Gujarati News

Gujarati News

News of Thursday, 29th October 2020

દિલ્હી કોરોના સંક્રમણની ત્રીજી લહેરના ઝપેટમાં એક જ દિવસમાં 5,673 કેસ નોંધાયા : ફફડાટ

દિલ્હીમાં કોરોનાના સંક્રમણના નવા કેસનો આવેલો સૌથી મોટો આંકડો

 

નવી દિલ્હી : તહેવારોની સીઝનનો પ્રારંભ થયો ત્યારે દહેશત વ્યક્ત કરવામાં આવી રહી છે કે રાજધાની દિલ્હી કોરોના સંક્રમણની ત્રીજી લહેરના ઝપેટમાં આવી ગઈ હોય તેમ મનાય છે.આજે દિલ્હીમાં એક દિવસમાં સંક્રમણના 5673 કેસ નોંધાયા છે એક દિવસ પહેલા નીતિ આયોગના સભ્ય વી કે પાલે જણાવ્યું હતું કે દિલ્હી, કેરળ અને પશ્ચિમ બંગાળ કોરોના સંક્રમણની ત્રીજી લહેર તરફ આગળ વધી રહ્યા છે.

દિલ્હીમાં કોરોનાના નવા કેસ જુલાઈથી ઘટવા લાગ્યા હતા. એક સમયે એક્ટિવ કેસની સંખ્યા દસ હજારની નીચે પહોંચી ગઈ હતી. તેના પછી કોરોનાના ચેપની બીજી લહેરનો પ્રારંભ થયો. મહિનાના પ્રારંભમાં દિલ્હીના મુખ્યપ્રધાન અરવિંદ કેજરીવાલો દાવો કર્યો હતો કે લાગે છે કે દિલ્હી કોરોનાની બીજી લહેર પસાર કરી ચૂક્યુ છે. પણ છેલ્લા કેટલાક દિવસથી નવા કેસની સંખ્યામાં ઝડપતી વધારો થઈ રહ્યો છે. હજી સત્તાવાર રીતે કંઈ કહેવામાં આવ્યું નથી, પરંતુ હાલના આંકડાના સંકેત જોતા લાગે છે કે દિલ્હીમાં કોરોનાના ચેપની ત્રીજી લહેર શરૂ થઈ ગઈ છે.

દિલ્હીમાં છેલ્લા કેટલાક દિવસથી અચાનક કોરોનાના કેસમાં  તેજી આવી છે. આરોગ્ય વિભાગના બુલેટિન મુજબ બુધવારે રાષ્ટ્રીય રાજધાનીમાં કોવિડ-19ના 5,673 નવા કેસ સામે આવ્યા છે. એક દિવસ પહેલા મંગળવારે 4,853 કેસ આવ્યા હતા અને તેના પહેલા સોમવારે 2,832 કેસ આવ્યા હતા. અત્યાર સુધીમાં કોઈ એક દિવસમાં કોરોનાના સંક્રમણના નવા કેસનો આવેલો સૌથી મોટો આંકડો છે. સાથે દિલ્હીમાં કોરોનાના ચેપગ્રસ્તોની સંખ્યા 3.7 લાખને પાર થઈ ગઈ છે.

(12:41 am IST)
  • દિલ્હીમાં એર પોલ્યુશન સર્જનાર માટે જેલ અને જંગી દંડની જોગવાઇ: દિલ્હીનું હવામાન નિરંતર બદતર બનતું જાય છે ત્યારે દિલ્હી એનસીઆરમાં એર પોલ્યુશન માટે નવો કાયદો અમલમાં આવી રહ્યો છે. જેમાં હવાનું પ્રદૂષણ સર્જનાર માટે પાંચ વર્ષ સુધીની જેલની સજા અને એક કરોડ રૂપિયાના દંડની જોગવાઈ કરવામાં આવી છે. access_time 11:38 am IST

  • કેન્દ્રીય મંત્રી સ્મૃતિ ઈરાની કોરોના સંક્રમિત : બિહાર ચૂંટણી કમપેનમાં શામેલ સ્મૃતિ ઈરાનીએ સંપર્કમાં આવેલા લોકોને ટેસ્ટ કરાવી લેવા ટ્વીટર દ્વારા જાણ કરી access_time 7:03 pm IST

  • આતંકવાદ સામેની લડાઈમાં ભારત ફ્રાન્સની સાથે છે : ફ્રાન્સના ચર્ચ ઉપર થયેલા આતંકી હુમલા બાબતે વડાપ્રધાન શ્રી મોદીનો સ્પષ્ટ અભિપ્રાય : ચાકુથી કરાયેલા હુમલાથી માર્યા ગયેલા 3 લોકો પૈકી એક મહિલાનું માથું ધડથી અલગ કરી દેવાયું હતું : ફ્રાન્સમાં છેલ્લા 2 મહિનામાં સતત ત્રીજા હુમલાથી સમગ્ર વિશ્વમાં પ્રકોપ access_time 8:53 pm IST