Gujarati News

Gujarati News

News of Sunday, 24th January 2021

બજેટ પહેલા નાણા મંત્રાલયમાં હલવા સેરેમની : કોરોના મહામારીના કારણે પેપરલેસ બજેટ

હલવા સેરેમની પછી બજેટની ડિજિટલ પ્રક્રિયા શરૂ

નવી દિલ્હી : કોરોના મહામારી વચ્ચે 29 જાન્યુઆરીએ બજેટ સત્ર શરૂ થશે,જેને લઈને હંમેશાની જેમ નાણામંત્રાલયમાં હલવા સેરેમનીનું આયોજન થયું. પોતે નાણામંત્રી નિર્મલા સીતારમણે હલવો વહેંચીને હલવા સેરેમની કાર્યક્રમનો શુભારંભ કર્યો. જે પછી નાણામંત્રી 1 ફેબ્રુઆરીએ બજેટ રજૂ કરશે

દર વર્ષે બજેટ રજૂ થવાના કેટલાક દિવસ પહેલા હલવા સેરેમની થાય છે, તે પછી બજેટ પેપર છપાવવાના શરૂ થાય છે. જોકે, આ વખતે કહેવામાં આવ્યું છે કે, કોરોના મહામારીના કારણે આખું બજેટ પેપરલેસ હશે. તો હલવા સેરેમની પછી બજેટની ડિજિટલ પ્રક્રિયા શરૂ થઈ જશે

હલવા સેરેમની પછી  નાણામંત્રાલયના પસંદગીના અધિકારી બજેટ બનાવવામાં લાગી જાય છે. જે કોમ્પ્યુટર પર આ બજેટ ટાઈપ થાય છે, તે બધી જ રીતે સુરક્ષિત હોય છે અને તેમાંથી બીજા કોઈપણ કોમ્પ્યુટરમાં ડેટા ટ્રાન્સફર થઈ શકે નહીં.

(12:00 am IST)
  • અમેરિકન બ્રોડકાસ્ટિંગ લિજેન્ડ લેરી કિંગનું લોસ એન્જલસમાં સીડર-સિનાઈ મેડિકલ સેન્ટરમાં નિધન થયું છે. અહેવાલ મુજબ તેઓને COVID19 પોઝિટિવ આવતા હોસ્પિટલમાં દાખલ કરાયા હતા. તેઓ 87 વર્ષના હતા. access_time 7:03 pm IST

  • મહારાષ્ટ્ર: નાસિકની છાવણીથી મુંબઇના આઝાદ મેદાનમાં પહોંચ્યા ખેડૂતો : તેઓ દિલ્હીની સરહદ પર ત્રણ કૃષિ કાયદાઓ વિરુદ્ધ આંદોલન કરનારા ખેડૂતોના સમર્થનમાં નાસિકથી મુંબઇ સુધી કૂચ કરી છે. access_time 9:44 pm IST

  • દિલ્હી એરપોર્ટ ઉપરથી કરોડોનું હેરોઈન ઝડપાયું: કરોડો રૂપિયાની કિંમતના ૯.૮ કિલો હેરોઇનના જથ્થા સાથે યુગાન્ડાના બે નાગરિકો દિલ્હી એરપોર્ટ થી ઝડપાઈ ગયા છે. access_time 4:44 pm IST