Gujarati News

Gujarati News

News of Wednesday, 27th January 2021

યુએસમાં પતિ-પત્નીને કામ કરતા રોકતો નિર્ણય રદ કરાશે

એચ-૧બી વિઝા પર કામ કરનારા ભારતીયોને રાહત : ટ્રમ્પ સત્તા પર આવ્યા ત્યારથી તેમણે આ કેટેગરીના વિઝા ધારકના જીવનસાથીને કામ કરતા રોકવા રોક લગાવી હતી

મુંબઈ, તા. ૨૭ : એચ-૧બી વિઝાધારકના પતિ કે પત્નીને અમેરિકામાં કામ કરતા રોકવાના ટ્રમ્પના નિર્ણયને નવા ચૂંટાયેલા પ્રમુખ બાઈડન રદ્દ કરવાની તૈયારીમાં છે. આ નિર્ણયનો સૌથી મોટો ફાયદો અમેરિકામાં એચ-૧બી પર કામ કરતા લાખો ભારતીયોને થશે. કારણકે, ટ્રમ્પ સત્તા પર આવ્યા ત્યારથી તેમણે આ કેટેગરીના વિઝાધારકના જીવનસાથીને અમેરિકામાં કામ કરતા રોકવા એક પછી એક રોક લગાવી હતી.

ફેબ્રુઆરી ૨૦૧૯માં ટ્રમ્પે આ અંગેના નિયંત્રણો મૂક્યા ત્યારે હાલના ઉપપ્રમુખ અને તત્કાલિન સેનેટર કમલા હેરિસે તેનો વિરોધ કરતાં કહ્યું હતું કે આ નિર્ણયને કારણે જે એચ-૧બી વિઝાધારકોના જીવનસાથી અને ખાસ તો મહિલાઓને પોતાના ડોક્ટર, નર્સ, સાયન્ટિસ્ટ કે પછી એકેડેમિક્સના વ્યવસાય પડતા મૂકવાની ફરજ પડશે. તે વખતે પણ કમલા હેરિસે ટ્રમ્પના આ નિર્ણય સામે લડત આપવાનો મક્કમ નિર્ધાર વ્યક્ત કર્યો હતો. આખરે તેમના સત્તામાં આવ્યા બાદ બે વર્ષે એચ-૧બી વિઝા પર અમેરિકામાં કામ કરતા લોકો તેમજ તેમના જીવનસાથીને મોટી રાહત મળવા જઈ રહી છે.

એચ-૧બી વિઝા પર અમેરિકા આવતા વ્યક્તિ પર નિર્ભર તેના પરિવારજનોને એચ-૪ વિઝા આપવામાં આવતા હોય છે. ટ્રમ્પે આ વિઝા પર અમેરિકા આવતા લોકો કામ ના કરી શકે તેવો નિયમ બનાવ્યો હતો. જેને રદ્દ કરવા બાઈડનની સરકારે પ્રક્રિયા શરુ કરી છે, અને હાલ તે ઓફિસ ઓફ મેનેજમેન્ટ એન્ડ બિઝનેસના રિવ્યૂ હેઠળ છે. બીજા શબ્દોમાં કહીએ તો જૂના નિયમને રદ્દ કરતો નવો આદેશ લાગુ થવાની તૈયારીમાં છે.

બાઈડને સત્તા ગ્રહણ કરી તેના તુરંત બાદ તેમની સરકારે ટ્રમ્પ દ્વારા લેવાયેલા નિર્ણયો પર ૬૦ દિવસનો સ્ટે મૂકી દીધો હતો, જેમાં વિઝા નિયંત્રણોનો પણ સમાવેશ થાય છે. જ્યાં સુધી એચ-૧બી તેમજ એચ-૪ વિઝાની વાત છે, ત્યાં સુધી અમેરિકાનું ડિપાર્ટમેન્ટ ઓફ હોમલેન્ડ સિક્યોરિટી પણ ટ્રમ્પ દ્વારા બનાવાયેલા પ્રસ્તાવિત કાયદાને પડતો મૂક્યો છે.

એચ-૧બી વિઝાધારક ગ્રીન કાર્ડ મેળવવાની રાહમાં હોય કે પછી જો તેને છ વર્ષના ગાળા બાદ કોઈ એક્સ્ટેન્શન મળ્યું હોય તો જ એચ-૪ વિઝા પર અમેરિકા આવેલા તેના જીવનસાથી એમ્પ્લોયમેન્ટ ઓર્થોરાઈઝેશન ડોક્યુમેન્ટ માટે અરજી કરી શકે છે. ૨૦૧૫માં આ નિયમ ઓબામા સરકારે લાગુ કર્યો હતો. જેનો હેતુ સિંગલ ઈનકમ પર નિર્ભર પરિવારોને રાહત આપવાનો હતો. જોકે, ટ્રમ્પ તેના પર પણ નિયંત્રણ મૂકવા ઈચ્છતા હતા, જેના કારણે તેનો જોરદાર વિરોધ થયો હતો.

(9:17 pm IST)
  • દ્વારકા જિલ્લામાં લેન્ડ ગ્રેબિંગનો પ્રથમ ગુનો નોંધાતા ચકચાર:ભાણવડની વારીયા બાલમંદિરની ટ્રસ્ટની જગ્યામાં કબજો કરી ખંડણી માગનાર બે મહિલા સહિતના સામે ફરિયાદ કરાઈ હતી: ભાણવડ પોલીસે ધરપકડની તજવીજ હાથ ધરી access_time 7:10 pm IST

  • ખેડૂત નેતા શિવકુમાર કક્કાએ ટ્રેક્ટર પરેડ દરમિયાન થયેલા હોબાળો માટે માફી માંગી : તેમણે કહ્યું કે હિંસાના ગુનેગારો સંયુક્ત ખેડૂત મોરચાના ભાગ નથી. શિવકુમાર કક્કા એક ખાનગી ચેનલ સાથે વાત કરી રહ્યા હતા. access_time 7:57 pm IST

  • રાજસ્થાનના ભરતપુર જિલ્લામાં એકતરફી પ્રેમ સંબંધમાં એક 19 વર્ષની યુવતીને પાડોશીએ ગોળી મારીને હત્યા કરી access_time 7:58 pm IST