Gujarati News

Gujarati News

News of Sunday, 22nd November 2020

કોવિડ-19 મહામારી દુનિયાની સામે બીજા વિશ્વ યુદ્ધ બાદ સૌથી મોટો પડકાર અને માનવતાના ઈતિહાસમાં મહત્‍વપૂર્ણ વળાંક : નરેન્દ્રભાઇ મોદી

નવી દિલ્હી:  વડાપ્રધાન નરેન્દ્ર મોદી એ શનિવારે G-20 સંમેલન માં કહ્યું કે કોવિડ-19 મહામારી દુનિયાની સામે બીજા વિશ્વ યુદ્ધ બાદ સૌથી મોટો પડકાર અને માનવતાના ઈતિહાસમાં મહત્પૂર્ણ વળાંક છે. તેઓએ G-20ના પ્રભાવી કામકાજમાં ભારતના ઈર્ન્ફોમેશન ટેક્નોલોજી કૌશલની રજૂઆત કરી. મોદીએ એવું પણ કહ્યું કે કોવિડ બાદની દુનિયામાં ક્યાંયથી પણ કામ કરવું એક નવી સામાન્ય સ્થિતિ છે અને G-20નું એક ડિજિટલ સચિવાલય બનાવવા માટે પણ ભલામણ કરી.

વડાપ્રધાન મોદીએ કોરોના વાયરસ બાદની દુનિયા માટે એક નવા વૈશ્વિક સૂચકાંકના વિકાસની ભલામણ કરી જેમાં ચાર અગત્યના તત્વ- પ્રતિભાઓનો મોટો સમૂહ તૈયાર કરવો, સમાજના દરેક વર્ગ સુધી ટેક્નોલોજીની પહોંચ સુનિશ્ચિત કરવી, શાસન પ્રણાલીમાં પારદર્શિતા લાવવી અને પૃથ્વીને સંરક્ષણની ભાવનાથી જોવી- સામેલ થાય. તેઓએ કહ્યું કે આ આધાર પર G-20 એક નવી દુનિયાનો પાયો નાખી શકે છે. સઉદી અરબના શાહ સલમાને G-20 સંમેલનની શરૂઆત કરી. આ વર્ષે કોરોના વાયરસ મહામારીના કારણે સમૂહના સભ્ય દેશોના વડાઓની બેઠક ડિજિટલ રીતે થઈ રહી છે. ભારત 2022માં G-20 સંમેલનની મેજબાની કરશે.

(11:23 am IST)
  • મદ્રેસામાંથી ઝડપાયો આતંકવાદી : ઘેરાબંધી કરીને સેનાના જવાનોએ દબોચી લીધો : કેટલીય ગતિવિધિઓમાં સામેલ હોવાનો ખુલાસો :જમ્મુ કશ્મીરના પુલવામાં જિલ્લાના એક મદ્રેસામાંથી આતંકીની ધરપકડ : આતંકીઓ છુપાયો હોવાની બાતમીના આધારે પોલીસે તલાસી અભિયાન ચલાવી ઝડપી લીધો access_time 11:44 pm IST

  • દિલ્હીમાં આરટી-પીસીઆર ટેસ્ટની સંખ્યા મોટી માત્રામાં વધારી દેવાઈ : પ્રથમ વખત, દિલ્હીમાં કોરોનાના પરીક્ષણ માટેના આધારભૂત ગણાતા "આરટી-પીસીઆર" ટેસ્ટની સંખ્યા રેપીડ એન્ટિજેન ટેસ્ટની સંખ્યાને વટાવી ગઈ છે. access_time 1:32 pm IST

  • કાઠમંડુમાં ચીન વિરોધી દેખાવો શરૂ થયા : નેપાળના પાટનગર કાઠમંડુથી અહેવાલો મળી રહ્યા છે કે કાઠમંડુમાં ચિન વિરોધી જોરદાર દેખાવો શરૂ થઈ ગયા છે. ચાઈનાએ નેપાળની સરહદે સંખ્યાબંધ જિલ્લાઓમાં જમીનો ઉપર દબાણ કર્યું છે તેના વિરોધમાં આ દેખાવો સર્જાયાનું જાણવા મળે છે.(ફાઇલ તસ્વીર) access_time 10:39 am IST