Gujarati News

Gujarati News

News of Tuesday, 26th January 2021

રસીના આડઅસરો પર અફવા ફેલાવનારા સામે કાર્યવાહી થશે

રસીકરણનું દેશમાં વિશ્વનું સૌથી મોટું અભિયાન : કેન્દ્ર તરફથી રાજ્યો, કેન્દ્રશાસિત પ્રદેશના ચીફ સેક્રેટરી ને પત્ર લખી કાર્યવાહી કરવા સૂચના આપવામાં આવી

નવી દિલ્હી, તા. ૨૫ :  કોરોના મહામારીની જંગમાં સૌથી મહત્વના પડાવ દેશવ્યાપી રસીકરણ અભિયાન દરમિયાન વેક્સીનની સાઇડ ઇફેક્ટની અફવાઓ કે અન્ય અફવાઓને લઇને કેન્દ્ર સરકારે હવે ચેતવણી જાહેર કરી છે. વેક્સીનને લઇને અફવાઓ ફેલાવતા લોકો સામે કેન્દ્ર સરકાર કડક કાયદાકીય કાર્યવાહી કરશે. આ માટે કેન્દ્ર તરફથી રાજ્યો અને કેન્દ્રશાસિત પ્રદેશના ચીફ સેક્રેટરી ને પત્ર લખી કાર્યવાહી કરવા સૂચના આપવામાં આવી હતી.

બીજી તરફ ૧૬ જાન્યુઆરીથી દેશવ્યાપી રસીકરણ અભિયાન શરુ કરવામાં આવ્યું હતું, પરંતુ લક્ષ મુજબ વેક્સીનેશન આંકડા સુધી પહોંચવામાં અડચણો આવી રહી છે. દેશમાં અત્યાર સુધી ૧૬ લાખથી વધુ લાભાર્થીઓનું રસીકરણ છઇ ગયુ છે.

સેન્ટ્રલ હોમ સેક્રેટરી અજય ભલ્લાએ ગત અઠવાડિયે જ રાજ્યો અને પ્રદેશોને આ મુદ્દે પત્ર લખી સૂચન કર્યુ હતું. જેમાં કેન્દ્ર સરકારે સ્પષ્ટ કહ્યુ હતું કે, વેક્સીન કે વેક્સીનેશન મિશનને લઇને ખોટા સમાચાર કે અફવાઓ ફેલાવતા લોકો સામે કાર્યવાહી કરવી અને વાસ્તવિક તથ્યોના આધારે જરુરી સૂચનોનું પ્રસારણ કરવું. કેન્દ્રની ચેતવણી હેઠળ હવે વેક્સીન અંગે અફવાઓ ફેલાવતા સંગઠનો અને વ્યક્તિ પર કાયદાકીય કાર્યવાહી થશે. નોંધનીય છે કે, દેશમાં કોરોના રસીકરણ અભિયાન દરમિયાન કેટલાકે લોકોની મોતને લઇને સોશિયલ મીડિયા પર અનેક અફવાઓ ઉડી રહી છે. જ્યારે કેન્દ્ર દાવો કરી રહી છે કે આ મોત અને રસીકરણ વચ્ચે કોઇ સંબંધ નથી. આ અફવાઓમાં લોકોને વેક્સીનેશન ન કરાવવા અને એનાથી જીવનું જોખમ હોવાની વાતો હતી.

જોકે કોરોના જેવી ઘાતક મહામારી સામે ભારતમાં રસીકરણ અભિયાન હેઠળ હવે સરકારે રસીકરણને લઇને જાગૃકતા અભિયાન પણ ચલાવવુ પડી રહ્યુ છે.

(12:00 am IST)
  • દેશમાં કોરોના હાર્યો :નવા કેસ કરતા સ્વસ્થ થનારની સંખ્યામાં વધારો:એક્ટિવ કેસના આંકમાં સતત ઘટાડો : રાત્રે 11 -30 વાગ્યા સુધીમાં કોરોનાના નવા 11,526 કેસ નોંધાયા :કુલ કેસની સંખ્યા 1,06,89,267 થઇ :એક્ટિવ કેસ 1,74,193 થયા: વધુ 11,681 દર્દીઓ સ્વસ્થ થતા કુલ 1,03,56,888 થયા :વધુ 100 લોકોના મોત સાથે કુલ મૃત્યુઆંક 1,53,724 થયા access_time 12:48 am IST

  • કલેકટરે ખેડૂતોને ૪૧ પ્રશ્નો અંગે આચાર-સંહિતા સંદર્ભે મીટીંગની 'ના' પાડી દિધી : ભારતીય કિસાન સંઘ આજે ૪૧ પ્રશ્નો અંગે કલેકટર સમક્ષ દોડી આવ્યું હતું: મીટીંગ થનાર હતી પરંતુ કલેકટરે પ્રશ્નોનો કાગળ લઇ આચાર સંહિતા હોય મીટીંગ અને પ્રશ્નોના 'નિકાલ' અંગે હાલ ના પાડી દીધીઃ રાજય ચૂંટણી પંચનું માર્ગદર્શન લઇ બાદમાં મીટીંગ યોજાશે access_time 3:35 pm IST

  • લખનૌના દારુલ ઉલુમ ફિરંગી મહેલમાં 72 મો પ્રજાસત્તાક દિવસ ઉજવાયો : ભારતના રાષ્ટ્રગીત સાથે ત્રિરંગો લહેરાયો : મુસ્લિમ ધર્મગુરુ મૌલાના ખાલિદ રસીદ ફિરંગીએ ધ્વજ વંદન કરાવ્યું : દેશના વિકાસમાં મદ્રેસાઓનું મહત્વનું યોગદાન હોવાનું જણાવ્યું access_time 6:59 pm IST