Gujarati News

Gujarati News

News of Saturday, 31st October 2020

કોના સારા દિવસો આવ્યા છે?

રાહુલ ગાંધીએ પીએમ મોદી પર કર્યો કટાક્ષ

નવી દિલ્હી,તા. ૩૧: સતત મોદી સરકારને અડફેટે લેતા કોંગ્રેસના પૂર્વ અધ્યક્ષ રાહુલ ગાંધીએ વધુ એક વાર મોદી સરકાર પર નિશાન સાધ્યું હતું, આ વખતે તેમણે ટ્વિટ કરીને લખ્યું હતું કે પીએમ પોતે ૮૪૦૦ કરોડ રૂપિયાના વિમાનમાં ફરે છે પરંતુ ચીનનું નામ લેવાથી પણ ડરી રહ્યા છે, હવે કોના સારા દિવસો આવ્યા છે ?

નોંધનીય છે કે મોદી સરકાર દ્વારા હાલમાં જ ભારતના રાષ્ટ્રપતિ અને પ્રધાનમંત્રી માટે બે નવા વિમાનો માટેનો ઓર્ડર કરવામાં આવ્યો હતો. જે બિલકુલ અમેરિકી રાષ્ટ્રપતિ ડોનાલ્ડ ટ્રમ્પ માટે વપરાતા એરફોર્સ વનની જેમ જ એર ઇન્ડિયા વન હશે અને તેનામાં દ્યણી કમાન્ડ અને કંટ્રોલ સુવિધા હોવાની જ સાથે દ્યણા બધા પ્રકારના એટેકથી પણ પીએમ કે રાષ્ટ્રપતિને બચાવી શકાય છે.

આવ બે વિમાનો માટે ઓર્ડર અપાયો હતો, જેનો કુલ ખર્ચો અંદાજિત ૮૪૦૦ કરોડ રૂપિયા જેટલો આવ્યો છે, અ મુદ્દે રાહુલ ગાંધીએ મોદી સરકાર પર પ્રહાર કર્યા હતા, તેમણે એક સમાચારના અહેવાલને ટાંકીને લખ્યું હતું કે ઙ્કભારતના જવાનો ભયંકર ઠંડીમાં પણ અડગ રહીને ચીનના આક્રમણનો મુકાબલો કરી રહ્યા છે, જયારે કે પીએમ મોદી પોતે ૮૪૦૦ કરોડ રૂપિયાના વિમાનમાં બેસીને ફરી રહ્યા છે અને ચીનનું નામ લેવાથી પણ ડરી રહ્યા છે, હવે કહો, કોના સારા દિવસો આવ્યા છે?

નોંધનીય છે કે આ મુદ્દે તેમણે એક સમાચાર અહેવાલને ટેગ કરીને આ વાત કહી હતી. નોંધનીય છે કે આ મુદ્દે તેઓ અગાઉમાં પણ દ્યણાં જ એકિટવ રહીને મોદી સરકારનો વિરોધ કરી ચૂકયા છે અને ચીન સાથેના તણાવના મુદ્દે તેમણે અગાઉ પણ મોદી સરકારની નીતિઓની ગંભીર આલોચનાઓ કરી હતી.

(11:25 am IST)
  • કોરોનાએ ભયાનક ફુંફાડો માર્યો : બુધવારથી સમગ્ર ઇંગ્લેન્ડમાં લોકડાઉન લાદી દેવાશે તેવા હેવાલોઃ ઇંગ્લેન્ડના પીએમ બોરીસ જોન્સન ગંભીરતા પૂર્વક વિચારે છેઃ ટાઇમ્સ : અત્યારે વિશ્વમાં જર્મની (આવતા અઠવાડીયાથી), ફ્રાન્સ, બેલ્જીયમ, ઝેક, રીપબ્લીક, આયરલેન્ડ, યુ.કે. (ઉત્તરીય આયરલેન્ડ) અને વેલ્સમાં લોકડાઉન પ્રવર્તે છે. access_time 12:40 pm IST

  • ફાયનાન્સ મિનિસ્ટર નિર્મલા સીતારમણને મારા પ્રત્યે પૂર્વગ્રહ હતો : મારી બદલી તેમણે વિદ્યુત ડિપાર્ટમેન્ટમાં કરી નાખી : પૂર્વ ફાયનાન્સ મિનિસ્ટર અરુણ જેટલી સાથે મારે સારા સબંધ હતા : નિર્મલા સીતારમણના અમુક નિર્ણયો જેવા કે આરબીઆઇ સાથેનો વહેવાર ,નોન બેન્કિંગ કંપનીઓ માટે પેકેજ ,ક્રેડિટ ગેરંટી યોજના સહિતની બાબતે અમારે મતભેદ હતો : તેથી મેં એક વર્ષ વહેલી નિવૃત્તિ લઇ લીધી : સીનીઅર આઈ એ એસ નિવૃત ઓફિસર સુભાષચંદ્ર ગર્ગે નિવૃત થયાના એક વર્ષ પછી મોઢું ખોલ્યું access_time 6:46 pm IST

  • રાજ્યના અધિક મુખ્ય સચિવ સંગીતા સિંઘ આજે વયમર્યાદાના કારણે ગૃહ વિભાગમાંથી નિવૃત્ત થતા સરકારે તેમને રાજ્યના વિજીલન્સ કમિશનર તરીકે નિમણુંક આપી છેઃ અત્યાર સુધી આ જગ્યાનો વધારાનો હવાલો તેમની પાસે હતોઃ સંગીતા સિંઘને લાગુ પડતો વિગતવાર હૂકમ હવે પછી થશે access_time 5:11 pm IST