Gujarati News

Gujarati News

News of Wednesday, 27th January 2021

ટ્રેક્ટર પરેડમાં થયેલી હિંસા બાદ ખેડૂત સંગઠનમાં ભંગાણ : સંસદ માર્ચ સ્થગિત

શહીદ દિવસ પર ખેડૂત દેશભરમાં નિકાળશે રેલીઓ એક દિવસનો ઉપવાસ પણ રાખશે

નવી દિલ્હી: ગણતંત્ર દિવસ દરમિયાન દિલ્હીમાં ખેડૂતો દ્રારા કરવામાં આવેલી હિંસા  બાદ ખેડૂતોનું આંદોલન) નબળું પડી ગયું છે. એક તરફ દેશભરમાં ખેડૂતોના વિરૂદ્ધ ગુસ્સો છે તો બીજી તરફ ખેડૂત સંગઠનોમાં ફૂટ પડતી જોવા મળી રહી છે. બે ખેડૂત સંગઠનોએ પોતાને આ આંદોલનથી અલગ કરી દીધા છે. ખેડૂતોએ પોતાની સંસદ માર્ચ રદ કરી દીધી છે.કૃષિ કાયદા  વિરૂદ્ધ પ્રદર્શન કરી રહેલા ખેડૂતોએ 1 ફેબ્રુઆરીના રોજ સંસદ માર્ચ કરવાની જાહેરાત કરી હતી. જેને હવે ટાળી દેવામાં આવી છે. આ દિવસે લોકોસભામાં સામાન્ય બજેટ  રજૂ કરવામાં આવશે.

  ભારતીય કિસાન યૂનિયનના નેતા બલબીર રાજેવાલએ કહ્યું કે આવતીકાલે ટ્રેક્ટર પરેડમાં થયેલી હિંસાના કારણે 1 ફેબ્રુઆરીના રોજ થનારી સંસદ માર્ચને અમે સ્થગિત કરી દીધી છે. તેમણે કહ્યું કે 'શહીદ દિવસ પર અમે કિસાન આંદોલન તરફથી આખા ભારતમાં સાર્વજનિક રેલીઓ કરીશું. અમે એક દિવસનો ઉપવાસ પણ રાખીશું.

 ભારતીય કિસાન યૂનિયન નેતાએ કહ્યું કે કાલે જે થયું તેનાથી દેશની ભાવનાઓ ઠેસ પહોંચી છે. જે કંઇપણ થયું તેના માટે અમે ખેદ વ્યક્ત કરીએ છીએ.
  બલબીર રાજેવાલએ આખી ઘટના માટે સરકારને જવાબદાર ગણાવી છે. તેમણે કહ્યું કે જે કંઇ થયું તે એક કાવતરા હેઠળ થયું. જે રસ્તો નક્કી કરવામાં આવ્યો હતો ટ્રેક્ટર પરેડ માટે તે રસ્તો બંધ હતો. જેમણે લાલ કિલ્લા પર ધ્વજ લહેરવાની વાત કહી હતી સરકાર તેમની સાથે મળેલી છે. તેમણે કહ્યું કે પોલીસે પોતે કહ્યું કે આગળ જાવ દિલ્હીની તરફ અને ધીમે ધીમે લાલ કિલ્લા સુધી પહોંચાડી દીધા.  હતા

ભારતીય કિસાન યૂનિયનના નેતા રાકેશ ટિકૈતએ કહ્યું કે કાલે દિલ્હીમાં ટ્રેક્ટર રેલી ખૂબ સફળતાપૂર્વક થઇ. જો કોઇ ઘટના ઘટી છે તો તેના માટે પોલીસ વહીવટીતંત્ર જવાબદાર છે. કોઇ લાલ પર પહોંચી જાય અને પોલીસની એક ગોળી પણ ન ચાલે. આ કિસાન સંગઠનને બદનામ કરવાનું કાવતરું હતું. તેમણે કહ્યું કે ખેડૂત આંદોલન ચાલુ રહેશે.

બીજી તરફ અખિલ ભારતીય કિસાન સભાના મહાસચિવ હન્નાન મોલ્લાહએ કહ્યું કે કિસાન આંદોલનના પહેલાં દિવસથી જ બદનામ કરવાનું શરૂ કરી દીધું. 70 કરોડ કિસાન જે મહેનત કરી દેશને અન્ન આપે છે તે દેશદ્રોહી છે, આ પ્રકારે દેશદ્રોહી બોલવાની હિંમત કોની થાય છે, જે દેશદ્રોહી થાય છે, તે ખેડૂતોને દેશદ્રોહી બોલે છે

(11:43 pm IST)
  • દેશમાં કોરોના હાર્યો :નવા કેસ કરતા સ્વસ્થ થનારની સંખ્યામાં વધારો:એક્ટિવ કેસના આંકમાં સતત ઘટાડો : રાત્રે 11 -30 વાગ્યા સુધીમાં કોરોનાના નવા 11,526 કેસ નોંધાયા :કુલ કેસની સંખ્યા 1,06,89,267 થઇ :એક્ટિવ કેસ 1,74,193 થયા: વધુ 11,681 દર્દીઓ સ્વસ્થ થતા કુલ 1,03,56,888 થયા :વધુ 100 લોકોના મોત સાથે કુલ મૃત્યુઆંક 1,53,724 થયા access_time 12:48 am IST

  • દ્વારકા જિલ્લામાં લેન્ડ ગ્રેબિંગનો પ્રથમ ગુનો નોંધાતા ચકચાર:ભાણવડની વારીયા બાલમંદિરની ટ્રસ્ટની જગ્યામાં કબજો કરી ખંડણી માગનાર બે મહિલા સહિતના સામે ફરિયાદ કરાઈ હતી: ભાણવડ પોલીસે ધરપકડની તજવીજ હાથ ધરી access_time 7:10 pm IST

  • દેશમાં કોરોના થાક્યો :નવા કેસ કરતા સ્વસ્થ થનારની સંખ્યામાં વધારો:એક્ટિવ કેસના આંકમાં સતત ઘટાડો : રાત્રે 11 વાગ્યા સુધીમાં કોરોનાના નવા 11,146 કેસ નોંધાયા :કુલ કેસની સંખ્યા 1,07,01,427 થઇ :એક્ટિવ કેસ 1,70,835 થયા: વધુ 13,930 દર્દીઓ સ્વસ્થ થતા કુલ 1,03,72,258 થયા :વધુ 111 લોકોના મોત સાથે કુલ મૃત્યુઆંક 1,53,862 થયા access_time 1:05 am IST