Gujarati News

Gujarati News

મુખ્ય સમાચાર
News of Thursday, 29th October 2020

મારી સામે કેસ લડવા BMCએ વકીલને ૮૨ લાખ ચુકવ્યાઃ કંગના રનૌત

અભિનેત્રીના ફરી મહારાષ્ટ્ર સરકાર પર પ્રહાર : કંગના રનૌતના ગેરકાયદેસર બાંધકામના વિવાદ મામલે વકીલને મોટી રકમ ચુકવી હોવાનો અભિનેત્રીનો ખુલાસો

મુંબઈ, તા. ૨૮ : બોલિવૂડ અભિનેત્રી કંગના રણૌત સોશિયલ મીડિયા પર ખૂબ જ એક્ટિવ છે અને નિડરતાથી પોતાનું મંતવ્ય વ્યક્ત કરતી જોવા મળે છે. થોડા દિવસ અગાઉ બીએમસીએ તેની મુંબઈ સ્થિત ઓફિસમાં તોડફોડ કરી હતી. તે ઘટના પર કંગનાએ ફરી એક વખત મહારાષ્ટ્ર સરકાર પર પ્રહાર કર્યો છે. કંગના રણૌતે ટ્વીટ કરીને કહ્યું કે, મ્યુનિસિપલ નિગમે મારા ઘર પર ગેરકાયદેસર રીતે તોડફોડ કરવા બદલ અત્યાર સુધીમાં વકીલ પર ૮૨ લાખ રૂપિયાનો ખર્ચો કર્યો છે. એક યુવતીને હેરાન પરેશાન કરવા માટે તેઓએ જનતાના પૈસા વકીલ પર ખર્ચ્યા છે. આજે મહારાષ્ટ્ર જે સ્થિતિમાં છે તે ખરેખર ખૂબ જ દુર્ભાગ્યપૂર્ણ છે.

કંગનાએ પોતાના ટ્વીટમાં એક ન્યૂઝ ચેનલનો અહેવાલ જોડ્યો છે જેમાં કહેવામાં આવ્યું છે કે, મુંબઈ નગર નિગમે કંગના રણૌતના ગેરકાયદેસરના બાંધકામના વિવાદમાં વકીલ પાછળ ૮૨ લાખ રૂપિયાનો ખર્ચો કર્યો છે. આરટીઆઈ કાર્યકર્તા શરદ યાદવે કંગના મામલામાં નિગમ દ્વારા નિયુક્ત કરેલા વકીલને ફી પેઠે કેટલા રૂપિયા આપ્યા તે માટેની માહિતી માગી હતી. નિગમ દ્વારા આપવામાં આવેલા જવાબમાં ૨૨ સપ્ટેમ્બર સુધી, ૨૨,૫૦,૦૦૦ અને ૭ ઓક્ટોબર સુધી, ૬૦,૦૦,૦૦૦ રૂપિયા અમે કુલ ૮૨,૫૦,૦૦૦ રૂપિયા ચૂકવ્યા છે.

(12:00 am IST)
છેલ્લા 8 દિવસમાં સૌથી લોકપ્રિય
સમાચાર ફટાફટ

  • દેશમાં કોરોનાના એક્ટીવ કેસનો આંકડો 6 લાખની અંદર સરક્યો : નવા કેસની સંખ્યામાં એકધારો ઘટાડો :નવા કેસ કરતા સ્વસ્થ થનારની સંખ્યામાં છેલ્લા કેટલાય દિવસોથી સતત વધારો:રાત્રે 12 -30 વાગ્યા સુધીમાં કોરોનાના નવા 48,692 કેસ નોંધાયા:કુલ કેસનો આંકડો 80, 87,976 થયો :એક્ટીવ કેસ ઘટીને 5,93,698 થયા:વધુ 57,709 દર્દીઓ સ્વસ્થ થતા કુલ 73, 71,748 રિકવર થયા :વધુ 561 લોકોના મોત સાથે કુલ મૃત્યુઆંક 1,21,130 થયો access_time 1:05 am IST

  • દિલ્હીમાં એર પોલ્યુશન સર્જનાર માટે જેલ અને જંગી દંડની જોગવાઇ: દિલ્હીનું હવામાન નિરંતર બદતર બનતું જાય છે ત્યારે દિલ્હી એનસીઆરમાં એર પોલ્યુશન માટે નવો કાયદો અમલમાં આવી રહ્યો છે. જેમાં હવાનું પ્રદૂષણ સર્જનાર માટે પાંચ વર્ષ સુધીની જેલની સજા અને એક કરોડ રૂપિયાના દંડની જોગવાઈ કરવામાં આવી છે. access_time 11:38 am IST

  • મધ્ય પ્રદેશ પેટા ચૂંટણી : મહેંગાવમાં પ્રચાર માટે ગયેલા ભાજપના ફાયર બ્રાન્ડ નેતા ઉમાભારતીની સભામાં ખુરસીઓ ખાલી : સભાના સ્થળથી 25 કિલોમીટર દૂર હેલીકૉપટર ઉતરતા સ્થળ ઉપર પહોંચવામાં મોડું થયું : ગુસ્સે થઇ ભાષણ આપ્યા વિના પરત ફર્યા access_time 1:55 pm IST

મુખ્ય સમાચાર
સમાચાર રાજકોટ
સૌરાષ્ટ્ર કચ્છ
સમાચાર ગુજરાત
દેશ-વિદેશ
એન. આર. આઈ. સમાચાર
ખેલ-જગત
ફિલ્મ જગત