Gujarati News

Gujarati News

News of Monday, 22nd January 2018

૨ લાખથી વધારે લોકોને સરકારે મોકલી નોટીસ

નોટબંધી દરમિયાન ૫૦૦ - ૧૦૦૦ની જૂની કરન્સીમાં લગભગ ૨૦ લાખથી વધારે રકમ જમા કરાવનાર

નવી દિલ્હી તા. ૨૦ : સરકારે લગભગ ૨ લાખ લોકોને ટેકસ નોટિસ મોકલી છે જેમણે નોટબંધી દરમિયાન ૫૦૦-૧૦૦૦ની જૂની કરન્સીમાં લગભગ ૨૦ લાખથી વધારે પૈસા જમા કરાવ્યા હતા, પરંતુ ટેકસ ડિપાર્ટમેન્ટે માંગેલી માહિતીનો હજી કોઈ જવાબ નથી આપ્યો.

એક સીનિયર ઈનકમ ટેકસ ઓફિસરે  જણાવ્યું કે, અમે આ લોકોને ઘણો બધો ટાઈમ આપ્યો અને રાહ જોઈ કે તે રિટર્ન ફાઈલ કરી દે, પરંતુ તેમણે સતત અમારી નોટિસને ઈગ્નોર કરી. માટે અમારે તેમને સર્વિસ નોટિસ મોકલવી પડી.

આ વર્ષે ઈનકમ ટેકસ ડિપાર્ટમેન્ટ તરફથી આવા ટેકસપેયર્સને પકડવાને ખાસ મહત્વ આપવામાં આવ્યું છે. આ સિવાય સેન્ટ્રલ બોર્ડ ઓફ ડાઈરેકટ ટેકસ(CBDT) તરફથી પણ પ્રયાસ ચાલુ છે કે, ટેકસચોરી કરનારા લોકો દેશમાં નીડર થઈને ફરવા ન જોઈએ, તેમના પર કડક પગલાં લેવાય તે ખુબ જરુરી છે.

સરકાર દ્વારા નોટબંધી વખતે ૫ લાખ અને તેનાથી વધારે ડિપોઝીટ કરનારા ૧૮ લાખ શંકાસ્પદા ખાતાઓની ઓળખ કરવામાં આવી છે, જેમાંથી ઈનકમ ટેકસ પોર્ટલની મદદથી ૧૨ લાખને વેરિફાય કરવામાં આવ્યા છે. આ લોકો દ્વારા જમા કરાવવામાં આવેલી રકમ લગભગ ૨.૯ લાખ કરોડ છે.

પાંચ લાખ ખાતાધારકોએ ડિપાર્ટમેન્ટની રિકવેસ્ટને કોઈ રિસ્પોન્સ નથી આપ્યો. નોટબંધી પછી ૯૯ ટકા રદ્દ થયેલી નોટો સિસ્ટમમાં પાછી આવી જતા મોદી સરકારના આ નિર્ણયની ટીકા પણ થાય છે.

(11:20 am IST)
  • ગુજરાત સરકારને મગફળી ખરીદીની કેન્દ્રે મંજૂરી આપી : ૪ લાખ મેટ્રીક ટન ખરીદાશે : મગફળીની ખરીદી બંધ નહિં કરવા આદેશ : કેન્દ્રીય મંત્રી મનસુખભાઈ માંડવીયાની જાહેરાત access_time 4:12 pm IST

  • પશ્ચિમ બંગાળના મુખ્યમંત્રી મમતા બેનર્જીએ એક વેપાર સંમેલનમાં સંયુક્ત આરબ અમિરાતને આમંત્રણ આપ્યું છે. રાજ્ય સરકારના એક વરિષ્ઠ અધિકારીએ જણાવ્યું હતું કે સંયુક્ત આરબ અમીરાતના વિદેશ વ્યાપાર અને ઉદ્યોગ મામલાના અગ્ર સચિવએ મુખ્યમંત્રીને પત્ર લખીને વેપારી બેઠક માટે આમંત્રિત કર્યા છે. access_time 10:47 am IST

  • નરેન્દ્રભાઈ - કોવિંદજીએ વસંત પંચમી નિમિતે દેશવાસીઓને શુભેચ્છા આપી : આજે વસંતપંચમીના શુભ દિવસ નિમિતે વડાપ્રધાન તથા રાષ્ટ્રપતિ સહિતના આગેવાનોએ શુભેચ્છા પાઠવી છે access_time 3:29 pm IST