Gujarati News

Gujarati News

News of Sunday, 22nd November 2020

ભારત સાથે શાંતિ ની વાતો કરી મિટિંગો કરતા કરતા ચીન સરહદ પર યુદ્ધ માટે જરૂરી ઇનફાષ્ટ્રક્ચર તૈયાર કરી રહ્યું છે : ભારતીય સૈના સતર્ક

નવી દિલ્‍હી :  ભારત સાથે શાંતિ ની વાતો કરી મિટિંગો કરતા કરતા ચીન રમત રમી રહ્યું છે અને યુદ્ધ માટે જરૂરી ઇનફાષ્ટ્રક્ચર તૈયાર કરી રહ્યું છે

    હાલ ચીન 3,488 કિલોમીટર લાંબા લાઈન ઓફ એક્ચ્યુઅલ કંટ્રોલ ઉપર રડાર લગાડી રહ્યું છે જેથી ભારત ઉપર નજર રાખી શકાય.

    અત્રે ઉલ્લેખનીય છે કે ભારત અને ચીન વચ્ચે પૂર્વી લદ્દાખમાં મે મહિનાથી તણાવ જોવા મળી રહ્યો છે. બંને દેશ આ વિવાદને ઉકેલવા માટે મિલિટ્રી અને ડિપ્લોમેટ લેવલ પર મીટિંગ કરી રહ્યું છે અને બંને દેશની સેના વચ્ચે કોર કમાન્ડર લેવલ પર અત્યાર સુધી માં કુલ આઠ વખત વાતચીત થઈ ચુકી છે અને હવે નવમા તબક્કાની વાતચીત પણ ટૂંક સમયમાં જ થવાની છે. બંને દેશો વચ્ચે આ વાતચીત ફોરવર્ડ એરિયાથી પોતાના સૈનિકોને હટાવવાની અને શાંતિ કાયમ રાખવાને લઈને થઈ રહી છે છતાં ચીન તેનું કાર્ય મક્કમ રીતે કરી રહ્યુ છે અને ચીને યેચેંગમાં એક ઈમારત અને એક વોચ ટાવર બનાવ્યા હોવા ઉપરાંત અહીં રડારની સંખ્યા પણ ત્રણથી વધીને ચાર થઈ ગઈ છે.

    સિક્કિમની પાસે પાલી અને ફારી ક્યારેંગ લામાં પણ રડાર લગાડવામાં આવ્યા છે. રડારવાળી જગ્યા ક્યારંગ લાથી બે કિલોમીટર પશ્ચિમમાં છે. અહીં ચાર રડાર લગાડવામાં આવ્યા છે. સૂત્રો દ્વારા મળતી માહિતી મુજબ, ભૂતાનની પાસે યેમદ્રોક ત્સોમાં બુનિયાદી માળખું તૈયાર કરવામાં આવી રહ્યું છે. ત્સોનાના ઉત્તર-પૂર્વમાં લગભગ છ કિલોમીટરના અંતરે કુઓના ઈલેક્ટ્રોનિક વોરફેર સ્ટેશન છે. આ સાઈટમાં ત્રણ રેડોમ્સ, ત્રણ રડાર અને પાંચ સપોર્ટ બિલ્ડિંગ બનાવવામાં આવી છે. ત્સોના ડીઝ હેલી બેઝના 2.6 કિલોમીટર ઉત્તર પશ્ચિમમાં પેટ્રોલિંગની સુવિધામાં બુનિયાદી માળખું તૈયાર કરાયું છે.

    સૂત્રોએ જણાવ્યું કે એક રેડોમ સાઈટ કેચેન ત્સોથી છ કિલોમીટર દક્ષિણ પશ્ચિમમાં છે. ક્યોમો ડીઝ રડાર સાઈટ પર એક બે માળની ઈમારત, એક કંટ્રોલ રૂમ અને એક નાનકડી બિલ્ડિંગ છે. આ તમામ એક દીવાલથી ઘેરાયેલી છે. અહીં JY-24 રડાર લગાડવામાં આવ્યા છે.

(11:47 am IST)
  • મદ્રેસામાંથી ઝડપાયો આતંકવાદી : ઘેરાબંધી કરીને સેનાના જવાનોએ દબોચી લીધો : કેટલીય ગતિવિધિઓમાં સામેલ હોવાનો ખુલાસો :જમ્મુ કશ્મીરના પુલવામાં જિલ્લાના એક મદ્રેસામાંથી આતંકીની ધરપકડ : આતંકીઓ છુપાયો હોવાની બાતમીના આધારે પોલીસે તલાસી અભિયાન ચલાવી ઝડપી લીધો access_time 11:44 pm IST

  • અરવલ્લી જિલ્લાનું ધનસુરા 48 કલાકમાં 30થી વધુ કેસ આવતા 23 નવેમ્બર સુધી જનતા કરફયુ : આજથી સજ્જડ બંધ રહેશે access_time 11:20 pm IST

  • ગાંધીનગર સિવિલને દોઢસો વધુ બેડ ફાળવવામાં આવી : કોવિડ રોગચાળો: ગાંધીનગર સિવિલ હોસ્પિટલમાં આશરે 180 પથારી ઉમેરવામાં આવશે access_time 1:31 pm IST