Gujarati News

ન્યુદિલ્હી : ચૂંટણી પહેલાં રાજકીય પક્ષો દ્વારા પ્રજાના નાણાંમાંથી મફત વસ્તુઓ આપવાનો પ્રચાર કરવો તે બાબત ગંભીર મુદ્દો હોવાનું જણાવી સુપ્રીમ કોર્ટમાં કરાયેલી જાહેર હિતની અરજીના અનુસંધાને નામદાર કોર્ટે કેન્દ્ર સરકાર તથા ચૂંટણી પંચને નોટિસ પાઠવી ખુલાસો માંગ્યો છે.

સુપ્રીમ કોર્ટ સમક્ષની અરજીમાં પ્રજાના નાણાંમાંથી મફત વસ્તુઓ આપવાનો  પ્રચાર કરતા રાજકીય પક્ષોની માન્યતા રદ કરવા રજુઆત કરાઈ  હતી.

સુપ્રીમ કોર્ટે આજરોજ મંગળવારે કેન્દ્ર સરકાર અને ભારતના ચૂંટણી પંચને ચૂંટણી ચિહ્ન જપ્ત કરવા અને રાજકીય પક્ષોની નોંધણી રદ કરવા માટે નિર્દેશોની માંગ કરતી અરજી પર કેન્દ્ર સરકાર અને ભારતના ચૂંટણી પંચને નોટિસ જારી કરી છે, જેઓ ચૂંટણી પહેલાં જાહેર ભંડોળનો ઉપયોગ કરીને મફતનું વચન / વિતરણ કરે છે.

અરજદાર, બીજેપી નેતા અશ્વિની કુમાર ઉપાધ્યાયે પણ આ અંગે કાયદો ઘડવા માટે કેન્દ્ર સરકારને નિર્દેશ જારી કરવાની માંગ કરી હતી. જેના અનુસંધાને ચીફ જસ્ટિસ ઓફ ઈન્ડિયા (CJI) એનવી રમના અને જસ્ટિસ એએસ બોપન્ના અને હિમા કોહલીની બેન્ચે કહ્યું હતું કે આ અરજી ગંભીર મુદ્દો ઉઠાવે છે. ભલે તે ભ્રષ્ટ પ્રથા નથી પરંતુ તે અસમાન રમતનું ક્ષેત્ર બનાવે છે તેવી CJI એ ટિપ્પણી કરી હતી.

જો કે, ખંડપીઠે એ પણ ધ્યાન દોર્યું કે કેવી રીતે અરજદારે પિટિશનમાં પક્ષો અને રાજ્યોનું નામ કેવી રીતે પસંદ કર્યું હતું. CJIએ કહ્યું, "તમે એફિડેવિટમાં માત્ર બે જ નામ આપ્યા છે."

"તમે તમારા અભિગમમાં અમુક પક્ષોની જ પસંદગી કરી છે. તેવી જસ્ટિસ કોહલીએ ટિપ્પણી કરી હતી.
 

તેમ છતાં અદાલતે અરજીમાં ઉઠાવેલા કાયદાકીય મુદ્દાને ધ્યાનમાં રાખીને નોટિસ જારી કરવાની કાર્યવાહી કરી હતી.તેવું બી.એન્ડ બી.દ્વારા જાણવા મળે છે.