Gujarati News

Gujarati News

News of Thursday, 29th October 2020

મહેબૂબા મુફ્તી સામે રાષ્ટ્રધ્વજના અપમાન બદલ જૌનપુરની કોર્ટમાં કેસ દાખલ : 27મીએ સુનવણી

કલમ 370ની પુન:સ્થાપના અને ભારતના રાષ્ટ્રધ્વજ માટે અપમાનજનક શબ્દોનો ઉપયોગ કરવાનો આરોપ

જમ્મુ કાશ્મીરના પૂર્વ મુખ્યપ્રધાન મહેબૂબા મુફ્તી વિરુદ્ધ ઉત્તરપ્રદેશના જૌનપુરની કોર્ટમાં કેસ દાખલ થયો છે. તેમના પર કલમ 370ની પુન:સ્થાપના અને ભારતના રાષ્ટ્રધ્વજ માટે અપમાનજનક શબ્દોનો ઉપયોગ કરવાનો આરોપ મૂકવામાં આવ્યો છે. ઉત્તરપ્રદેશના વકીલ હિમાંશુ શ્રીવાસ્તવ દ્વારા દાખલ કરવામાં આવેલા આ કેસમાં કોર્ટે સુનાવણી માટે 27 નવેમ્બરની તારીખ નક્કી કરી છે

  ગત 23 ઓક્ટોબરે જમ્મુ-કાશ્મીરના ભૂતપૂર્વ મુખ્યપ્રધાન મહેબૂબા મુફ્તીએ એક પત્રકાર પરિષદમાં નિવેદન આપ્યું હતું કે તેઓ કલમ 370 ની પુન:સ્થાપનાની લડત ચાલુ રાખશે. તેઓ આજના ભારત સાથે સહજ નથી. "અમારો ધ્વજ લૂંટાયો છે. તે હજી સુધી પાછો મળ્યો નથી, હું બીજો કોઈ ધ્વજ ઉઠાવીશ નહીં.

  કેસ દાખલ કરનાર વકીલ હિમાંશુ શ્રીવાસ્તવે જણાવ્યું હતું કે મીડિયા દ્વારા મને મહેબૂબા મુફ્તીના આ ભડકાઉ, રાજદ્રોહાત્મક નિવેદનની માહિતી મળી. આ નિવેદને અમને ભારે માનસિક તકલીફ આપી છે તેમજ અપમાન અને અસંતોષ પેદા કર્યો છે. આ નિવેદન માટે તેમણે માફી પણ માંગી નથી. દેશને નબળો પાડવાનો, કાયદા દ્વારા સ્થાપિત સરકાર પ્રત્યે તિરસ્કાર, અપમાન, દ્વેષ તેમજ વિવિધ વર્ગમાં શત્રુતા, અણબનાવ, નફરત ભડકાવવાનો પ્રયાસ કર્યો છે જે દેશદ્રોહની શ્રેણીમાં આવેે છે. તેમણે ભારત દેશનું ગૌરવ એવા રાષ્ટ્રધ્વજ વિશે અપમાનજનક ટિપ્પણી કરી છે. વકીલે કોર્ટને દેશની એકતા, અખંડિતતા અને સાર્વભૌમત્વ જાળવવા માટે મહેબૂબા મુફ્તી વિરુદ્ધ કેસ દાખલ કરવાની માગણી કરી છે.

(11:52 am IST)
  • દેશમાં કોરોનાના એક્ટીવ કેસનો આંકડો 6 લાખની અંદર સરક્યો : નવા કેસની સંખ્યામાં એકધારો ઘટાડો :નવા કેસ કરતા સ્વસ્થ થનારની સંખ્યામાં છેલ્લા કેટલાય દિવસોથી સતત વધારો:રાત્રે 12 -30 વાગ્યા સુધીમાં કોરોનાના નવા 48,692 કેસ નોંધાયા:કુલ કેસનો આંકડો 80, 87,976 થયો :એક્ટીવ કેસ ઘટીને 5,93,698 થયા:વધુ 57,709 દર્દીઓ સ્વસ્થ થતા કુલ 73, 71,748 રિકવર થયા :વધુ 561 લોકોના મોત સાથે કુલ મૃત્યુઆંક 1,21,130 થયો access_time 1:05 am IST

  • અમિતભાઈ શાહે ફોન કરી કેશુભાઈ પરિવારજનોને સાંત્વના પાઠવી : કેન્દ્રીય ગૃહમંત્રી અમિતભાઈ શાહે કેશુભાઈ પટેલના પરિવારજનોને ફોન કરી શોક વ્યકત કરતાં કહ્યું કે કેશુભાઈએ તેનું સમગ્ર જીવન ગુજરાતની જનતાની સેવામાં સમર્પિત કર્યુ હતું. તેમના પરિવારજનોને સાંત્વના પાઠવું છું. access_time 4:01 pm IST

  • કેરાળાના પૂર્વ મુખ્ય સચિવની ઈડીએ ધરપકડ કરી: કેરાળાના ગોલ્ડ સ્મગલિંગ કેસમાં પૂર્વ મુખ્ય સચિવ અને સસ્પેન્ડ કરાયેલા આઈએએસ ઓફિસર એમ શિવશંકરની ઈડીએ ધરપકડ કરી છે. access_time 11:38 am IST