Gujarati News

Gujarati News

News of Monday, 26th October 2020

દિલ્હીની ભવિષ્યવેત્તાએ કરી આગાહી

૨૦૨૧ના ફેબ્રુઆરીમાં થઇ શકે છે યુદ્ઘ

ચીન /અથવા પાકિસ્તાન સાથે જંગ શકય છે

નવી દિલ્હી, તા.૨૬: ૨૦૨૧ના ફેબ્રુઆરી-માર્ચની આસપાસ ચીન અથવા પાકિસ્તાન સાથે યુદ્ઘ થઇ શકે છે એવી આગાહી પાટનગર નવી દિલ્હીની એક ભવિષ્યવેત્તા મનીજા આહુજાએ કરી હતી.

તેમણે કહ્યું હતું કે ૨૦૨૧ના ફેબ્રુઆરીની ૧૨મીથી ૨૭મી આ બાબતમાં ખૂબ સંવેદનશીલ જણાતી હતી. નવેંબરથી ચીન સાથેના સંબંધો વધુ ખરાબ થવા લાગશે અને એની પ્રતિકૂળ અસર ૨૦૨૧ના ફેબ્રુઆરી માર્ચમાં દેખાશે. ચીન અને પાકિસ્તાન બંને સાથે યુદ્ઘ થવાની શકયતા હતી.

આ યુદ્ઘમાં ભારતને ખૂબ નુકસાન થશે પરંતુ ભારતનો વિજય થશે. ચીન અને પાકિસ્તાન બંનેનો પરાજય નક્કી છે. આ યુદ્ઘમાં અમેરિકા ભારતને સાથ આપશે.

અત્યાર અગાઉ મનીજાની કોરોના વાઇરસ વિશેની આગાહી સાચી પડી હતી. તેણે કહ્યું હતું કે ૨૦૨૦થી ખંડ પ્રલયયુગ શરૂ થયો હતો. આગામી દસ વર્ષ આખી દુનિયા માટે નકારાત્મક પરિણામો લાવનારાં નીવડશે. ખાસ કરીને ૨૦૨૬ સુધી કુદરતી આપત્તિઓ, યુદ્ઘો અને સરહદી વિવાદો કેન્દ્રમાં રહેશે.

મનીજાએ વધુમાં કહ્યું હતું કે સૌથી વધુ ખરાબ સમય ચીન માટે છે. ચીને આગામી દસ વર્ષ વિપરિત પરિસ્થિતિઓનો સામનો કરવાની ફરજ પડશે.

એક સવાલના જવાબમાં તેમણે કહ્યું હતું ૨૦૨૨માં ભારત પાકિસ્તાન પાસેથી તેના કબજા હેઠળનું કશ્મીર પાછું મેળવી લેશે. તેણે એવી પણ આગાહી કરી હતી કે અમેરિકાની ચૂંટણીમાં ડોનાલ્ડ ટ્રમ્પનો વિજય સો ટકા નિશ્યિત છે. ટ્રમ્પ કાયમ ભારતની સાથે દોસ્તી નીભાવશે.

(3:36 pm IST)
  • 26 થી 29 ઓક્ટોબર દરમિયાન દિલ્હીમાં આર્મી કમાન્ડર્સની કોન્ફરન્સ યોજાશે access_time 10:07 pm IST

  • પીએસઆઇ શ્વેતા જાડેજાના જામીન હાઇકોર્ટે મંજૂર કર્યા : પીએસઆઇ શ્વેતા જાડેજાના જામીન હાઇકોર્ટે મંજૂર કર્યાનું જાણવા મળે છે. સત્તાવાર વિગતો મેળવાઇ રહી છે. મળતી વિગતો મુજબ એક મોટી કંપનીના અધિકારી ઉપર બળાત્કારનો આરોપ હતો તેની પાસેથી લાખોની રકમ લઈ આંગડીયા મારફત પોતાના બનેવીને જામજોધપુર મોકલવાનો આરોપ હતો. એડવોકેટ વિરાટ પોપટે દલીલ કરી હતી. access_time 5:03 pm IST

  • દેશમાં કોરોના ધીમો પડ્યો : નવા કેસની સંખ્યામાં એકધારો ઘટાડો : નવા કેસ કરતા સ્વસ્થ થનારની સંખ્યામાં છેલ્લા કેટલાય દિવસોથી સતત વધારો:રાત્રે 12 વાગ્યા સુધીમાં કોરોનાના નવા 35,932 કેસ નોંધાયા:કુલ કેસનો આંકડો 79,45,777 થયો :એક્ટીવ કેસ ઘટીને 6,26,220 થયા:વધુ 63,572 દર્દીઓ સ્વસ્થ થતા કુલ 71,98,660 રિકવર થયા :વધુ 482 લોકોના મોત સાથે કુલ મૃત્યુઆંક 1,19,534 થયો access_time 12:50 am IST