Gujarati News

Gujarati News

News of Saturday, 23rd January 2021

શપથગ્રહણ સમારોહની સુરક્ષામાં ચુક

બાયડનના કાર્યક્રમમાં હાજર રહેલા ૧૫૦થી વધુ જવાનોને કોરોના પોઝિટિવ

વોશિંગ્ટન તા. ૨૩ : જો બાયડનના શપથ ગ્રહણ સમારોહમાં સુરક્ષાના સૈનિકો પર મોટી આફત આવી છે. આ સમારોહમાં તૈનાત ૧૫૦થી વધુ સૈનિકો કોરોના પોઝિટિવ આવ્યા છે.

રાષ્ટ્રપતિ જો બાયડનનો શપથ ગ્રહણ સમારોહ ૨૦ જાન્યુઆરીએ યોજાયો હતો. આ સમયે તેમની સુરક્ષા માટે મોટી સંખ્યામાં જવાનો તૈનાત કરાયા હતા. આ શપથ ગ્રહણ સમારહો બાદ નેશનલ ગાર્ડના લગભગ ૧૫૦થી વધારે જવાનો કોરોના પોઝિટિવ આવ્યા છે જેના કારણે અમેરિકામાં ખળભળાટ મચ્યો છે.

સંયુકત રાજય અમેરિકાના નવા રાષ્ટ્રપતિ જો બાયડને પદ સંભાળતા જ કોરોના વાયરસને લાઈને કાર્યવાહી કડક કરી છે અને સાથે માસ્ક પહેરવાના નિયમોને પણ કડક કર્યા છે. આ સાથે વિદેશથી આવનારા લોકોનો કવોરન્ટાઈન કરવાના પણ આદેશ આપ્યા છે.

વ્હાઈટ હાઉસમાં ૧૦ કાર્યકારી આદેશો પર હસ્તાક્ષર કરતાં બાયડને કહ્યું કે દેશમાં કોરોનાથી થતા મોતનો આંત આવતા મહિને ૫ લાખ સુધી પહોંચી શકે છે. તેઓએ આ સ્થિતિથી બચવા માટે પ્રભાવી નિર્ણય લેવો જરૂરી છે. તેઓએ કહ્યું કે દેશ અત્યારે આપાતકાલમાં છે અને આપણે તેની સામે લડવાનું છે. જનતા તેમની પર ભરોસો રાખે જે તેઓએ ટ્રમ્પ શાસનમાં ખોવી દીધો હતો.

વ્હાઈટ હાઉસના નવા કોરોના કો ઓર્ડિનેટર જેફ જોઈન્ટ્સને ટ્ર્મ્પ પ્રશાસન પર મોટી ભૂલો કરવા અને તેમને સુધારવાનો આરોપ લગાવ્યો છે. અનેક સ્થિતિઓ વિરાસતમાં મળી છે જે ખરાબ સ્થિતિમાં છે જેની લોકોએ કલ્પના પણ નહીં કરી હોય.

(10:15 am IST)
  • નાંદોદ ના રીગણી પાસે હાઈવા ટ્રકે બાઈક સવાર GRD જવાનને અડફ્ટમાં લેતા ઘટના સ્થળે જ મોત access_time 12:58 am IST

  • કોરોના કેસોમાં, દેશમાં કેરળ અને મહારાષ્ટ્ર સતત ટોચ ઉપર : છેલ્લા ૨૪ કલાકમાં કેરળમાં ૭ હજાર આસપાસ અને મહારાષ્ટ્રમાં ૩૦૦૦ આસપાસ નવા કોરોના કેસ નોંધાયા : આસામમાં સૌથી ઓછા ૧૭, હિમાચલમાં ૪૧, ગોવામાં ૭૦, ઝારખંડ ૭૫, જમ્મુ અને કાશ્મીર ૮૮, ઉત્તરાખંડ ૧૧૦ કેસ નોંધાયા છે : ૪૫૧ નવા કેસ સાથે દેશભરમાં ગુજરાત છઠ્ઠા નંબરે access_time 11:33 am IST

  • દેશમાં કોરોના થાક્યો:નવા કેસ કરતા સ્વસ્થ થનારની સંખ્યામાં વધારો : એક્ટિવ કેસના આંકમાં સતત ઘટાડો : રાત્રે 11-30 વાગ્યા સુધીમાં કોરોનાના નવા 14,246 કેસ નોંધાયા :કુલ કેસની સંખ્યા 1,06,40,669 થઇ :એક્ટિવ કેસ 1,82,891 થયા: વધુ 17,034 દર્દીઓ સ્વસ્થ થતા કુલ 1,02,99,931 થયા :વધુ 151 લોકોના મોત સાથે કુલ મૃત્યુઆંક 1,53,218 થયા access_time 1:07 am IST