Gujarati News

લંડનઃ બ્રિટનમાં એક યુવક માટે કોર્ટે વિચિત્ર ચુકાદો આપ્યો છે. આ યુવકે ક્યારે અને કઇ યુવતી સાથે સેક્સ કરશે? તે 24 કલાક પહેલાં પોલીસને જણાવવું પડશે. એટલું જ નહીં તેના પર મહિલાઓ સાથે બિનજરૂરી વાતચીત પર પણ પ્રતિબંધ મૂકી દેવાયો છે.

એક મહિલાએ તેના પર આરોપ મુક્યો હતો કે ડાયરે એક પાર્ટીમાં તેને ખોટી રીતે સ્પર્શ કર્યું હતું અને વિરોધ કરતા રેપ કરવાની ધમકી આપી હતી. પરંતુ ડાયર હજુ સુધી કોઇ પણ યૌન શૌષણના આરોપમાં દોષિત સાબિત થયો નથી.

ડેઇલી મેઇલના રિપોર્ટ મુજબ 39 વર્ષના ડીન ડાયર નામના યુવક પર સેક્સ્યુઅલ હુમલાના ઘણા કેસો ચાલી રહ્યા છે. તેના પર એક 14 વર્ષની કિશોરી સાથે સેકસ સંબંધ બાંધવાની કોશીશ કરવા સહિત શારીરિક શૌષણના 7 આરોપ છે.

કોર્ટે ડાયર સામેના આરોપો સાંભળ્યા બાદ તેને સેક્સ્યુઅલ રિસ્ટ્રેન્ટ ઓર્ડર આપી દીધું. બ્રિટનની વેસ્ટ મિનિસ્ટર કોર્ટે એવું પણ કહ્યું કે દરરોજના કામકાજ દરમિયાન ડાયર માત્ર એ મહિલાઓ સાથે વાતચીત કરી શકે છે, જેમની સાથે વાત કરવાનું સંભવ ન હોય

બ્રિટનમાં સેક્સ્યુઅલ રિસ્ટ્રન્ટ ઓર્ડર (London court order) એક સિવિલ આદેશ છે. સામાન્ય રીતે જેની સામે સેક્સ સંબંધી મામલામાં દોષ સાબિત થતુ નથી પણ તેને સમાજ માટે જોખમી માનવામાં આવતું તેની વિરુદ્ધ આ ઓર્ડર આપવામાં આવે છે.