Gujarati News

Gujarati News

News of Thursday, 29th October 2020

અમેરિકામાં વસતા મોટા ભાગના શીખોનો ઝુકાવ ટ્રમ્પ તરફ : નાના ઉદ્યોગોને પ્રોત્સાહન ,તથા ભારતના વડાપ્રધાન શ્રી મોદી સાથેની ગાઢ મૈત્રી કારણભૂત

વિસ્કોસીન : અમેરિકામાં યોજાનારી પ્રેસિડન્ટ પદની ચૂંટણીમાં રિપબ્લિકન તથા ડેમોક્રેટિક પાર્ટીના ઉમેદવારો વચ્ચે રસાકસી દેખાઈ રહી છે. ડેમોક્રેટિક પાર્ટીમાં વાઇસ પ્રેસિડન્ટ પદ માટે ઇન્ડિયન અમેરિકન સેનેટર મહિલા સુશ્રી કમલા હસનને પસંદ કરાયા હોવાથી સ્વાભાવિક ઇન્ડિયન અમેરિકન મતદારોનો ઝોક ડેમોક્રેટિક પાર્ટી તરફ હોઈ શકે છે. સામે પક્ષે રિપબ્લિકન પાર્ટીના પ્રેસિડન્ટ પદના ઉમેદવાર તથા વર્તમાન પ્રેસિડન્ટ ડોનાલ્ડ ટ્રમ્પના શાસનમાં ભારત અને અમેરિકા વચ્ચેના સબંધો વધુ મજબૂત બન્યા છે.ઉપરાંત ડોનાલ્ડ ટ્રમ્પ તથા ભારતના વડાપ્રધાન શ્રી નરેન્દ્ર મોદી વચ્ચેની ગાઢ મૈત્રી જગજાહેર છે.તેથી મોદીના સમર્થકો સ્વાભાવિક પણે ટ્રમ્પ તરફી ઝુકાવ ધરાવી રહ્યા છે.
આ સંજોગોમાં  અમેરિકામાં વસતા મોટા ભાગના શીખોનો ઝુકાવ ટ્રમ્પ તરફ જોવા મળી રહ્યો છે.જેના કારણમાં શીખ સમુદાયના આગેવાન દર્શન સિંહ ધાલીવાલે જણાવ્યું હતું કે ટ્રમ્પ શાસનમાં નાના વ્યવસાય તથા ઉદ્યોગોને પ્રોત્સાહન મળી રહ્યું છે.તેમજ તેઓ ભારતના વડાપ્રધાન શ્રી નરેન્દ્ર મોદીના ગાઢ મિત્ર હોવાથી ભારત અને અમેરિકા વચ્ચેના સબંધો વધુ મજબૂત બન્યા છે.તેવું સમાચાર સૂત્રો દ્વારા જાણવા મળે છે.

(5:22 pm IST)
  • દેશમાં કોરોનાના એક્ટીવ કેસનો આંકડો 6 લાખની અંદર સરક્યો : નવા કેસની સંખ્યામાં એકધારો ઘટાડો :નવા કેસ કરતા સ્વસ્થ થનારની સંખ્યામાં છેલ્લા કેટલાય દિવસોથી સતત વધારો:રાત્રે 12 -30 વાગ્યા સુધીમાં કોરોનાના નવા 48,692 કેસ નોંધાયા:કુલ કેસનો આંકડો 80, 87,976 થયો :એક્ટીવ કેસ ઘટીને 5,93,698 થયા:વધુ 57,709 દર્દીઓ સ્વસ્થ થતા કુલ 73, 71,748 રિકવર થયા :વધુ 561 લોકોના મોત સાથે કુલ મૃત્યુઆંક 1,21,130 થયો access_time 1:05 am IST

  • આતંકવાદ સામેની લડાઈમાં ભારત ફ્રાન્સની સાથે છે : ફ્રાન્સના ચર્ચ ઉપર થયેલા આતંકી હુમલા બાબતે વડાપ્રધાન શ્રી મોદીનો સ્પષ્ટ અભિપ્રાય : ચાકુથી કરાયેલા હુમલાથી માર્યા ગયેલા 3 લોકો પૈકી એક મહિલાનું માથું ધડથી અલગ કરી દેવાયું હતું : ફ્રાન્સમાં છેલ્લા 2 મહિનામાં સતત ત્રીજા હુમલાથી સમગ્ર વિશ્વમાં પ્રકોપ access_time 8:53 pm IST

  • કેન્દ્રીય મંત્રી સ્મૃતિ ઈરાની કોરોના સંક્રમિત : બિહાર ચૂંટણી કમપેનમાં શામેલ સ્મૃતિ ઈરાનીએ સંપર્કમાં આવેલા લોકોને ટેસ્ટ કરાવી લેવા ટ્વીટર દ્વારા જાણ કરી access_time 7:03 pm IST