Gujarati News

Gujarati News

News of Monday, 23rd May 2022

નવી ઉપાધી : ભારતમાં કોરોનાનું BA.4 બાદ BA.5 વેરિઅન્ટ મળ્યું : તંત્ર એલર્ટ

જીનોમ સિક્વન્સિંગ માટે આરોગ્ય મંત્રાલય દ્વારા ઓળખવામાં આવેલી પ્રયોગશાળાઓની સંસ્થા INSACOGએ આની પુષ્ટિ કરી

નવી દિલ્હી : દેશમાં હાલ કોરોનાના કેસમાં ઘટાડો થઇ રહ્યો છે, ત્યારે એક ચોંકાવનારા સમાચાર સામે આવ્યા છે જે ચિંતાજનક છે, ભારતમાં કોરોના BA.5 વેરિઅન્ટ મળી આવતા ખળભળાટ મચી જવા પામ્યો છે.ભારતમાં કોરોનાના BA.4 વેરિઅન્ટ બાદ હવે BA.5 વેરિઅન્ટ મળવાના સમાચાર સામે આવ્યા છે. જીનોમ સિક્વન્સિંગ માટે આરોગ્ય મંત્રાલય દ્વારા ઓળખવામાં આવેલી પ્રયોગશાળાઓની સંસ્થા INSACOGએ રવિવારે આની પુષ્ટિ કરી હતી. કન્સોર્ટિયમે એક નિવેદન જારી કરીને કહ્યું કે તમિલનાડુની એક 19 વર્ષની છોકરી કોરોનાના BA.4 વેરિઅન્ટથી સંક્રમિત મળી આવી છે. દર્દીમાં હળવા લક્ષણો જોવા મળ્યા હતા અને તેને કોરોના રસીના બંને ડોઝ મળ્યા છે. અગાઉ દક્ષિણ આફ્રિકાથી પરત ફરી રહેલા હૈદરાબાદનો એક વ્યક્તિ પણ આ જ પ્રકારથી સંક્રમિત જોવા મળ્યો હતો.

ઇન્સાકોગનું કહેવું છે કે હવે કોરોનાના BA.5 વેરિઅન્ટનો એક કેસ પણ સામે આવ્યો છે. આ મામલો તેલંગાણાનો છે. BA.5 થી સંક્રમિત દર્દીમાં હળવા લક્ષણો પણ જોવા મળ્યા છે અને તેને પણ રસીના બંને ડોઝ મળ્યા છે. દર્દીની ટ્રાવેલ હિસ્ટ્રી હોતી નથી. કન્સોર્ટિયમે કહ્યું કે દર્દીઓ મળ્યા પછી સાવચેતીના પગલા તરીકે સંપર્ક ટ્રેસિંગ શરૂ કરવામાં આવ્યું છે

(10:31 pm IST)