Gujarati News

Gujarati News

News of Sunday, 25th October 2020

IPL -2020 : રોયલ ચેલન્જર્સ બેંગલુરુને 8 વિકેટથી ચેન્નાઈએ હરાવ્યું :સતત ત્રણ મેચમાં હાર બાદ જીત

ફાફ ડુપ્લેસિસ અને ઋતુરાજ ગાયકવાડની જોડીએ 46 રન બનાવ્યા.: સેમ કુર્રેને 3, દીપક ચાહરે 2 અને મિશેલ સેન્ટનરે 1 વિકેટ ઝડપી

મુંબઈ : IPLની 13મી સિઝનની 44મી મેચમાં ચૈન્નઈ સુપર કિગ્ઝે જીત મેળવી છે. રવિવારે ચેન્નઈએ રોયલ ચેલન્જર્સ બેંગલુરુને 8 વિકેટથી પરાજય આપ્યો છે  બેંગલુરુના 146 રનના લક્ષ્‍યનો પીછો કરવા ઉતરેલી ચૈન્નઈની ટીમે 18.4 ઓવરમાં 2 વિકેટ ગુમાવીને 150 રન બનાવી જીત હાંસલ કરી લીધી.

12 મેચોમાં 8 પોઈન્ટ સાથે ચૈન્નઈ હજુ પણ પોઈન્ટ ટેબલમાં સૌથી નીચે છે. ટીમ પાસે હવે બે મેચ બચી છે. જેને જીતીને પણ તેના 12 પોઈન્ટ જ રહેશે. બીજી તરફ બેંગલુરુની આ 11 મેચોમાં ચોથી હાર છે અને તે પોઈન્ટ ટેબલમાં 14 પોઈન્ટ સાથે ત્રીજા ક્રમે છે.

146 રનનો પીછો કરવા ઉતરેલી ચૈન્નઈ માટે ફાફ ડુપ્લેસિસ અને ઋતુરાજ ગાયકવાડની જોડીએ 46 રન બનાવ્યા. ડુપ્લેસિસ 25 રન, અંબાતિ રાયડૂએ 39 રન, જે બાદ ગાયકવાડે અણનમ 65 રન અને ધોનીએ અણનમ 19 કર્યાં જેના દમ પર ટીમ જીત સુધી પહોંચી. બેંગલુરુ તરફથી ક્રિસ મોરિસ અને યૂઝવેંદ્ર ચહલે 1-1 વિકેટ ઝડપી હતી

ટૉસ જીતીને બેટિંગ માટે ઉતરેલી બેંગલુરુની ટીમ તરફથી કોહલીએ(50) 43 બોલમાં એક ચોગ્ગ અને એક છગ્ગાની મદદથી અર્ધીસદી ફટકારી, એ સિવાય એબી ડી વિલિયર્સે 39 રન અને દેવદત્ત પદિકકલે 22 રન કર્યા.બેંગલુરુ 145/6 રન બનાવી શકી. ચૈન્નઈ તરફથી સેમ કુર્રેને 3, દીપક ચાહરે 2 અને મિશેલ સેન્ટનરે 1 વિકેટ ઝડપી.

બેંગલુરુનો સ્કોર 15મી ઓવરમાં ત્રણ ડિઝિટમાં પહોંચી ગયો. કોહલીએ છેલ્લી ઓવરમાં જાડેજાની ઈનિંગનો બીજો છગ્ગો લગાવ્યો. આ IPLમાં તેમનો 200મો છગ્ગો છે. તેઓ આ ઉપલબ્ધી હાંસલ કરનારા પાંચમાં બેટ્સમેન છે. આ યાદીમાં ક્રિસ ગેલ 336 છગ્ગા સાથે પ્રથમ ક્રમે છે.

(8:20 pm IST)
  • ઝારખંડ : પિકનિક મનાવવા નીકળેલા અને બાગમુંડા ધોધ પર ગયેલા ૭, ૧૧, ૧૬ વર્ષના ત્રણ બાળકો નદીના તીવ્ર પ્રવાહમાં તણાય ગયા, બેના મૃતદેહ મળ્યા: કિશોરીની શોધ ચાલુ.. access_time 10:02 pm IST

  • નરેન્દ્રભાઈ મોદી વિડીયો કોન્ફરન્સ દ્વારા મંગળવારે તકેદારી અને ભ્રષ્ટાચાર વિરોધી રાષ્ટ્રીય પરિષદનું ઉદઘાટન કરશે. access_time 10:08 pm IST

  • દેશમાં કોરોનાના કેસની સંખ્યા 79 લાખને પાર પહોંચી : જોકે નવા કેસ કરતા સ્વસ્થ થનારની સંખ્યામાં છેલ્લા કેટલાય દિવસોથી સતત વધારો:રાત્રે 11 વાગ્યા સુધીમાં કોરોનાના નવા 45,064 કેસ નોંધાયા:કુલ કેસનો આંકડો 79,09,049 થયો :એક્ટીવ કેસ ઘટીને 6,54,686 થયા:વધુ 58,179 દર્દીઓ સ્વસ્થ થતા કુલ 71,33,993 રિકવર થયા :વધુ 460 લોકોના મોત સાથે કુલ મૃત્યુઆંક 1,19,030 થયો access_time 12:03 am IST