન્વેસ્ટિગેશન (CBI) અને એન્ફોર્સમેન્ટ ડિરેક્ટોરેટ (ED) દ્વારા નોંધાયેલા કેસોમાં મિશેલ દ્વારા દાખલ કરવામાં આવેલી જામીન અરજીની સુનાવણી કરી રહી હતી.

મિશેલની જામીન અરજી અગાઉ દિલ્હી હાઈકોર્ટ દ્વારા ફગાવી દેવામાં આવી હતી કારણ કે કોર્ટે તેને ફ્લાઇટ-રિસ્ક હોવાનું માન્યું હતું.
 

લાંબી સુનાવણી બાદ સર્વોચ્ચ અદાલતે આજે આ મામલાને આવતા વર્ષના જાન્યુઆરીના બીજા સપ્તાહમાં વધુ વિચારણા માટે મુક્યો હતો.તેવું બી.એન્ડ બી.દ્વારા જાણવા મળે છે.