રિલાયન્સ કેપિટલ રૂપિયા 624.61 કરોડની ટર્મ લોનના વ્યાજ ચુકવણી માટે ડિફોલ્ટ થઈ
એચડીએફસી અને એક્સિસ બેંક પાસેથી લીધી હતી લોન
મુંબઈ : રિલાયન્સ કેપિટલને રૂ .624.61 કરોડની ટર્મ લોનના વ્યાજની ચુકવણી માટે ડિફોલ્ટ કરવામાં આવી છે. સ્ટોક એક્સચેંજને આપેલા અહેવાલમાં કંપનીએ જણાવ્યું હતું કે હાઉસિંગ ડેવલપમેન્ટ ફાઇનાન્સ કોર્પોરેશન - HDFC પાસેથી 523.98 કરોડ રૂપિયા,જ્યારે એક્સિસ બેંક તરફથી રૂ. 100.63 કરોડની ટર્મ લોન મળી હતી
. કંપનીએ એચડીએફસી લોન પર 4.77 કરોડ અને એક્સિસ બેંક લોન પર 0.71 કરોડ ચૂકવવાનું હતું. આ ડિફોલ્ટ 31 ઓક્ટોબરના રોજ બન્યો હતો. કંપનીએ જણાવ્યું હતું કે ઘણા આદેશો હેઠળ એસેટ મુદ્રીકરણ કરવામાં સક્ષમ ન હોવાને કારણે કંપનીએ ડેબ્ટ સર્વિસિંગમાં ડિફોલ્ટ કર્યો હતો.
કંપનીએ જણાવ્યું હતું કે ઘણા આદેશો હેઠળ તે પગાર અને કાયદાકીય ચુકવણી જેવી સામાન્ય વ્યવસાય પ્રવૃત્તિઓ સિવાય અન્ય કોઈપણ રીતે તેની સંપત્તિ વેચી શકશે નહીં અને અલગ કરી શકશે નહીં. કંપની કોર્ટ ના હુકમના કારણે કંપની ઉપર આ માટે રોક લગાવવામાં આવી છે. કંપની ઉપર બેન્કો અને નાણાકીય સંસ્થાઓની કુલ બાકી બાકી રકમ 690 કરોડ રૂપિયા છે જેમાં 31 ઓક્ટોબર 2020 સુધીના સંચિત વ્યાજનો સમાવેશ થાય છે.
શેરબજારમાં લિસ્ટેડ કંપનીનું કુલ આર્થિક દેવું 20,077.14 કરોડ રૂપિયા છે. આમાં ટૂંકા ગાળાની અને લાંબા ગાળાની બંને લોન સામેલ છે. આ કુલ રકમમાં 31 ઓક્ટોબર 2020 સુધીના સંચિત વ્યાજ પણ સામેલ છે