Gujarati News

દહેરાદૂન,તા.૨૧: ઉત્ત્।રાખંડના સિતારગંજમાં કોયલા ફિલ્મ જેવો એક વિચિત્ર કિસ્સો પ્રકાશમાં આવ્યો છે. અહીં લગ્ન પછી, એક કન્યા સુહાગરાતના દિવસે જ પતિ પાસેથી સીધી સીધી પોલીસ સ્ટેશન પહોંચી. ઉલ્લેખનીય છે કે, સિતારગંજમાં, એક યુવતીના લગ્ન એક આધેડ યુવક સાથે કરાવી દેવામાં આવ્યા હતા. લગ્ન પહેલા યુવતીને અંધારામાં રાખવામાં આવી હતી. યુવતીને આધેડ વયના યુવાનને બદલે એક યુવાનનો ફોટો બતાવવામાં આવ્યો હતો. આવી સ્થિતિમાં તે લગ્ન માટે રાજી થઈ ગઈ હતી, પરંતુ જયારે લગ્ન બાદ કન્યા તેના સાસરિયાના ઘરે પહોંચી ત્યારે તેના પતિનો ચહેરો જોઈને સ્તબ્ધ થઈ ગઈ હતી. વરરાજા આધેડ થઈ ગયા. મહત્વની વાત એ છે કે, આધેડ પહેલેથી જ પરિણીત હતો. ઘરમાં તેની પહેલી પત્ની અને બાળકો પણ હતા. આ જોઈ દુલ્હન તરત જ ત્યાંથી ભાગી ગઈ. મહિલાએ તેના સાસરિયાના ઘરે જવાની ના પાડી દીધી. મામલો પોલીસ સુધી પહોંચ્યો.

મળતી માહિતી મુજબ, હવે છોકરી તેના આધેડ પતિનું ઘર છોડીને તેના પ્રેમી સાથે રહેવાની વાત કરી રહી છે. આવી સ્થિતિમાં તેણે પોલીસમાં ફરિયાદ પણ કરી છે. સબ-ઇન્સ્પેકટર ગંગારામ ગોલાએ જણાવ્યું હતું કે, આ મામલાની તપાસ કર્યા બાદ જરૂરી કાર્યવાહી કરવામાં આવશે.

ઉલ્લેખનીય છે કે, શહેરના એક વોર્ડમાં રહેતી એક છોકરી પાડોશી યુવક સાથે પોલીસ સ્ટેશન પહોંચી હતી. યુવતીએ પોલીસને જણાવ્યું કે, તેના બરેલી જિલ્લાના સેંથલ ગામમાં રહેતા એક આધેડ સાથે થયા હતા. તેણે કહ્યું કે લગ્ન પહેલા એક યુવાન યુવકનો ફોટો તેને બતાવવામાં આવ્યો હતો. યુવકનો ફોટો જોઈને, તે લગ્ન માટે સંમત થઈ હતી, પરંતુ તેની સાથે દગો કરી ત્રણ બાળકોના પિતા સાથે લગ્ન કરાવી દેવામાં આવ્યા.

લગ્ન બાદ યુવતીને જયારે સત્ય વિશે ખબર પડી ત્યારે તેના હોશ ઉડી ગયા હતા. તે પછી ફરીથી પ્રેમીના સંપર્કમાં આવી. હવે તે તેના પ્રેમી સાથે જ લગ્ન કરવા માંગે છે. તો, પ્રેમી-પ્રેમિકા હવે સંબંધીઓ અને પરિવારને સમજાવવાનો પ્રયાસ કરી રહ્યા છે, પરંતુ બંને લગ્ન કરવા અને સ્થાયી થવા માટે મક્કમ છે.