Gujarati News

Gujarati News

News of Sunday, 24th January 2021

પશ્ચિમ બંગાળમાં નેતાજી સુભાષચંદ્ર બોઝની જન્મજયંતિ ઉજવણી પ્રસંગે ‘જયશ્રી રામ’ના નારા લાગતા ટીમએસીના સાંસદ નૂસરતા જહાને તકલીફ પડી : કહ્યું સરકારી કાર્યક્રમમાં આવા નારા ન લાગવા જાઇએ

નવી દિલ્હી: પશ્ચિમ બંગાળની રાજધાની કોલકાતામાં મુખ્યમંત્રી મમતા બેનર્જીના સત્તાવાર કાર્યક્રમમાં જયશ્રી રામના નારા લગાવવામાં આવ્યા હતા. આના પર ટીમએસીના સાંસદ નુસરતા જહાં ખૂબ ગુસ્સે થયા અને તેણે પોતાનો ગુસ્સો ટ્વિટર પર બહાર કાઢ્યો તેમણે સૂત્રોચ્ચાર કરનાર અને વિપક્ષી પાર્ટીઓ ઉપર પણ કટાક્ષ કર્યો હતો. તેમણે સરકારી કાર્યક્રમમાં રાજકીય અને ધાર્મિક નારાઓની ટીકા કરી હતી. આ સરકારી કાર્યક્રમ નેતાજી શુભાષચંદ્ર બોઝની 125 મી જન્મ જયંતિની ઉજવણી માટે યોજવામાં આવ્યો હતો.

નુસરત જહાંએ પોતાના ટ્વિટમાં લખ્યું છે કે, "રામનું નામ ગળે લગાડીને બોલો નહી કે ગળું દબાવીને. હું સ્વતંત્રતા સેનાની નેતાજી સુભાષચંદ્ર બોઝની 125 મી જન્મજયંતિની ઉજવણી માટે સરકારી કાર્યક્રમમાં રાજકીય અને ધાર્મિક સૂત્રોચ્ચારની કડક ટીકા કરું છું."

એક દિવસ પહેલા જ દેશભરમાં નેતાજી સુભાષચંદ્ર બોઝની 125 મી જન્મજયંતિની ઉજવણી કરવામાં આવી હતી. આવી સ્થિતિમાં પશ્ચિમ બંગાળની રાજધાની કોલકાતાના વિક્ટોરિયા મેમોરિયલમાં પણ એક કાર્યક્રમ યોજવામાં આવ્યો હતો. આ કાર્યક્રમમાં વડા પ્રધાન નરેન્દ્ર મોદી અને મુખ્યમંત્રી મમતા બેનર્જી પણ હાજર રહ્યા હતા. મમતા બેનર્જી ભાષણ આપવા માઇક પાસે ગયા ત્યારે, કાર્યક્રમમાં કેટલાક લોકોએ જય શ્રી રામ અને ભારત માતાના નારા લગાવવાનું શરૂ કર્યું.

(12:25 pm IST)
  • અક્ષયકુમારે જાહેર કર્યો 'બચ્ચન પાંડે'નો લુકઃ ર૬ જાન્યુઆરી ર૦રર માં રીલીઝ થશે access_time 3:16 pm IST

  • ગુજરાતમાં કોંગ્રેસના ઓબ્ઝર્વર તરીકે છત્તીસગઢના ગૃહમંત્રીની નિમણૂંક : છત્તીસગઢના હોમ મિનિસ્ટર તામ્રધ્વજસિંહની ગુજરાતના ઓબ્ઝર્વર તરીકે કોંગ્રેસ નેતાગીરીએ નિમણૂક કરી છે access_time 5:04 pm IST

  • દેશમાં કોરોના થાક્યો:નવા કેસ કરતા સ્વસ્થ થનારની સંખ્યામાં વધારો:એક્ટિવ કેસના આંકમાં સતત ઘટાડો : રાત્રે 11 વાગ્યા સુધીમાં કોરોનાના નવા 12,914 કેસ નોંધાયા :કુલ કેસની સંખ્યા 1,06,68,356 થઇ :એક્ટિવ કેસ 1,81,673 થયા: વધુ 13,162 દર્દીઓ સ્વસ્થ થતા કુલ 1,03, 28,738 થયા :વધુ 126 લોકોના મોત સાથે કુલ મૃત્યુઆંક 1,53,503 થયા access_time 11:57 pm IST