Gujarati News

Gujarati News

News of Saturday, 31st July 2021

પ્રેમિકાની હત્યા કરી પ્રેમીએ પણ જીવન ટૂંકાવી લીધું

પ્રેમ પાગલ યુવાનનું ઘાતક પગલું : પ્રેમમાં નાસીપાસ થયેલા યુવકે ૨૪ વર્ષીય ડેન્ટલ હાઉસ સર્જનની ગોળી મારીને હત્યા કર્યા બાદ પોતે ગોળી મારી

કોચ્ચિ, તા.૩૧ : તું મારી ના થઈ તો કોઈની નહીં થવા દઉં, ફિલ્મો કે સીરિયલોમાં સાંભળવા મળતા ડાયલોગ જેવી ઘટના અસલ જિંદગીમાં બની છે. પ્રેમમાં નાસીપાસ થયેલા એક યુવકે ૨૪ વર્ષીય ડેન્ટલ હાઉસ સર્જનની ગોળી મારીને હત્યા કરી છે. યુવતીની હત્યા બાદ યુવકે પોતે પણ જીવ આપી દીધો. ઘટના શુક્રવારે બપોરે કોટમંગલમ ક્ષેત્રના નેલ્લીકુઝીમાં બની હતી. પોલીસે યુવક અને યુવતીના મૃતદેહને પોસ્ટમોર્ટમ માટે મોકલી આપ્યા છે. યુવતીની ઓળખ માનસા તરીકે થઈ છે જ્યારે યુવકનું નામ રાખિલ પી હોવાનું કહેવાઈ રહ્યું છે.

યુવકની ઉંમર ૩૨ વર્ષ હતી. બંને કન્નૂરના રહેવાસી હતી. માનસા અન્ય ત્રણ મહિલાઓ સાથે ભાડુઆત તરીકે રહેતી હતી. માનસાને માથા અને છાતીમાં ગોળી વાગી છે જ્યારે યુવકના માથા પર ગોળીનું નિશાન છે. માનસા ઈન્દિરા ગાંધી ઈન્સ્ટિટ્યૂટ ઓફ મેડિકલ સાયન્સમાં કામ કરતી હતી. બપોરે લગભગ સાડા ત્રણ વાગ્યાની આસપાસ રાખિલ તેના ઘરે પહોંચી ગયો હતો.

ત્યારબાદ બંને વચ્ચે બોલાચાલી થઈ હતી. રાખિલ માનસાને એક રૂમમાં લઈને જતો રહ્યો. ત્યારે બાકીની મહિલાઓ મદદ માગવા ઘર માલિક પાસે પહોંચી હતી. લોકો રૂ સુધી આવ્યા ત્યારે અંદરથી ધડાકા જેવો અવાજ આવ્યો હતો અને જોયું તો બંને લોહીના ખાબોચિયામાં પડ્યા હતા. રાખિલ અને માનસાને તાત્કાલિક હોસ્પિટલ લઈ જવાયા હતા, જ્યાં તબીબોએ તેમને મૃત જાહેર કર્યા હતા.

પોલીસના કહેવા અનુસાર, માનસા અને રાખિલની મુલાકાત સોશિયલ મીડિયા પ્લેટફોર્મ ઈન્સ્ટાગ્રામ પર એક વર્ષ પહેલા થઈ હતી. થોડા સમય પહેલા યુવતીના પરિવારજનો યુવકની ફરિયાદ કરવા માટે પોલીસ સ્ટેશન ગયા હતા. કન્નૂના એસપીની ઓફિસમાં જુલાઈના રોજ બંને પક્ષો વચ્ચે મીટિંગ ગોઠવાઈ હતી. કહેવાઈ રહ્યું છે કે, બંને વચ્ચે સંબંધો હતા પરંતુ હવે યુવતી રિલેશનશીપ આગળ વધારવા નહોતી માગતી. એટલે તેનો પરિવાર ઈચ્છતો હતો કે રાખિલ તેને પરેશાન કરે. જોકે, યુવતીના પરિવારે રાખિલ સામે કોઈ કેસ દાખલ નહોતો કરાવ્યો.

રાખિલને ચેતવણી આપવામાં આવી હતી કે તેણે ફરી માનસાનો સંપર્ક કરવાનો પ્રયાસ કર્યો તો તેની સામે કાયદેસરના પગલાં લેવામાં આવશે. તેણે યુવતીને પરેશાન કરવાનું વચન આપ્યું હતું. પોલીસના કહેવા અનુસાર, રાખિલ એક મહિના પહેલા કોટમંગલમ વિસ્તારમાં નોકરી કરવાનું બહાનું કાઢીને આવ્યો હતો. તે પણ ત્યાં ભાડે રહેવા લાગ્યો હતો.

(7:29 pm IST)