Gujarati News

Gujarati News

News of Friday, 30th October 2020

અમેરિકાના પ્રેસિડન્ટ ડોનાલ્ડ ટ્રમ્પની ચૂંટણી રેલી દરમિયાન નજીકના આકાશમાં વિમાન આવી ચડતા હડકંપ : પ્રેસિડેન્ટની સુરક્ષા માટે કાર્યરત એફ 16 ફાઈટર જેટ વિમાને તાત્કાલિક પેસેન્જર વિમાનને દૂર ખદેડયું

એરિઝોના : અમેરિકામાં યોજાનારી પ્રેસિડન્ટ પદની ચૂંટણીના બીજી ટર્મના ઉમેદવાર વર્તમાન પ્રેસિડન્ટ ડોનાલ્ડ ટ્રમ્પ એરિઝોના ખાતે ચૂંટણી રેલીમાં ઉદબોધન કરી રહ્યા હતા ત્યારે અચાનક એક પેસેન્જર  વિમાન નજીકના આકાશમાં આવી ચડતા હડકંપ મચી જવા પામેલ.પ્રેક્ષકોનું ધ્યાન ડોનાલ્ડ ટ્રમ્પને સાંભળવાને બદલે  વિમાન તરફ જવા લાગ્યું હતું.

આ સમયે પ્રેસિડેન્ટની સુરક્ષા માટે કાર્યરત એફ 16 ફાઈટર વિમાન તુર્તજ આવી ગયું હતું અને પેસેન્જર  વિમાનને દૂર ખદેડી દીધું હતું.પ્રચાર સ્થળ ઉપર ફાઈટર પ્લેનને જોઈને ટ્રમ્પ પણ અચંબામાં મુકાઈ ગયા હતા.બાદમાં પરિસ્થિતિનો ખ્યાલ આવ્યો હતો.તેવું સમાચાર સૂત્રો દ્વારા જાણવા મળે છે.

(7:30 pm IST)