Gujarati News

Gujarati News

News of Sunday, 22nd November 2020

રાજસ્થાન : ૮ જિલ્લામાં પણ આજથી રાત્રિ કર્ફ્યુ

સાંજે ૭ વાગ્યે બજાર બંધ કરી દેવાશે

જયપુર, તા. ૨૨ : રાજસ્થાનમાં કોરોના સંક્રમણ વધી રહ્યું છે, આવામાં સૌથી વધુ પ્રભાવિત આઠ જિલ્લાઓમાં આજથી રાત્રિ કર્ફ્યુ લાદવામાં આવશે. સાથે જ આ આઠેય જિલ્લાઓમાં સાંજે ૭ વાગ્યે બજાર બંધ કરી દેવાશે. જ્યારે રાતના ૮થી સવારના ૬ વાગ્યા સુધી કર્ફ્યુ રહેશે.

રાજસ્થાનના જયપુર, બીકાનેર, ઉદયપુર, અજમેર , કોટા, અલવર અને ભીલવાડામાં રાત્રિ કર્ફ્યુ લાદવામાં આવશે. ખાસ વાત એ છે કે, લગ્નમાં જતાં લોકો માટે નાઇટ કર્ફ્યુની છૂટ રહેશે. સરકારે શનિવારે મોડી રાતે નવી ગાઇડલાઇન જાહેર કરી હતી. સાથે જ સરકારે માસ્ક ન પહેરનારની દંડની રકમ ૨૦૦થી વધારીને ૫૦૦ રૂપિયા કરી દીધી છે. જ્યારે નાઇટ કર્ફ્યુ દરમિયાન દવાની દુકાનો, બસ, ટ્રેન અને હવાઇ મુસાફરી કરનાર સહિતની જરૂરી સેવાઓને નાઇટ કર્ફ્યુમાં છૂટ આપવામાં આવશે.

નવી ગાઇડલાઇન પ્રમાણે પ્રભાવિત આઠ જિલ્લાઓમાં ૧૦૦થી વધુ કર્મચારીવાળી સરકારી અને ખાનગી ઓફસોમાં ૭૫ ટકા કર્ચમારીઓને જ બોલાવી શકાશે. રોટેશન પ્રમાણે ૨૫ ટકા ઘરેથી જ કામ કરશે. ઉલ્લેખનીય છે કે, રાજસ્થાનમાં શનિવારે ૩ હજાર કેસ સામે આવ્યા હતા.

(7:49 pm IST)
  • દેશમાં કોરોનાનો કહેર યથાવત : કુલ કેસનો આંકડો 91 લાખને પાર પહોંચ્યો : રાત્રે 11 વાગ્યા સુધીમાં કોરોનાના નવા 43,652 કેસ નોંધાયા :કુલ કેસનો આંકડો 91,39,560 થયો :એક્ટીવ કેસ ઘટીને 4,43,125 થયા:વધુ 40, 586 દર્દીઓ સ્વસ્થ થતા કુલ 85,60,625 રિકવર થયા :વધુ 487 લોકોના મોત સાથે કુલ મૃત્યુઆંક 1,33,750 થયો access_time 12:06 am IST

  • રાજસ્થાનમાં માસ્ક નહીં પહેરો તો હવે ૫૦૦નો દંડ : 9 જિલ્લામાં કફર્યુ : કોરોના કેસોનો રાફડો ફાટતા રાજસ્થાન કેબિનેટે 8 જિલ્લામાં નાઇટ કર્ફ્યુ લાદવાનો નિર્ણય કર્યો છે અને ફેસ માસ્ક ન પહેરવા પર દંડની રકમ 200 રૂપિયાથી વધારીને 500 કરી દીધી છે. રાજસ્થાનમાં પણ અચાનક કોરોના હાહાકાર વર્તાવી રહેલ છે. access_time 3:23 pm IST

  • અરવલ્લી જિલ્લાનું ધનસુરા 48 કલાકમાં 30થી વધુ કેસ આવતા 23 નવેમ્બર સુધી જનતા કરફયુ : આજથી સજ્જડ બંધ રહેશે access_time 11:20 pm IST