Gujarati News

Gujarati News

News of Friday, 22nd January 2021

૧૧ કરોડ ૫૦ લાખ ખેડૂતો યોજનાનો લાભ લ્યે છે

પીએમ મોદી કિસાન સમ્માન નીતિ ૬૦૦૦થી વધારી ૯૦૦૦ કરવા વિચારે છે : ૨૦૦૦ને બદલે ૩૦૦૦ મળશે

નવી દિલ્હી તા. ૨૨ : કિસાન આંદોલન વચ્ચે દેશભરના અન્નદાતાઓને બજેટ ૨૦૨૧-૨૨માં એક આશા છે. ખેડૂતોને લાગે છે કે આ વખતે મોદી સરકાર પીએમ કિસાન સમ્માન નિધીની રકમ વધારશે. તેમને આશા છે કે આ બજેટમાં તેમને દર ૪ મહિને મળતી ૨૦૦૦ રૂપિયાની રકમ વધીને ૩૦૦૦ રૂપિયા થઇ જશે. એટલે કે વાર્ષિક રીતે મળતી ૬૦૦૦ રૂપિયાની રકમ ૯૦૦૦ થશે. અત્યાર સુધીમાં આ યોજનાનો લાભ ૧૧.૫૦ કરોડ ખેડૂતો લઇ રહ્યા છે.

એક ફેબ્રુઆરીએ રજૂ થનાર સામાન્ય બજેટમાં મોદી સરકાર શું આ રકમમાં વધારો કરશે ? એ સવાલ લાખો ખેડૂતોના મનમાં છે. કુશીનગરના મથૌલી બજાર ગામમાં પોતાના ખેતરમાં ખાતર છાંટી રહેલ ખેડૂત રાધેશ્યામ કહે છે કે દર ચાર મહિને મળતી ૨૦૦૦ રૂપિયાની રકમથી ઘણી રાહત મળે છે પણ તે અપૂરતી છે. બની શકે કે આ વખતે બજેટમાં તે ૩૦૦૦ રૂપિયા થઇ જાય. તો અન્ય એક ખેડૂત વિરેન્દ્ર પાલ કહે છે કે ખાતર, બિયારણ અને સિંચાઇમાં પહેલા કરતા વધારે ખર્ચ થાય છે. જો મોદી સરકાર ખરેખર ખેડૂતોની આવક બમણી કરવા ઇચ્છતી હોય તો તેણે પીએમ કિસાન સમ્માન નીધિની રકમ પણ સન્માનજનક બનાવવી જોઇએ. પાલને પણ આશા છે કે આ રકમ સરકાર ચોક્કસ વધારશે.

નિષ્ણાંતોનું પણ કહેવું છે કે સરકારે કૃષિ ક્ષેત્રના સમગ્ર વિકાસ માટે આગામી બજેટમાં સ્વદેશી કૃષિ અનુસંધાન, તેલીબીયા ઉત્પાદન અને જૈવિક ખેતી માટે વધારાનું ભંડોળ અને પ્રોત્સાહન આપવું જોઇએ. ઉદ્યોગ સાથે સંકળાયેલા નિષ્ણાંતોએ કહ્યું કે પ્રત્યક્ષ નગદ હસ્તાંતરણ (ડીબીટી) યોજનાનો ઉપયોગ ખેડૂતોને સબસીડી આપવાના બદલે વધારે ને વધારે ટેકો આપવા માટે થવો જોઇએ.

(11:29 am IST)
  • શેલ્ટર હોમમાં ૩ મહિલાની લાજ લૂંટવામાં આવી: છત્તીસગઢમાં બિલાસપુરના એક શેલ્ટર હોમમાં ત્રણ મહિલાઓના યોન શોષણ નો મામલો બહાર આવ્યો છે એફઆઈઆર દાખલ કરવામાં આવી છે access_time 12:15 am IST

  • પંજાબના બે પોલ્ટ્રી ફાર્મમાં બર્ડ ફ્લૂની પુષ્ટિ : 50 હજાર મરઘીઓને મારી નાખવાનું અભિયાન આજ 22 જાન્યુઆરીથી શરૂ : પી.પી.ઈ.કીટ પહેરી જુદી જુદી ટીમો કામગીરી શરૂ કરી દેશે access_time 12:40 pm IST

  • દેશમાં કોરોના હાંફી ગયો :નવા કેસ કરતા સ્વસ્થ થનારની સંખ્યામાં વધારો : એક્ટિવ કેસના આંકમાં સતત ઘટાડો : રાત્રે 11-30 વાગ્યા સુધીમાં કોરોનાના નવા 13,692 કેસ નોંધાયા :કુલ કેસની સંખ્યા 1,06,25,420 થઇ :એક્ટિવ કેસ 1,86,558 થયા: વધુ 16,288 દર્દીઓ સ્વસ્થ થતા કુલ 1,02,81,391 થયા :વધુ 147 લોકોના મોત સાથે કુલ મૃત્યુઆંક 1,53,053 થયા access_time 1:02 am IST