Gujarati News

Gujarati News

News of Monday, 26th October 2020

બેફામ નિવેદન મામલે ભાજપના કૈલાસ વિજયવર્ગીય અને કોગ્રેસના સજ્જન સિંહને ચૂંટણી પંચની નોટિસ

ચૂંટણી પંચે પૂર્વ મુખ્યમંત્રી કમલનાથને પણ આઇટમ વાળા નિવેદન અંગે સલાહ આપી

 

નવી દિલ્હી : ચૂંટણી પ્રચારમાં ચાલતી નિવેદનબાજીમાં નેતાઓ માન મર્યાદા અને ભાન પણ ભૂલી રહ્યા છે. આવા બે કિસ્સામાં ચૂંટણી પંચે ભાજપના નેતા કૈલાસ વિજયવર્ગીય અને કોંગ્રેસના નેતા સજ્જન સિંહને નોટિસ આપી છે. તો સાથે પૂર્વ મુખ્યમંત્રી કમલનાથને પણ આઇટમ વાળા નિવેદન અંગે સલાહ આપી છે.

કૈલાસ વિજયવર્ગીયે આપેલા ચુન્નુ મુન્નુ વાળા નિવેદન અંગે ચૂંટણી પંચે તેમને નોટિસ આપી છે અને 48 કલાકની અંદર જવાબ માંગ્યો છે. કૈલાસ વિજયવર્ગીયે મધ્યપ્રદેશના પૂર્વ મુખ્યમંત્રી કમલનાથ અને દિગ્વિજય સિંહને ચુન્નુ મુન્નુ ગણાવ્યા હતા અને કોંગ્રેસ ઉપર નિશાન સાધ્યું હતું. તેમણે બંને ઉપર આક્ષેપ કરતા કહ્યું કે બંને નેતાઓએ ગઇ સરકારમાં મતદારો સાથે વિશ્વાસઘાચત કર્યો હતો. 14 ઓક્ટોબરે સાંવરેમાં એક રેલીને સંબોધન દરમિયાન વાત કહી હતી.

કોંગ્રેસના સજ્જન સિંહે 15 ઓક્ટોબરે એક રેલી દરમિયાન કૈલાસ વિજયવર્ગીયને રાવણ કહ્યા હતા. તેમણે રેલી દરમિયાન કહ્યું હતું કે દશેરા જેમ જેમ નજીક આવે છે, તેમ તેમ તેમનો ચહેરો રાવણ જેવો થતો જાય છે. તેમની પાસેથી પણ જવાબ માંગ્યો છે.

(12:09 am IST)
  • પાકિસ્તાનના પેશાવરમાં આવેલા મદ્રેસામાં વિસ્ફોટ : 7 બાળકોના મોત : 70 ઘાયલ : પોલીસ તપાસ ચાલુ access_time 12:42 pm IST

  • ભારતના રાષ્ટ્ર ધ્વજ ત્રિરંગાની અવગણના કરનાર મહેબુબા મુફ્તીની પીડીપી પાર્ટીમાં તિરાડ : પાર્ટી અધ્યક્ષ મહેબુબાના નિવેદનથી નારાજ થયેલા 3 આગેવાનોએ રાજીનામાં આપી દીધા : ટી.એસ.બાજવા ,વેદ મહાજન ,તથા હુસેન એ.વફાએ મહેબૂબાને પત્ર લખી નારાજગી વ્યક્ત કરી રાજીનામાં આપી દીધા : મહેબૂબાએ કાશ્મીરમાં 370 મી કલમ ફરીથી લાગુ ન થાય ત્યાં સુધી ત્રિરંગાને હાથ અડાડવાનો ઇન્કાર કરી દીધો હતો access_time 8:11 pm IST

  • દેશમાં કોરોના ધીમો પડ્યો : નવા કેસની સંખ્યામાં એકધારો ઘટાડો : નવા કેસ કરતા સ્વસ્થ થનારની સંખ્યામાં છેલ્લા કેટલાય દિવસોથી સતત વધારો:રાત્રે 12 વાગ્યા સુધીમાં કોરોનાના નવા 35,932 કેસ નોંધાયા:કુલ કેસનો આંકડો 79,45,777 થયો :એક્ટીવ કેસ ઘટીને 6,26,220 થયા:વધુ 63,572 દર્દીઓ સ્વસ્થ થતા કુલ 71,98,660 રિકવર થયા :વધુ 482 લોકોના મોત સાથે કુલ મૃત્યુઆંક 1,19,534 થયો access_time 12:50 am IST