Gujarati News

Gujarati News

News of Saturday, 31st October 2020

ગુરૂગ્રામ - હરિયાણાની શરમજનક ઘટના

હોસ્પિટલમાં સારવાર લઈ રહેલી ૨૧ વર્ષીય યુવતી પર દુષ્કર્મઃ વેન્ટિલેટર પર હતી

ગુરુગ્રામ, હરિયાણા, તા.૩૧: જયાં એકબાજુ કોરોના વાયરસની મહામારી દરમિયાન હોસ્પિટલનો સ્ટાફ દિવસ-રાત દર્દીઓની સેવામાં છે ત્યારે હરિયાણાના ગુરુગ્રામની એક હોસ્પિટલમાં ૨૧ વર્ષીય ટીબીના દર્દી પર હોસ્પિટલના સ્ટાફે દુષ્કર્મ ગુજાર્યું હોવાની શરમજનક દ્યટના સામે આવી છે. આ દર્દી યુવતીને હોસ્પિટલના ICU વિભાગમાં દાખલ કરવામાં આવી હતી. જયારે તે યુવતી ભાનમાં આવી અને તેના પિતાને ચિઠ્ઠી લખીને આ વાત જણાવી ત્યારે સમગ્ર ઘટના પ્રકાશમાં આવી છે.

મંગળવારે આ યુવતીએ તેના પિતાને સમગ્ર દ્યટના જણાવી અને તે આધારે પોલીસ ફરિયાદ દાખલ કરવામાં આવી છે. આ યુવતીના પરિવારને એવી શંકા છે કે તારીખ ૨૧થી ૨૭ ઓકટોબર દરમિયાન તેના પર દુષ્કર્મ થયું હતું. આ યુવતી જયારે અર્ધ સભાન અવસ્થામાં હતી ત્યારે તેની સાથે આ ઘટના બની હોવાનું જણાવાઈ રહ્યું છે.

આ યુવતીને શ્વાસ લેવામાં તકલીફ થતા તારીખ ૨૧ ઓકટોબરના દિવસે તેને ગુરુગ્રામની એક હોસ્પિટલમાં દાખલ કરવામાં આવી હતી. આ દર્દી યુવતીને વેન્ટિલેટર પર રાખવામાં આવી હતી અને બાદમાં તેને આઈસોલેશન માટે ICUના પ્રાઈવેટ રૂમમાં ખસેડવામાં આવી હતી. બાદમાં જયારે આ યુવતીના પિતા તેને મળવા આવ્યા ત્યારે તેણે એક ચિઠ્ઠી આપીને સમગ્ર ઘટના વિશે જણાવ્યું હતું.

આ વિશે જાણ થતા જ યુવતીના પિતા પોલીસ સ્ટેશન પહોંચ્યા અને કેસ નોંધાવ્યો હતો. પોલીસના જણાવ્યા મુજબ આ દર્દી યુવતી હાલ નિવેદન આપી શકે તેવી સ્થિતિમાં નથી. તેને હોસ્પિટલમાં પોલીસ તરફથી સુરક્ષા પૂરી પાડવામાં આવી રહી છે. અને હોસ્પિટલ પણ તપાસમાં યોગ્ય સહયોગ આપી રહી હોવાનું જાણવા મળ્યું છે.

(10:38 am IST)
  • રાજ્યના અધિક મુખ્ય સચિવ સંગીતા સિંઘ આજે વયમર્યાદાના કારણે ગૃહ વિભાગમાંથી નિવૃત્ત થતા સરકારે તેમને રાજ્યના વિજીલન્સ કમિશનર તરીકે નિમણુંક આપી છેઃ અત્યાર સુધી આ જગ્યાનો વધારાનો હવાલો તેમની પાસે હતોઃ સંગીતા સિંઘને લાગુ પડતો વિગતવાર હૂકમ હવે પછી થશે access_time 5:11 pm IST

  • અમુક લોકો આતંકવાદના સમર્થનમાં ખુલ્લેઆમ બહાર આવ્યા છે : આ બાબત સમગ્ર વિશ્વ માટે ચિંતાનો વિષય છે : ' રાષ્ટ્રીય એકતા દિવસ ' નિમિત્તે વડાપ્રધાન શ્રી નરેન્દ્ર મોદીનું પ્રવચન : ફ્રાન્સમાં થયેલા આતંકી હુમલાને સમર્થન આપનાર લોકોને આડે હાથ લીધા : દેશના સૌપ્રથમ હોમ મિનિસ્ટર વલ્લભભાઈ પટેલના જન્મ દિવસ નિમિતે સ્મૃતિ વંદના કરી : દેશની સુરક્ષા માટે સરહદ ઉપર લેવાઈ રહેલા પગલાંઓ વિષે માહિતી આપી access_time 10:38 am IST

  • દેશમાં કોરોના કેસનો આંકડો 81 લાખને પાર પહોંચ્યો : જોકે નવા કેસની સંખ્યામાં એકધારો ઘટાડો :નવા કેસ કરતા સ્વસ્થ થનારની સંખ્યામાં છેલ્લા કેટલાય દિવસોથી સતત વધારો:રાત્રે 12 -30 વાગ્યા સુધીમાં કોરોનાના નવા 48,117 કેસ નોંધાયા:કુલ કેસનો આંકડો 81,36,166 થયો :એક્ટીવ કેસ ઘટીને 5,82,160 થયા:વધુ 59,005 દર્દીઓ સ્વસ્થ થતા કુલ 74,30,911 રિકવર થયા :વધુ 550 લોકોના મોત સાથે કુલ મૃત્યુઆંક 1,21,681 થયો access_time 1:04 am IST