અફઘાનિસ્તાનમાં તાલિબાને અફીણની ખેતી પર મુક્યો પ્રતિબંધ :ખેતરોને બાળી નાખવાની પણ આપી ચીમકી

તાલિબાને ખેડૂતોને જારી કરેલા આદેશમાં ચેતવણી આપી કે જો તેઓ અફીણનો પાક ઉગાડે છે તો તેમને ખેતર સળગાવીને જેલમાં મોકલી દેવામાં આવશે

કાબુલ :અગાઉ 2001માં દેશના ખેડૂતોએ અનાજની ખેતી બંધ કરી દીધી હતી. તેનું કારણ એ હતું કે સતત યુદ્ધને કારણે દેશનું ઈન્ફ્રાસ્ટ્રક્ચર બરબાદ થઈ ગયું હતું. મંડીઓ સુધી અનાજ પહોંચાડવું મુશ્કેલ હતું. અફઘાનિસ્તાનમાં સત્તા સંભાળ્યા પછી, તાલિબાને પ્રથમ વખત અફીણની ખેતી પર પ્રતિબંધની જાહેરાત કરી છે. આ દિવસોમાં સમગ્ર અફઘાનિસ્તાનમાં ખેડૂતો અફીણ માટે ખેતરો તૈયાર કરવામાં વ્યસ્ત છે. અફઘાન અફીણમાંથી બનતું હેરોઈન આખી દુનિયામાં સપ્લાય થાય છે.

તાલિબાને ખેડૂતોને જારી કરેલા આદેશમાં ચેતવણી આપી છે કે જો તેઓ અફીણનો પાક ઉગાડે છે તો તેમને ખેતર સળગાવીને જેલમાં મોકલી દેવામાં આવશે. આ પ્રતિબંધ તાલિબાનના 1990ના દાયકાની યાદ અપાવે છે. તે સમયે અફીણની ખેતી પર પણ પ્રતિબંધ હતો. સંયુક્ત રાષ્ટ્રએ તાલિબાન દ્વારા અફીણની ખેતી પર પ્રતિબંધની પુષ્ટિ કરી છે.

અગાઉ 2001માં દેશના ખેડૂતોએ અનાજની ખેતી બંધ કરી દીધી હતી. તેનું કારણ એ હતું કે સતત યુદ્ધને કારણે દેશનું ઈન્ફ્રાસ્ટ્રક્ચર બરબાદ થઈ ગયું હતું. મંડીઓ સુધી અનાજ પહોંચાડવું મુશ્કેલ હતું.

આ પછી અફીણ નાના ખેડૂતો માટે આવકનો મુખ્ય સ્ત્રોત બની ગયો. આનાથી તે મહિનામાં ત્રણ હજાર રૂપિયા સુધીની કમાણી કરતો હતો. હવે અફઘાનિસ્તાન વિશ્વમાં અફીણનો સૌથી મોટો ઉત્પાદક દેશ છે. તાલિબાને સત્તા સંભાળી તે પહેલાં, તેણે એક વર્ષમાં 6000 ટનથી વધુ અફીણનું ઉત્પાદન કર્યું હતું. યુએનના અધિકારીઓના જણાવ્યા અનુસાર, તેણે 320 ટન શુદ્ધ હેરોઈન બનાવ્યું હતું.