Gujarati News

Gujarati News

News of Sunday, 22nd November 2020

વોટ્સએપમાં નવી સુવિધાઃ 'ડિસઅપીયરિંગ મેસેજીસ' ફીચર ઉમેરાયું

ફોન કે લેપટોપ કે ડેસ્કટોપ વર્ઝનના વોટ્સએપમાંથી સાત દિવસ પછી તમામ મેસેજીસ આપોઆપ ડિલીટ થઈ જશે.

મુંબઈઃ દુનિયાભરમાં પોતાના બે અબજથી વધારે યુઝર્સ માટે 'ડિસઅપીયરિંગ મેસેજીસ' સુવિધા લાગુ કરવાની વોટ્સએપે જે જાહેરાત કરી હતી તે હવે સત્તાવાર છે અને તે આ જ મહિનાથી યુઝર્સને લાગુ થઈ છે. આ ફીચર અનુસાર યુઝર્સના ફોન કે લેપટોપ કે ડેસ્કટોપ વર્ઝનના વોટ્સએપમાંથી સાત દિવસ પછી તમામ મેસેજીસ આપોઆપ ડિલીટ થઈ જશે. જોકે ડિવાઈસમાં ડાઉનલોડ કરેલી ફાઈલ્સ-સામગ્રી સેવ થયેલી રહેશે. આ સુવિધાને કારણે પ્રત્યેક ચેટમાં પ્રત્યેક મેસેજને જાતે ડિલીટ કરવા પાછળ ખર્ચાતો સમય ઘણો બચી જશે.

મેસેજિસ, તસવીરો, વિડિયો, ડોક્યુમેન્ટ સહિતની સામગ્રી સાત દિવસ પછી આપોઆપ ડિલીટ થાય એ પહેલાં યુઝર્સે પોતાની રીતે એને સેવ કરી લેવાની રહેશે. આ ફીચર એન્ડ્રોઈડ, આઈઓએસ અને લાઈનક્સ-બેઝ્ડ કેઈઓએસ ડિવાઈસીઝ સહિત તમામ વોટ્સએફ-સપોર્ટેડ ડિવાઈસીઝ પર આ ઉપલબ્ધ છે.

ફેસબુકની માલિકીની મેસેજિંગ એપ વોટ્સએપમાં વ્યક્તિગત તેમજ ગ્રુપ ચેટ્સ માટે આ નવું ફીચર ઉપલબ્ધ છે. ગ્રુપ ચેટ્સમાં ગ્રુપ એડમિન્સે આ ફીચરને એનેબલ કરવાનું રહેશે. એ સાથે જ મેસેજીસ સાત દિવસ બાદ ડિલીટ થતા રહેશે. જે મેસેજને જાળવવો હોય એનો સ્ક્રીનશોટ લઈ લેવો અથવા મેસેજને કોપી કરી લેવા. અથવા તમે ઓટો-ડાઉનલોડને ટર્ન-ઓન કરીને પણ ફોટા કે અન્ય સામગ્રીને સેવ કરી શકો છો. તમે WhatsApp Settings > Data and Storage Usage માં જઈને ઓટો-ડાઉનલોડને ઓફ્ફ પણ કરી શકો છો. આ નવા ફીચરને પગલે યુઝર્સના આ પહેલાના મેળવેલા કે મોકલેલા મેસેજીસને કોઈ અસર નહીં થાય

(5:59 pm IST)
  • ટ્વિટર ઉપર આરબીઆઇના દસ લાખ ફોલોઅર થયા: રિઝર્વ બેંક ઓફ ઇન્ડિયા હવે 1 મિલિયન ટ્વિટર ફોલોઅર્સ સુધી પહોંચી ચુકી છે; વૈશ્વિક સ્તરે આ માઇલસ્ટોન ઉપર પહોંચનાર રિઝર્વ બેન્ક ઓફ ઇન્ડિયા પ્રથમ સેન્ટ્રલ બેંક બની છે. access_time 4:57 pm IST

  • દેશમાં કોરોનાનો કહેર યથાવત : કુલ કેસનો આંકડો 91 લાખને પાર પહોંચ્યો : રાત્રે 11 વાગ્યા સુધીમાં કોરોનાના નવા 43,652 કેસ નોંધાયા :કુલ કેસનો આંકડો 91,39,560 થયો :એક્ટીવ કેસ ઘટીને 4,43,125 થયા:વધુ 40, 586 દર્દીઓ સ્વસ્થ થતા કુલ 85,60,625 રિકવર થયા :વધુ 487 લોકોના મોત સાથે કુલ મૃત્યુઆંક 1,33,750 થયો access_time 12:06 am IST

  • કાઠમંડુમાં ચીન વિરોધી દેખાવો શરૂ થયા : નેપાળના પાટનગર કાઠમંડુથી અહેવાલો મળી રહ્યા છે કે કાઠમંડુમાં ચિન વિરોધી જોરદાર દેખાવો શરૂ થઈ ગયા છે. ચાઈનાએ નેપાળની સરહદે સંખ્યાબંધ જિલ્લાઓમાં જમીનો ઉપર દબાણ કર્યું છે તેના વિરોધમાં આ દેખાવો સર્જાયાનું જાણવા મળે છે.(ફાઇલ તસ્વીર) access_time 10:39 am IST