Gujarati News

Gujarati News

News of Monday, 28th November 2022

ઘરે ચાલતી હતી અંતિમ સંસ્‍કારની તૈયારી, ઓચિંતા જ મળત્‍યુ પામેલી મહિલા જીવિત થઈ ગઈ

 લખનૌ,તા.૨૮ : આ કુદરતનો ચમત્‍કાર કહો કે ડોક્‍ટરની બેદરકારી, પણ મળત્‍યુ થયા બાદ એક મહિલા જીવિત થયાની એક રસપ્રદ ઘટના પ્રકાશમાં આવી છે. આ ઘટના ઉત્તર પ્રદેશના દેવરિયા જિલ્લાની છે. આ ઘટના બાદ સમગ્ર વિસ્‍તારમાં લોકો આ ઘટનાને લઈ ચર્ચા કરી રહ્યા છે. હકીકતમાં એક મહિલાનું સારવાર સમયે મળત્‍યુ નિપજ્‍યું હતું. મળત્‍યુ બાદ ડોક્‍ટરોએ મહિલાનો મળતદેહ પરિવારને સોંપી દીધો હતો. ત્‍યારબાદ પરિવારના સભ્‍યો મહિલાના અંતિમ સંસ્‍કાર માટે તૈયારી શરૂ કરી દીધી હતી.મળત્‍યુના સમાચાર મળતા પરિવારમાં શોક વ્‍યાપી ગયો હતો. જ્‍યારે પરિવાર મહિલાનો મળતદેહ લઈ ઘરે પરત ફરી રહ્યા હતા ત્‍યારે ઓચિંતા જ તે ભાનમાં આવી ગઈ અને લોકો સાથે વાતચીત કરવા લાગી હતી. આ જોઈ તેમની સાથે રહેલા સંબંધિઓ ભારે અચંબામાં પડી ગયા હતા. ત્‍યારબાદ ઝડભેર પરિવારના સભ્‍યો મહિલાને ડોક્‍ટર પાસે લઈ ગયા હતા, જ્‍યાં ડોક્‍ટરોએ તેનું સ્‍વાસ્‍થ ચેકઅપ કર્યું તો તે સંપૂર્ણ તંદુરસ્‍ત હોવાનું માલુમ પડ્‍યું. ત્‍યારબાદ મહિલાને ઘરે મોકલી આપી હતી. આ અગાઉ ગામમાં મહિલાના મોતની ઘટનાના સમચારને પગલે તેના અંતિમ સંસ્‍કાર કરવા માટે તૈયાર કરવા લાગ્‍યા હતા. મહિલા જીવિત થઈ ગયાના સમાચાર સાંભળી તેઓ ખુશીથી ઝૂમી ઉઠ્‍યા હતા.

 મીના દેવીના મોતની જાણકારી મળતા જ ઘરમાં સૌ ખૂબ જ દુખી થઈ ગયા હતા. સગા સંબંધી પણ તેમના ઘરે આવવા લાગ્‍યા હતા. ઘરના દરવાજે મોટી સંખ્‍યામાં લોકો પહોંચી ગયા હતા અને મળતદેહ આવે ત્‍યારે તેના અંતિમ સંસ્‍કાર કરવા તૈયારી શરૂ કરવામાં આવી હતી. પણ માર્ગમાં જ મીના દેવી એમ્‍બ્‍યુલન્‍સમાં ભાનમાં આવી ગઈ અને સૌની સાથે વાતચીત કરવા લાગી, એટલું જ નહીં તે સૌને ઓળખવા પણ લાગી હતી. જ્‍યારે મહિલા જીવિત થઈ ગઈ હોવાની વાત ઘરે પહોંચી તો લોકો ખુશીથી ઝૂમી ઉઠ્‍યા હતા. આ સમાચાર સમગ્ર પંથકમાં વાયરલ થઈ ગયા હતા અને સોશિયલ મીડિયા પર પણ માહિતી પહોંચી ગઈ હતી.

(4:08 pm IST)