Gujarati News

Gujarati News

News of Saturday, 28th November 2020

નાગાલેન્ડમાં હીરા માટે ગામ લોકોએ પહાડ ખોદી નાખ્યો

હીરો મળ્યાની અફવા આગની જેમ ફેલાઈ ગઈ મોન જિલ્લાના વાનચિંગ ગામનો વીડિયો વાયરલ થતાં વહીવટી તંત્ર દોડતું થયું, મામલામાં તપાસ હાથ ધરાઈ

નવી દિલ્હી, તા.૨૮ : નાગાલેન્ડના એક ગામમાં કથિત રીતે હીરાથી ભરેલા પહાડની માહિતી મળતા રીતસરની દોડધામ મચી ગઇ. સોશિયલ મીડિયા પર હીરાના પહાડના ખોદકામનો વીડિયો વાયરલ થયા બાદ સરકારે તપાસના આદેશ આપ્યા છે. ભૂવિજ્ઞાન અને ખોદકામ વિભાગની ટીમો સ્થળ પર પહોંચીને તપાસ કરશે. નાગાલેન્ડના મોન જિલ્લાના વાનચિંગ ગામમાં ગ્રામીણોનો વીડિયો વાયરલ થયો છે. ગામના જ એક પહાડ પર હીરા મળ્યાની વાત જંગલમાં આગની જેમ ફેલાઇ અને મોટી સંખ્યામાં લોકો ત્યાં પહોંચીને ખોદકામ કરવા લાગ્યા. વિભાગના નિર્દેશક એસ માનેન એ કહ્યું કે આ આખા કેસની તપાસ કરાશે. તેમણે કહ્યું કે તપાસ રિપોર્ટ ટૂંક સમયમાં જ રજૂ કરવાની કોશિષ રહેશે. મોનના ડેપ્યુટી કમિશ્નર થવસેલનને આ સંબંધમાં માહિતી આપતા કહ્યું કે આ ઘટના સપ્તાહ પહેલાંની છે. જંગલમાં કામ કરતાં કેટલાંક ગ્રામીણોને ક્રિસ્ટલનુમા પથ્થર મળ્યો ત્યારબાદ ગામના બીજા લોકોને કહ્યું કે આ હીરો હતો. જો કે અધિકારીઓને ગ્રામીણોના આ દાવા પર શંકા છે.

હીરો હોવાના દાવા કરી રહેલા આ પથ્થર બિલકુલ ફર્શ પર મળ્યા હતા. આથી આ હીરા હોવા પર શંકા થઇ રહી છે. આ પથ્થરોના ક્વાર્ટઝ ક્રિસ્ટલ હોવાની આશા વ્યકત કરાય રહી છે. જો કે ક્વાર્ટઝના પણ કેટલાંય ગુણ દેખતા તેનાથી ફાયદો મળવાની આશા વ્યકત કરાય રહી છે.

(7:28 pm IST)
  • અમદાવાદ શહેરમાં કોરોના વિસ્ફોટ :કોરોનાનું સંક્રમણ વધ્યું, ગોતા,બોડકદેવ અને થલતેજ બન્યા હોટસ્પોટ ઝોન: અમદાવાદ મહાનગરપાલિકા દ્વારા વધુ 24 વિસ્તારોને માઈક્રો કન્ટેનમેન્ટ ઝોનમાં મુકાયા access_time 11:51 pm IST

  • કોંગ્રેસના વચગાળાના ખજાનચી તરીકે પવનકુમાર બંસલની નિમણુંક : અહમદ પટેલના નિધનથી ખાલી પડેલી જગ્યા ઉપર કામચલાઉ નિમણુંક : કોંગ્રેસ પાર્ટીમાં અધ્યક્ષ ઉપરાંત હવે ખજાનચી પણ કામચલાઉ access_time 6:18 pm IST

  • પેટ્રોલ ડીઝલના ભાવમાં આજે આઠમા દિવસે પણ ભાવમાં વધારો ઝીંકાયો: પેટ્રોલમાં 24 પૈસા અને ડીઝલનાં ભાવમાં પ્રતિ લિટરે 31 પૈસાનો વઘારો થયો :આઠ દિવસમાં પેટ્રોલમાં 1.07 અને ડીઝલમાં 1.86 ૱ નો ભાવ વધારો થયો છે:ભાવ વધારો સવારે છ વાગ્યા થી લાગુ થશે access_time 11:44 pm IST