Gujarati News

નવી દિલ્હી તા. ૧૮: સુપ્રીમ કોર્ટે વિવાદોમાં ઘેરાયેલી સંજય લીલા ભણસાલીની ફિલ્મ 'પદ્માવત'ની રિલીઝને લીલીઝંડી આપી દીધી છે. હવે આ ફિલ્મ ૨૫ જાન્યુઆરીએ દરેક રાજ્યોમાં રિલીઝ થશે. ભાજપ સમર્થિત ૪ રાજ્યોએ 'પદ્માવત'ની રિલીઝ પર પ્રતિબંધ લગાવી દીધો હતો. સુપ્રીમ કોર્ટે મધ્યપ્રદેશ, હરિયાણા, રાજસ્થાન અને ગુજરાત સરકારોએ આ નોટિફિકેશન પર પણ સ્ટે લગાવી દીધો છે. સુપ્રીમ કોર્ટના આ ચુકાદાને પડકારતા કરણી સેનાએ રાષ્ટ્રપતિ પાસે જવાનો નિર્ણય કર્યો છે.

ચીફ જસ્ટિસ દીપક મિશ્રા, જસ્ટિસ એ એમ ખાનવિલકર અને જસ્ટિસ ધનંજય વાય ચંદ્રચૂડની બેન્ચ એ ફિલ્મના નિર્માતા વાયકોમ ૧૮ અને બીજા વકીલની આ દલીલ પર વિચાર કર્યો કે તેની અખિલ ભારતીય પ્રદર્શન ૨૫ જાન્યુઆરીના રોજ થવાનું છે. આવી સ્થિતિમાં આ અરજી પર તુરત સુનવણીની આવશ્યકતા છે.

આ ફિલ્મમાં દીપિકાની સાથે શાહિદ કપૂર અને રણવીર સિંહ એ પણ અભિનય કર્યો છે. આની પહેલાં પણ બે અવસર પર સુપ્રીમ કોર્ટ એ ફિલ્મના પ્રદર્શન પર પ્રતિબંધ મૂકવાનો પ્રયાસ વિફલ કરી દીધો હતો. સુપ્રીમ કોર્ટે એકહ્યું હતું કે સેન્સર બોર્ડના નિર્ણય પહેલાં ફિલ્મ અંગે કોઇ મંતવ્ય આપી શકાય નહીં. બાદમાં સેન્સર બોર્ડ એ પણ આ ફિલ્મને પસા કરી દીધી. ભણસાલીની આ ફિલ્મનો રાજપૂત સંગઠનો અને કરણી સેનાની તરફથી વિરોધ કરાઇ રહ્યો છે. સુપ્રીમ કોર્ટ એ ગયા વર્ષે ૨૮ નવેમ્બરના રોજ આ ફિલ્મને લઇ કેટલીય રાજકીય ટિપ્પણીઓ પર અપ્રસન્નતા વ્યકત કરી હતી.

આ ફિલ્મ ૧૩મી સદીમાં મેવાડના મહારાજા રતન સિંહ અને તેમની સેના તથા દિલ્હીના સુલતાન અલાઉદ્દીન ખિલજીની વચ્ચે થયેલ ઐતિહાસિક યુદ્ઘ પર આધારિત છે. આ ફિલ્મના સેટ પર બે વખત જયપુર અને કોલ્હાપુરમાં તોડફોડ કરાઇ અને તેના નિર્દેશક સંજય લીલા ભણસાલીની સાથે કરણી સેનાના લોકોએ ઝપાઝપી પણ કરી હતી.